اعاجاي-التاي تورابى   ›   اقپارات ايدىنى   ›   سۋرەتتى حابارلار

التاي قالاسى ازاتتىق جولى كوشەسى 10-كەزەكتى باتپىراۋىق ۇشىرۋ جارىسىن وتكىزدى

  پراكتيكانت ءتىلشىمىز قۇرمانگۇل حابارلايدى.

  5-ايدىڭ 10-كۇنى، ۇلتتار ىنتىماعىن كۇشەيتىپ، ءار ۇلت بۇقاراسىنىڭ كاسىپتەن سىرتقى قيمىل مازمۇنىن بايىتۋدى كوزدە ۇستاعان التاي قالاسى ازات جولى كوشەسى « پارتيا مۇشەلەرى مەن جۇرتشىلىق جۇرەكتەس بولىپ، ۇلتتار ىنتىماعىن كۇشەيتۋ» تاقىرىبىنداعى 10-كەزەكتى باتپىراۋىق ۇشىرۋ مەرەكەسى قيمىلىن وتكىزدى.

  جارىستا قارتتار گرۋپپاسى، جاستار گرۋپپاسى، بالالار گرۋپپاسى جانە كادىرلارمەن تۋىستارى ءبىر گرۋپپا بولىپ، باتپىراۋىق ۇشىرۋعا جيىنى 80 نەشە ادام قاتىناستى.

  بيىل 80 جاسقا كىرگەن ليۋ شۋەفۋ اتاي بىلاي دەدى:«مەن باتپىراۋىق ۇشىرۋدى ۇناتامىن، ءار جىلعى باتپىراۋىق ۇشىرۋ مەرەكەسىندە قالماي قاتىناسامىن، ءارى ءوزىمنىڭ جاساعان باتپىراۋىعىمدى الىپ بارامىن، بۇگىندە سولاي، باتپىراۋىق ۇشىرۋ ارقىلى دەنە شىنىقتىرىپ قانا قالماستان، باسقالارمەن تانىسىپ دوستاسۋعا بولادى، وسى جولىدا كوپتەگەن ادامدارمەن تانىستىم، ءارى بۇگىنگى سوققان جەل، باتپىراۋىق ۇشىراتىن ەڭ جاقسى مەزگىل ەكەن».

  جارىس باتپىراۋىق ۇشقانداعى الىس-جاقىندىعى مەن بيىك الاسالىعىنا قاراي باعالاندى، 2 ساعاتتان كەيىن، 1-2-3-دارەجەلى جۇلدەگەرلەردى باعالاپ ماراپاتتادى، باسقادا جارىسقا قاتىناسۋشىلارعا شابىتتاندىرۋ سيلىعىن بەردى.

  التاي قالاسى ازات جولى كوشەسى پارتيا قىزمەت كوميتەتىنىڭ شۋجيى جۋ پيڭ بىلاي دەدى:« ءبىز بيىلعى جىلى 10-كەزەكتى باتپىراۋىق ۇشىرۋ مەرەكەسى مەن ۇلتتارىنتىماعىن ۇشتاستىرا وتىرىپ، التاي قالاسىنداعى ءار ۇلت بۇقاراسىنىڭ ءبىر نيەت ءبىر تىلەكتە بولىپ، قيمىل بارىسىندا ءبىر-ءبىرىمەن تانىسىپ، ءوزارا كومەكتەسىپ، ۇلتتار ىنتىماعىن كۇشەيتۋىنە تاماشا وراي دايىنداپ بەردىك».

  اۋدارعان: جانار قاناپيا قىزى

جاۋاپتى رەداكتور: جانار قاناپيا قىزى
  • سۇيكىمدى قىر تۇلكىسى
  • ەرتەگى الەمى بۋىرشىن اۋدانىنىڭ تاڭعى كورىنىسى
  • ءوز ويىن كەستەمەن ورنەكتەگەن شەبەر كەستەشى
  • ورتانى قورعاۋ قيمىلىن ءىس جۇزىندىك ارەكەتكە اينالدىرۋعا بەرىك نەگىز قالادى