اعاجاي-التاي تورابى   ›   اقپارات ايدىنى   ›   ءوز حابارلارىمىز

تۋىسى كەلىپ تۇرمىسى جاقساردى

ءتىلشىمىز قۇرمانگۇل جەڭسىبەك قىزى حابارلايدى.

  -ايىران الىڭىزدار! ايىران، اق ءشاي، قۇرىت،ىرىمشىك، باۋىرساق شۇبات بارلىعى بار كەلىڭىزدەر.

  -ىرىمشىكتى قانشادان ساتىپ تۇرسىز؟

  -ءبىرقورابى 10 يۋان

  -سارى ماي شى؟

  - ءوزىمىز قول پىسكەن مايلار،ءدامى ءتىل ۇيىرەدى. ءبىر قورابى15 يۋان، قولايلى، جاسىل ءونىم.

  مىنە بۇل، التاي قالاسى شىرىكشي اۋىلى كانگى قىستاعى مالشىلىق 1-ءدۇيىنىڭ تۇرعىنى ءۇمىتگۇل ساعاي قىزىنىڭ، بەيتۇن قالاسى يۋ ي فىڭچيىڭ گۇل ءوسىرۋ ەكولوگيا باقشاسىنداعى ساياحاتشىلار ەڭ كوپ كەلەتىن جەردەن اشقان شاعىن سۇت ونىمدەرىن ساتۋ ورنى. يا، ۇتىمدى وراي مەن قولايلى ورىن- كاسىپ كوزىن اشۋشىلار جونىنەن ايىرىقشا ماڭىزدى.

  قوراداعى مالدى قولايلىعىن جاراتىپ بازارعا بەيىمدەسەك كوڭىنە دەيىن اقشا ەكەنىن ءبىز ءاۋباستا، بىلدىكپە ەكەنبىز ؟ ەندەشە وكەن مەن ءۇمىتگۇلدىڭ وزگەشە تىرلىك جولى مال باققانعا بىتكەن مالشى قاۋىمعا وي سالسا ەكەن.

  ءۇمىتگۇل تىلشىگە:‹‹ بىرنەشە جىلدىڭ الدىندا، جولداسىم وكەن، تۇيىقسىز اياعىنان باسالماي اۋىرىپ جاتىپ قالدى، اپارماعان شيپاحانامىز قالمادى، قورا تولى قويىمىزدى، قولىمىزداعى ازىناۋلاق سيىرىمىزدى ساتىپ ەمدەتۋ ءۇشىن كوپ اقشا جۇمسادىق، ءبىر ءتاۋىرى قازىر ازدا بولسا قالپىنا كەلدى. ءبىراق قيىنشىلىق قىرجەلكەمىزدەن باستى. ››،- دەدى اعىنان اقتارىلادى.

  جىعىلعانعا جۇدىرىق.- دەگەندەي، وكەن سەمياسى وتىرعان قىستاق مەكتەپتەن شالعاي ورنالاسقاندىقتان ەكى بالاسى باسقالاردىڭ ۇيىندە جاتىپ وقىدى. اي سايىن بالالارىنا مىڭ يۋاننىڭ تۇرمىس قاراجات تاپسىرۋ ، قيىنشىلىعى اۋىر سەميا ءۇشىن وڭايعا تۇسپەدى. ارقاسنا باتقان اۋىرتپالىقتان نە ىستەرلەرىن بىلمەي، باستارى قاتقاندا، تۋىستاسقان سەرىكگۇل كەلىپ، اقىل قوسىپ، ءادىس-امال قاراستىرىپ ولارعا وزگەشە اۋقاتتانۋ جولىن كورسەتتى.

  ءۇمىتگۇل تىلشىگە: « قانداي ءبىر جۇمىسىمىز بولسا قاسىمىزدان تابىلعان قامقورشىمىزعا العىستان باسقا ايتارىمىز جوق، پارتيامەن ۇكىمەتتىڭ ابىزال ساياساتىنا العىسىمىز ەرەكشە»،- دەدى.

  التاي قالاسى شىرىكشي اۋىلى ءجايىلم باقىلاپ-باسقارۋ ورنىنىڭ قىزمەتكەرى سەرىكگۇل توعانباي قىزى ۇلتتار ىنتىماعىنىڭ بەرەكەلى شاڭىراعى تۋىستاسۋ اپتالعى قيمىلىندا، وكەن وتباسىمەن باعىتتامالى تۋىس بولىپ، احۋالىنان ەگجەي-تەگجەيلى حاباردار بولعاننان كەيىن، ولارمەن كەڭەسە كەلە، قولدارىنداعى بار ساۋىن سيىرلارىنىڭءسۇت ونىمدەرىن مانەرلەپ بازارعا سالسا دەگەن ويىن ورتاعا قويدى. ءارى تەز ارادا جۇمىس باستاپ كەتتى.

