اعاجاي-التاي تورابى   ›   زاڭ-تارازى   ›   تارازى

مەكەمە ساتىپ العان توپتىق شىرعالاڭ قامسىزداندىرۋ تولەم قاراجاتىن جەكەگە ارتۋعا بولا ماʧ

  دەلو بايان

  سۇن xx 2017 - جىلى 6 - ايدا كورلا قالاسىنىڭ ءمالىم جۇمىس ورنىندا سىرشىلىق ىستەيدى. 2017 - جىلى 8 - ايدا ول ساتىعا شىعىپ جۇمىس ىستەپ تۇرعاندا ابايسىزدان اياعى تايىپ كەتىپ قۇلاپ تۇسەدى دە، ومىرتقاسى سىنىپ، بەلدەن تومەن جارتى دەنەسى سالدانىپ قالادى، قابىرعاسى، يىعى سىنادى. ساراپتاۋدا سۇن xxكە 2 - دارەجەلى مۇگەدەك دەگەن قورىتىندى جاسالادى.

  جۇمىس ورنىنا بارۋدان بۇرىن، سۇن xx تۇرعان كاسىپورىن سۇن xxتى قامتىعان كاسىپورىن قىزمەتكەرلەرىنە قۇرىلىس ورنىنىڭ توپتىق شىرعالاڭ قامسىزداندىرۋىن ساتىپ الىپ، قامسىزداندىرۋ قاراجاتىن تاپسىرادى، قامسىزداندىراتىن شەكتى قاراجات 600 مىڭ يۋان بولادى. سۇن xx قامسىزداندىرۋ مەزگىلىندە جارالانعاندىقتان، شيپاحانادان شىققاننان كەيىن ول قامسىزداندىرۋ سەرىكتەستىگىنەن تولەم بەرۋدى تالاپ ەتەدى. جۇمىس جۇرگىزۋشى كاسىپورىن بۇل قامسىزداندىرۋداعى قامسىزداندىرىلۋشى − سەرىكتەستىك، قامسىزداندىرۋ قاراجاتىن سەرىكتەستىك تاپسىرعان، قازىر سۇن xx قاتىستى تاراۋلار جاعىنان جۇمىس ۇستىندە جارالانعان دەپ تۇراقتاندىرىلدى، قامسىزداندىرۋ سەرىكتەستىگى «بۇل قامسىزداندىرۋ قاراجاتىن الدىمەن سەرىكتەستىككە تولەۋى، ودان كەيىن سەرىكتەستىك سۇن xxكە تولەم بەرۋى كەرەك» دەپ قارايدى. قامسىزداندىرۋدان يگىلىكتەنۋشىنىڭ سالاۋاتى انىق بەلگىلەنبەگەندىكتەن، قامسىزداندىرۋ سەرىكتەستىگى سوزباقتاتىپ تولەم بەرمەيدى، كوپ رەت اقىلداسۋدان ناتيجە بولماعان سوڭ سۇن xx كورلا تەمىر جول تاسىمالى سوت مەكەمەسىنە ارىز بەرىپ، سوت مەكەمەسىنەن قامسىزداندىرۋ سەرىكتەستىگىن وزىنە 600 مىڭ يۋان قامسىزداندىرۋ قارجىسىن تولەۋگە بۇيىرۋدى تالاپ ەتەدى.

  زاڭدىق تۇسىندىرمە

  ۇعىسۋعا قاراعاندا، «قۇرىلىس ورنىنىڭ توپتىق شىرعالاڭ قامسىزداندىرۋىنىڭ تولىق اتى قۇرىلىس جۇمىسىن ىستەۋشىلەردى توپتىق شىرعالاڭ قامسىزداندىرۋى دەپ اتالادى، 16 جاستان 65 جاسقا دەيىنگى دەنساۋلىعى جاقسى، قالىپتى قىزمەت نەمەسە قالىپتى ەڭبەك ىستەي الاتىن ازاماتتار قۇرىلىس جۇمىسى ورنىندا باسقارۋمەن نەمەسە جۇمىسپەن شۇعىلدانىپ ءارى جۇمىس جۇرگىزۋشى كاسىپورىنمەن زاڭدى ەڭبەك قاتىناسىن ورناتقاندارىنىڭ بارلىعى قامسىزداندىرۋعا قاتىناستىرىلعان ادام ەسەپتەلىنەدى» ەكەن.

  وسى دەلوعا جاۋاپتى باس سۋديانىڭ قاراۋىنشا، ادەتتە مۇنداي قامسىزداندىرۋدىڭ بارلىعىندا جۇمىس جۇرگىزۋشى كاسىپورىن قامسىزداندىرىلۋشى دەپ قارالىپ، قامسىزداندىرۋ سەرىكتەستىگىنە قاراجات تاپسىرىپ، جۇمىس ورنىنداعى جۇمىسشىلار قامسىزداندىرىلۋشى رەتىندە، قامسىزداندىرۋ جاۋاپكەرلىگى كۇشكە يە مەرزىمدە قامسىزداندىرىلۋشى قۇرىلىس ورنىندا، جۇمىس باسىندا نەمەسە بەلگىلەنگەن جۇمىس ورنىنىڭ تۇرمىس اۋماعىندا كەزدەيسوق جارالانسا، قامسىزداندىرۋ سەرىكتەستىگى قامسىزداندىرۋ جاۋاپكەرلىگى بويىنشا اماندىق قامسىزداندىرۋىن ۇستىنە الادى. ەلىمىزدىڭ «قامسىزداندىرۋ زاڭىندا»: «قامسىزداندىرىلۋشى وزىمەن ەڭبەك قاتىناسى بار ەڭبەكشى رەتىندە اماندىق قامسىزداندىرۋىنا قاتىناسسا، قامسىزداندىرىلۋشى مەن ونىڭ جاقىن تۋىستارىنان باسقا ادامدى يگىلىكتەندىرۋگە بولمايدى» دەپ بەلگىلەنگەن، سوندىقتان قۇرىلىس ورنىنداعى توپتىق شىرعالاڭ قامسىزداندىرۋىنان يگىلىكتەنەتىن ادام سەرىكتەستىك ەمەس، قامسىزداندىرىلعان ادامنىڭ ءوزى، قامسىزداندىرۋ سەرىكتەستىگى قامسىزداندىرۋ تولەم قاراجاتىن قامسىزداندىرىلعان ادامنىڭ وزىنە بەرۋى كەرەك.
 سۋديانىڭ تۇسىندىرۋىندە، قامسىزداندىرۋ سەرىكتەستىگى زاڭنىڭ بەلگىلەمەسى جانە قامسىزداندىرۋ توقتامىنىڭ شارتى بويىنشا تولەم سوماسىن تەز ارادا سۇن xxتىڭ ەسەبىنە جولدايتىن بولدى، سوڭىندا بۇل ءىس دەلو تۇرعىزباۋ جاعدايىندا شەشىمىن تاپتى.

جاۋاپتى رەداكتور: جانار قاناپيا قىزى
  • قاناستاعى گۇل كوكتەم
  • جاڭبىردان كەيىنگى اققابانىڭ كوركەم كورىنىسى
  • بۇقارا ەمدەلۋ جاعىنداعى ابزال ساياساتتان يگىلكتەندى
  • جاڭبىردان كەيىنگى اسەمدەنگەن گۇل شوعى