اعاجاي-التاي تورابى   ›   اقپارات ايدىنى   ›   وقۋ-اعارتۋ

رايونىمىز 2018 - جىلعى «تيانشاندا كىتاپ وقۋ» اتىنداعى بۇكىل حالىقتىق كىتاپ وقۋ قيمىلىن ورىستەتتى

  ءتىلشىمىز لي لي 4 - ايدىڭ 18 - كۇنى ۇرىمجىدەن حابارلايدى. 4 - ايدىڭ 18 - كۇنى تۇستەن كەيىن، اۆتونوميالى رايوندىق اقپارات - باسپا ءسوز، راديو - تەلەۆيزور مەكەمەسى ۇيىمداستىرعان «تيانشاندا كىتاپ وقۋ» اتىنداعى 2018 - جىلعى بۇكىل حالىقتىق كىتاپ وقۋ تەلەۆيزور ارناۋلى ساۋىق كەشى شينجياڭ تەلەۆيزياسىنىڭ كونسەرت ۇلكەن زالىندا ءتۇسىرىلدى. ءسويتىپ، «كىتاپ وقۋ. جاڭا ءداۋىر. جاڭا ساپار»، «<تيانشاندا كىتاپ وقۋ> بىرگە كىتاپ وقيىق. 2018» باستى تاقىرىپ ەتىلگەن بۇكىل حالىقتىق كىتاپ وقۋ جەلىلەس قيمىلى شىمىلدىعىن اشتى.

  ساۋىق كەشتى ءتۇسىرۋ الاڭىندا ءار سالادان كەلگەن كادر - جۇرتشىلىق جىر وقۋ، كلاسسيكتەردىڭ تۋىندىلارىن وقۋ، جۇڭگو ارمانىن جىرعا قوسۋ سياقتى تاقىرىپتاردى وزەك ەتىپ، كىتاپ وقۋ اڭگىمەسىن ءبولىسۋ، كىتاپ وقۋ اسەرىن اڭگىمەلەۋ، كىتاپ وقۋعا شاقىرۋ قيمىلىن ورىستەتتى. سونىمەن بىرگە، بۇكىل رايونىمىزداعى بۇكىل حالىقتىق كىتاپ وقۋدى ىشكەرىلەي ورىستەتۋدىڭ جاندى مىسالدارىن تانىستىردى. ساۋىق كەش باي مازمۇندى ادەبيەت - كوركەمونەر نومىرلەرى ارقىلى كىتاپ وقۋدىڭ قۋانىشى مەن كىتاپ وقۋدىڭ ادام تاعدىرىن وزگەرتەتىن ءمانىن بەينەلەپ، كىتاپ وقۋ ارقىلى ءبىلىمدى ءبولىسۋدى جەدەلدەتىپ، جاڭاشا وي ۇشقىنىن مازداتىپ، مادەنيەتكە دەگەن سەنىمدى ايگىلەدى.

  ۇعىسۋعا قاراعاندا، «تيانشاندا كىتاپ وقۋ» اتىنداعى بۇكىل حالىقتىق كىتاپ وقۋ قيمىلى كەزىندە، بۇكىل رايونىمىزداعى شينحۋا كىتاپحانالارى تاڭداۋلى باسىلىمداردى كورمەگە قويۋ - ساتۋدى ورىستەتىپ، تاقىرىپتىق كىتاپ سورەسىن قۇرىپ، ءتۇيىندى وقىلاتىن كىتاپ تىزىمدىگىن تانىستىرىپ، جىلجىمالى كىتاپ ساتۋعا ۇيىمداستىرىپ، شينحۋا كىتاپحاناسىنىڭ تيجارات ۋاقىتىن ۇزارتۋ سياقتى جاقتاردا وقىرمانداردىڭ كىتاپ ساتىپ الۋىنا قولايلىلىق جاراتادى ەكەن. جەر - جەردىڭ الەۋمەتتىك اۋماق كىتاپ ۇيلەرى، شارۋالار كىتاپ ۇيلەرى دە تاقىرىپتىق لەكسيا، كلاسسيكتەردىڭ تۋىندىلارىن وقۋ، كىتاپ وقۋ اسەرى، زەيىن سىناۋ جارىسى سياقتى تاقىرىپتىق كىتاپ وقۋ قيمىلدارىن ورىستەتىپ، قالا، اۋىلداردا قويۋ كىتاپ وقۋ ورتاسىن جاراتادى. رايون ىشىندەگى گازەت - جۋرنال، ينتەرنەت سياقتى مەديالار «دۇنيە جۇزىلىك كىتاپ وقۋ كۇنىنە شولۋ»، «جاقسى كىتاپ وقۋ» سياقتى كوپ ءتۇرلى ارناۋلى ايدار، ارناۋلى تاقىرىپ اشىپ، بۇكىل حالىقتىق كىتاپ وقۋ قيمىلىنىڭ ورىستەتىلۋ جاعدايىن جانە قوعامدىق ناتيجەسىن ۇگىتتەپ، «بۇكىل حالىقتىق كىتاپ وقۋ. كىتاپپاز تيانشان» اتىنداعى بۇكىل حالىقتىق كىتاپ وقۋ قيمىلىن بىرگە ىلگەرىلەتەدى.

  «تيانشاندا كىتاپ وقۋ» اتىنداعى 2018 - جىلعى بۇكىل حالىقتىق كىتاپ وقۋ تەلەۆيزور ارناۋلى ساۋىق كەشى 4 - ايدىڭ 23 - كۇنى شينجياڭ جاساندى سەرىك ارناسىندا تۇڭعىش رەت تاراتىلادى.

جاۋاپتى رەداكتور: جانار قاناپيا قىزى
  • كىتاپ وقۋدى دارىپتەپ، تاماشا وقۋ ورتاسىن جارتايىق
  • ەگىنشى - مالشىلار تۋىستارىمەن بىرگە كىتاپ وقۋ كۇنىن اتاپ ءوتتى
  • جارىم عاسىردان استام ۋاقىتتان بەرى كىتاپ ماعان سەرىك بولىپ كەلەدى
  • جەمەنەي اۋدانىندا ءار اپتانىڭ سەنبى كۇندەرى اشىلاتىن ساۋدا بازارى تۇرعىندارعا قولايلى بولدى