اعاجاي-التاي تورابى   ›   زاڭ-تارازى   ›   تارازى

الەۋمەتتىك اۆتوبۋز شۇعىل تورمۋز باسقاندا، ۇستايتىن تۇتقانىڭ ۇزىلۋىنەن جارالانعان جولاۋشى 430 مىڭ يۋان تولەم الدى

  الەۋمەتتىك اۆتوبۋز قالىپتى قارقىنمەن كەلە جاتىپ شۇعىل تورمۋز باسقاندا، جولاۋشى لۋ xx جىعىلىپ اۋىر جارالانادى. لۋ xx ءوزى وتىرعان الەۋمەتتىك اۆتوبۋز سەرىكتەستىگىمەن بۇعان قاتىستى تولەم ماسەلەسى جونىندە كەلىسە الماعاندىقتان، حالىق سوتى مەكەمەسىنە ارىز بەرىپ، الەۋمەتتىك اۆتوبۋز سەرىكتەستىگىنە ءتۇرلى شىعىنى ءۇشىن 460 مىڭ يۋان تولەتىپ بەرۋدى تالاپ ەتەدى. تاياۋدا، شاڭحاي قالاسى مينشيڭ رايوندىق حالىق سوتى مەكەمەسى وسى دەلو جونىندە ۇكىم شىعارىپ، الەۋمەتتىك اۆتوبۋز سەرىكتەستىگىن لۋ xxكە 430 مىڭ يۋان تولەم تولەۋگە بۇيىردى.

  2016 - جىلى 10 - ايدىڭ 10 - كۇنى 8 ساعات 30 مينۋت مولشەرىندە اۆتوبۋز جۇرگىزىپ كەلە جاتقان شوفەر جاڭ xx شۇعىل تورمۋز باسقاندا، اۆتوبۋزداعى جولاۋشى لۋ xx ۇستاپ تۇرعان تۇتقا كەنەت ءۇزىلىپ كەتىپ، لۋ xx جىعىلىپ باسى جارالانادى. شىرعالاڭ تۋعاننان كەيىن قاتىناس ساقشى تاراۋى قاتىناس شىرعالاڭى جونىندە انىقتاما جازىپ، بۇل شىرعالاڭدا جاڭ xxتىڭ بارلىق جاۋاپكەرشىلىكتى ارقالايتىنىن تۇراقتاندىرادى. ءادىليالىق ساراپتاۋ ناتيجەسى لۋ xxتىڭ كەۋدە، قۇرساق ءبولىمى سياقتى كوپ جەرى زاقىمدالىپ، كوكباۋىرىن، وكپەنىڭ قاناتىن كەسىپ الىپ تاستاۋ جانە باۋىردىڭ شاقپاق ەتىن جاماۋ وپەراتسياسى سياقتىلاردىڭ زاردابىنان 8 -، 9 -، 10 - دارەجەلى مۇگەدەك بولعانىن راستايدى. لۋ xx الەۋمەتتىك اۆتوبۋز سەرىكتەستىگىنەن ەمدەلۋ قاراجاتى، اۋرۋحانادا جاتقانداعى تاماق قوسىمشا قاراجاتى، قورەكتىك قاراجاتى، كۇتىمدەۋ قاراجاتى، جۇمىستان قالۋ اقىسى، مۇگەدەكتىك تولەم قاراجاتى، رۋحاني زيان وتەماقىسى سياقتىلار ءۇشىن جيىنى 460 مىڭ يۋان تولەم تولەۋدى تالاپ ەتەدى.

  سەرىكتەستىك شىرعالاڭنىڭ بارىسى مەن جاۋاپكەرشىلىكتى تۇراقتاندىرۋعا بوتەن پىكىر بىلدىرمەي، سايكەستى تولەم جاۋاپكەرشىلىگىن ۇستىنە الۋعا ماقۇل بولادى. سەرىكتەستىكتەرىنىڭ الدىن الا تولەگەن ەمدەلۋ قاراجاتىن تارتىپ قالۋدى تالاپ ەتۋدەن سىرت، جۇمىستان قالۋ اقىسىن تولەۋگە قوسىلمايدى.

  حالىق سوتى مەكەمەسى تەكسەرگەننەن كەيىن، قاتىناس شىرعالاڭىندا جاۋاپكەرشىلىك ارقالاۋشى قاتىناس شىرعالاڭىندا تۋعان باس اماندىق زيانى جانە مال - مۇلىك زيانى جونىندە ازاماتتىق ىستەر تولەمىن تولەۋ جاۋاپكەرشىلىگىن ۇستىنە الۋى كەرەك دەپ قارايدى. بۇل دەلوداعى شىرعالاڭنىڭ جاۋاپكەرشىلىگىن تۇراقتاندىرۋعا جانە جاڭ xxتىڭ شىرعالاڭ تۋعاندا ءوز مىندەتىن اتقارعان فاكتىنە نەگىزدەلە وتىرىپ، لۋ xxتىڭ زيانىن الەۋمەتتىك اۆتوبۋز سەرىكتەستىگى تولەۋ جاۋاپكەرشىلىگىن ۇستىنە الادى. سونىمەن بىرگە، سوت مەكەمەسى تولەم قاتىستى كولەم ءارى بەلگىلى سان ىشىندە زياندى تولىقتاۋدى پرينسيپ ەتىپ، زاڭدى جانە اقىلعا سيىمدى بولسىن دەپ قارايدى. ەڭ سوڭىندا سوت مەكەمەسى ءتۇرلى سەبەپ - سالداردى ويلاستىرعاننان كەيىن جوعارىداعىداي ۇكىم شىعارادى.

  «حالىق سوتى مەكەمەسى گازەتىنەن» الىندى
 حانزۋشادان اۋدارعان: ساعىنبەك رابات ۇلى

جاۋاپتى رەداكتور: جانار قاناپيا قىزى
  • بۇقارا ەمدەلۋ جاعىنداعى ابزال ساياساتتان يگىلكتەندى
  • جاڭبىردان كەيىنگى اسەمدەنگەن گۇل شوعى
  • شي جينپيڭ حۋبەيدە قىزمەت تەكسەرگەن كەزدە جاڭا دامۋ ۇستانىمىنا تاباندى بولىپ، «3 ۇلكەن قامال الۋ شايقاسىن» ويداعىداي جۇرگىزىپ، جاڭا داۋىردەگى حۋبەيدى دامىتۋدىڭ تىڭ پاراعىن قۇلشىنا جازۋدى باسا دارىپتەدى
  • بەيجيڭ قالالىق پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ، كەدەيلەردى سۇيەمەلدەۋ قىزمەتىن تەكسەردى، ءتۇيىستىردى