اعاجاي-التاي تورابى   ›   زاڭ-تارازى   ›   مەملەكەت زاڭى

بىرگە اراق ىشكەندەر 25 مىڭ يۋاننان تولەم تولەدى

  گۇيجوۋ ولكەسى زۇن - ي قالاسىنداعى ءمالىم ءبىر سەرىكتەستىكتە قىزمەت ىستەيتىن شياۋ - ۋ كوكتەم مەرەكەسى كەزىندە قىزمەتتەستەرىمەن بىرگە سىرتتا باس قوسقان كەزىندە، اراق ءىشىپ جارالانىپ جانىنان جۇدا بولادى. وسى ىستەن كەيىن باس قوسۋدا بىرگە بولعان بىرنەشە قىزمەتتەسى سوتقا شاقىرىلىپ، ەڭ سوڭىندا ءولۋشىنىڭ وتباسىنداعىلارعا ءاربىرى 25 مىڭ يۋاننان تولەم تولەدى.

  شياۋ - ۋ كوزى تىرىسىندە زۇن - ي قالاسىنداعى ءمالىم ءبىر كاسىپورىندا قىزمەت ىستەيتىن. بيىل كوكتەم مەرەكەسىنىڭ 5 - كۇنى ول بىرنەشە قىزمەتتەسىمەن ءبىر اسحانادا باس قوسىپ تاماقتانۋعا كەلىسەدى. داستارقان ۇستىندە كوپشىلىك ءبىر - بىرىنە تىلەك تىلەپ، اق اراقتان ەداۋىر سىلتەيدى.

  ءبىر زاماندا شياۋ - ۋ تازالىق ۇيىنە بارماق بولادى، اراقتى كوپ سىلتەگەندىكتەن، اياعىن دۇرىستاپ باسا الماي، 2 - قاباتتىڭ باسپالداعىنان دومالاپ، باسى جەرگە ءتيىپ، قان جوسا بولادى. جاعدايدى كورگەن 6 قىزمەتتەسى ونى دەرەۋ شيپاحاناعا اپارعانىمەن، اۋىر جارالانىپ، قان كوپ كەتكەندىكتەن شياۋ - ۋ كوز جۇمادى.

  باس قوسامىز دەپ جاقسى دوستارىنان ايرىلعان قىزمەتتەستەرى ەرەن ءىش قۇسا بولادى. ال، شياۋ - ۋدىڭ وتباسىنداعىلار توتەنشە قايعىرادى ءارى بىرگە اراق ىشكەن 6 قىزمەتتەسىنىڭ دە جاۋاپكەرشىلىگى بار دەپ قاراپ، تولەم تولەۋدى تالاپ ەتەدى.

  ۇعىسۋعا قاراعاندا، شياۋ - ۋدىڭ قىزمەتتەستەرىنىڭ باسىم كوبى ادامگەرشىلىك تۇرعىسىنان شياۋ - ۋدىڭ وتباسىنا لايىقتى كومەك بەرمەك بولىپتى، ءبىراق بۇل تولەم ەمەس ەدى. ولار داستارقان ۇستىندە ەشكىم دە ءبىرىن - ءبىرى اراققا ونشا زورلاپ - قىسامادى، ال شياۋ - ۋدىڭ جىعىلۋى بۇكىلدەي جازاتايىم بولعان ءىس دەپ قارايدى.

  3 - ايدىڭ باسىنا دەيىن ەكى جاق بىرلىككە كەلە الماعاندىقتان، شياۋ - ۋدىڭ وتباسىنداعىلار حالىق سوتى مەكەمەسىنە ارىز بەرىپ، ولاردان جيىنى 400 مىڭ يۋاننان استام تولەم تولەۋدى تالاپ ەتەدى.

  جەرگىلىكتى حالىق سوتى مەكەمەسى دەلونى تەكسەرىپ كورگەننەن كەيىن «ول كەزدە شياۋ - ۋ ماس بولعاندىقتان، باسقالارى ونىڭ جالعىز ءوزى باسپالداقتان ءتۇسۋى قاتەرلى ەكەنىن ەسكەرۋى كەرەك ەدى، الايدا سايكەستى قورعاۋ شاراسىن قولدانباعان. وسى فاكتكە نەگىزدەلگەندە، بىرگە اراق ىشكەندەردەن بەلگىلى دارەجەدە اعاتتىق وتكەن، سول ءۇشىن سايكەستى تولەم جاۋاپكەرشىلىگىن ۇستىنە الۋى كەرەك» دەپ قارايدى.

  ايتسە دە جازاتايىم بولۋشى ەرەسەك ادام، شاما - شارقىنا قاراپ اراقتان ءوزىن تەجەپ، ارتىق ىشپەسە بولار ەدى. ونىڭ ۇستىنە ارتىق ىشىلگەن اراقتىڭ باسىنا قاتەر توندىرەتىنىن ءبىلىپ تۇرسا دا، ساقتىق شاراسىن قولدانباي، باسىن قاتەرگە بايلاپ، شىرعالاڭعا ۇشىراعان، سوندىقتان ءوزى دە سايكەستى جاۋاپكەرشىلىك ارقالاۋى ءتيىس.

  حالىق سوتى مەكەمەسىنىڭ جاراستىرۋى ارقىلى ەڭ سوڭىندا 6 جاۋاپكەر شياۋ - ۋدىڭ وتباسىنا بەلگىلى دارەجەدە ەكونوميكالىق تولەم بەرۋگە ماقۇل بولىپ، ءارقايسىسى 25 مىڭ يۋاننان تولەم تولەيتىن بولادى.
 ءتىلشىنىڭ 3 - ايدىڭ 23 - كۇنى وسى دەلونى قاراعان ادۆوكاتتان ۇعىسۋىنشا، 6 جاۋاپكەر تولەۋگە ءتيىستى تولەمىن تۇگەلىمەن شياۋ - ۋدىڭ وتباسىنداعىلاردىڭ قولىنا تيگىزگەن.

جاۋاپتى رەداكتور: جانار قاناپيا قىزى
  • جاڭبىردان كەيىنگى اققابانىڭ كوركەم كورىنىسى
  • بۇقارا ەمدەلۋ جاعىنداعى ابزال ساياساتتان يگىلكتەندى
  • جاڭبىردان كەيىنگى اسەمدەنگەن گۇل شوعى
  • شي جينپيڭ حۋبەيدە قىزمەت تەكسەرگەن كەزدە جاڭا دامۋ ۇستانىمىنا تاباندى بولىپ، «3 ۇلكەن قامال الۋ شايقاسىن» ويداعىداي جۇرگىزىپ، جاڭا داۋىردەگى حۋبەيدى دامىتۋدىڭ تىڭ پاراعىن قۇلشىنا جازۋدى باسا دارىپتەدى