  سەرىكگۇل تىلشىگە:«ءسۇت ونىمدەرىنە قاجەتتى ماتەريالدى بازاردان ساتىپ اكەلىپ كومەكتەستىم. وندىرىلگەن ونىمدەردى قوراپتاپ جاساپ شىعارىپ، احاۋسىزدىعىنا كەپىلدىك ەتتىك. ال بازار جاعدايىنا كەلسەك، التاي تەلەگراف سەرىكتەستىگىنەن قىستاققا تۇسكەن قىزمەت اترەتى بەيتۇن قالاسى يۋ ي فىڭچيىڭ گۇل ءوسىرۋ ەكولوگيا سەرىكتەستىگىنىڭ جاۋاپتىسى جاڭ چىڭ جولداسپەن توقتامعا قول قويىپ،سول ارادان ساۋدا ىستەۋگە قولايلى ورىن ازىرلەپ بەردى. ۇيتكەنى بۇل ارادا سەنبى - جەكسەنبى كۇندەرى ساياحاتشى سانى ءبىر شاما مول، ادام كوپ بولعاندىقتان ساۋدا جاساۋعا وتە قولايلى»،- دەدى.

  ‹‹حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ›› قيمىلىنىڭ ەتەك الۋىنا بايلانىستى كادرلار نەگىزگى ساتىداعى بۇقارامەن ەتەنە تۋىستىق قاتىناس ورناتىپ، بۇقارا ءۇشىن ناقتى ىستەردى، يگى ىستەردى ىستەۋگە بەل شەشە كىرىسىپ ءار ۇلت بۇقاراسىنىڭ جاقىن – جاناشىرىنا اينالدى. التاي قالاسى شىركشى اۋىلى ءجايىلم باقىلاپ-باسقارۋ ورنىنىڭ قىزمەتكەرى سەرىكگۇل توعانباي قىزى انە، سولاردىڭ ءبىرى.

  ول قىزمەت بارىسىندا بورىشىن ەسىندە بەرىك ساقتاپ،سۇيەمەلدەۋ جاۋاپكەرلىگىن تياناقتاندىرىپ، قيىنشىلىق قسپاعىنداعى بۇقارانىڭ كەدەيلكتەن قۇتىلۋىنا دالمە - ءدال شارا قولدانىپ، ولاردىڭ تەزىرەك كەدەيلىكتەن قۇتىلىپ اۋقاتتانۋىنا شىعار جول قاراستىردى.

  قۇلشىنعانعا قۇت ءۇيىر دەمەكشى، قوس قولىنا سۇيەنىپ يگىلىك جارتقان وكەن مەن ءۇمىتگۇل بۇل كۇندەرى ساۋدانىڭ قىرىمەن سىرىنا كۇن ساناپ قانىق بولا باستادى، كۇندەلكتى كىرىسىتەرى ءتورت ءجۇز يۋانعا شىعىپ، تۋىسى كەلىپ تۇرمسى جاقسارىپ قالتاسى قامپايعان ولار كەرى كەتكەن جوق، قايتا ساياساتقا سايكەسىپ جۇمىس جاساپ تىرلىكتەرىن وڭادى ءارى يگىلىكتى ساياساتتىڭ قايدان كەلەتىندىگىن، قايدا جەتكىزىلەتىندىگىن ايتقىزباي ۇعىندى.

جاۋاپتى رەداكتور: قابىلقان ايتقابىل ۇلى
  • ج ك پ اۆتونوميالى رايوندىق 9 - كەزەكتى كوميتەتىنىڭ بەسىنشى جالپى ءماجىلىسى اشىلدى
  • ماركىس دۇنيەگە كەلگەندىگىنىڭ 200 جىلدىعىن اتاپ ٴوتۋ جانە « 4-مامىر» جاستار مەرەكەسىن قارسى الۋ قيمىلى وتكىزىلدى
  • قوم كورىنىس رايونىنداعى مەڭىرەۋقۇر
  • سۋىق اعىس تۋرالى كوك ءتۇستى ساقتىق سيگىنال