اعاجاي-التاي تورابى   ›   زاڭ-تارازى   ›   تارازى

اتا - ەنەسىنىڭ كەلىنىنەن «بالا باعۋ اقىسىن» سۇراۋى زاڭدى دەپ قارالدى

  قۇلجا قالاسىندا تۇراتىن جاۋ حاي ەرلى - زايىپتىلار 2010 - جىلدان بەرى ۇلى جاۋ فىڭنىڭ بالاسىن قاراسىپ كەلگەن ەدى. ءۇرىمجى قالاسىندا ۇزاق جىل قىزمەت ىستەگەن جاۋ فىڭ مەن ايەلى 2016 - جىلدىڭ باسىندا عانا بالالارىن وزدەرى باعۋعا الىپ قايتتى.

  بالانى ۇيىنە اكەلگەن سوڭ، كەلىنى «بالانى جاقسى تاربيەلەمەپسىزدەر» دەپ ەنەسىنە وكپە ايتا باستادى.

  كەلىنىنىڭ رەنىشىن ەستىگەن اتا - ەنەسىنىڭ جۇرەگى مۇزداپ سالا بەردى، مۇنىسى كوكىرەككە شەمەن بولىپ جينالىپ، اشۋىن تاسىتتى، بىلتىر 9 - ايدا اتا - ەنەسى ءۇرىمجى قالاسى شۇيموگوۋ رايوندىق حالىق سوتى مەكەمەسىنە ۇلى مەن كەلىنىنىڭ ۇستىنەن ارىز ايتىپ، «بالا باعۋ قاراجاتىن» بەرۋدى تالاپ ەتتى.

  حالىق سوتى مەكەمەسى بىلاي دەپ قارادى: ەلىمىزدىڭ ازاماتتىق ىستەر زاڭىنداعى بەلگىلەمەلەرىندە «اتا - اناسى بالالارىنىڭ زاڭدا بەلگىلەنگەن قامقورشىسى، باستى ورىنداعى قامقورشىسى، ازامات جاسىنا تولماعان بالالارىن باعۋ ولاردىڭ زاڭدا بەلگىلەنگەن شارتسىز بورىشى، ازامات جاسىنا تولماعان بالالارىن باعۋ جانە تاربيەلەۋ بورىشىنان ءارقانداي جاعدايدا باس تارتۋعا بولمايدى. ەر - ايەل اجىراسقان كۇندە دە، اتا - اناسى ازامات جاسىنا تولماعان بالالارىن باعۋ مىندەتىن ۇزدىكسىز وتەيدى. اتا - اناسىنىڭ بالالارىن باعۋ قۋاتى بار كەزىندە، بالانىڭ اتا - اپاسىنىڭ (ناعاشى اتاسى، ناعاشى اپاسى) نەمەرەلەرىن (جيەن ۇل - قىزىن) زاڭ بويىنشا باعۋ بورىشى بولمايدى» دەپ بەلگىلەنگەن.

  «جۇڭحۋا حالىق رەسپۋبليكاسىنىڭ ازاماتتىق زاڭىنىڭ جالپى ەرەجەلەرىندە» سەبەپكە قاتىسسىز باسقارۋ تارماقتارى بەلگىلەنگەن، بۇل زاڭدا بەلگىلەنگەن نەمەسە كەلىسىلگەن بورىشى بولماسا دا، باسقالاردىڭ مۇددەسىنە زيان جەتپەسىن دەپ باسقارۋ جۇمىستارىن ىستەۋدى نەمەسە ولارعا قىزمەت وتەۋدى زاڭدىق دالەل ەتۋدى مەڭزەيدى. «جۇڭحۋا حالىق رەسپۋبليكاسىنىڭ ازاماتتىق زاڭىنىڭ جالپى ەرەجەلەرىنىڭ» 93 - تارماعىندا: «زاڭدا بەلگىلەنگەن نەمەسە كەلىسىلگەن بورىشى بولماسا دا، باسقالاردىڭ مۇددەسىنە زيان جەتپەسىن دەپ باسقارۋ جۇمىستارىن ىستەگەندەر نەمەسە قىزمەت وتەگەندەر پايدا كورۋشىدەن سوعان كەتكەن قاجەتتى شىعىندارىن تولەپ بەرۋدى تالاپ ەتۋگە ۇقىقتى» دەپ بەلگىلەنگەن.

  جوعارىداعى بايىمداۋلار نەگىزىندە سوت مەكەمەسى «بالانىڭ اتا - اپاسى نەمەرەلەرىن باعاتىن زاڭدىق بورىشى جوق بولا تۇرسا دا نەمەرەلەرىن باعۋ جاۋاپكەرشىلىگىن ۇستىنە العان، <جۇڭحۋا حالىق رەسپۋبليكاسىنىڭ ازاماتتىق زاڭىنىڭ جالپى ەرەجەلەرىنىڭ> قاتىستى بەلگىلەمەلەرىنە ساي، بالانىڭ اتا - اناسى جاۋ فىڭ ەرلى - زايىپتىلار اكە - شەشەلەرىنىڭ نەمەرەسىن قاراۋ اقىسى ءۇشىن جالپى 35 مىڭ 400 يۋان تولەۋى كەرەك» دەگەن ۇكىم شىعاردى.

  (ماقالاداعى ادام اتتارى وزگەرتىلىپ الىندى)
 اۋدارعان: مەرەي ەركىن قىزى

جاۋاپتى رەداكتور: جانار قاناپيا قىزى
  • بۇقارا ەمدەلۋ جاعىنداعى ابزال ساياساتتان يگىلكتەندى
  • جاڭبىردان كەيىنگى اسەمدەنگەن گۇل شوعى
  • شي جينپيڭ حۋبەيدە قىزمەت تەكسەرگەن كەزدە جاڭا دامۋ ۇستانىمىنا تاباندى بولىپ، «3 ۇلكەن قامال الۋ شايقاسىن» ويداعىداي جۇرگىزىپ، جاڭا داۋىردەگى حۋبەيدى دامىتۋدىڭ تىڭ پاراعىن قۇلشىنا جازۋدى باسا دارىپتەدى
  • بەيجيڭ قالالىق پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ، كەدەيلەردى سۇيەمەلدەۋ قىزمەتىن تەكسەردى، ءتۇيىستىردى