اعاجاي-التاي تورابى   ›   اقپارات ايدىنى   ›   ماڭىزدى حابارلار

نەگىزگى زاڭدى ۇلىقتاعان ايبىندى سەرت

  «مەن مىنانى سەرت ەتەمىن: جۇڭحۋا حالىق رەسپۋبليكاسىنىڭ نەگىزگى زاڭىنا ادال بولامىن، نەگىزگى زاڭنىڭ بەدەلىن قورعايمىن، زاڭدا بەلگىلەنگەن قىزمەت مىندەتىمدى اتقارامىن، وتانعا ادال بولامىن، حالىققا ادال بولامىن، ءوز قىزمەتىمدى بايىپتى، مۇقيات، جاقسى ىستەپ، پاك ءارى كوپشىل بولىپ، حالىقتىڭ باقىلاۋىن قابىلدايمىن، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت قۇرۋ ءۇشىن قۇلشىنا كۇرەسەمىن!»

  اسقاق ءۇن، ايبىندى بەينە، وسى ءبىر قاستەرلى ءسات حالىق رەسپۋبليكاسىنىڭ تاريحىنا جازىلىپ، ميلليارد حالىقتىڭ كوڭىل تورىنە ۇيالاپ قالدى. 3 - ايدىڭ 17 - كۇنى تۇستەن بۇرىن، نەگىزگى زاڭ الدىندا سەرت بەرۋ ءتۇزىمى اتقارىلعاننان بەرى تۇڭعىش رەت مەملەكەتتىك حالىق قۇرىلتايىندا نەگىزگى زاڭ الدىندا سەرت بەرۋ سالتى وتكىزىلدى. جۇڭحۋا حالىق رەسپۋبليكاسىنىڭ ءتوراعالىعىنا، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا سايلانعان باس شۋجي شي جينپيڭ سول قولىن نەگىزگى زاڭنىڭ ۇستىنە قويىپ، وڭ قولىن كوتەرىپ جۇدىرىعىن ءتۇيىپ، ايبىندى سەرت بەردى. بۇل حالىق رەسپۋبليكاسىنىڭ تاريحىندا مەملەكەت ءتوراعاسىنىڭ تۇڭعىش رەت نەگىزگى زاڭ الدىندا سەرت بەرۋى، بۇل شي جينپيڭ جولداستىڭ پارتيانىڭ، مەملەكەتتىڭ، ارميانىڭ ەڭ جوعارى باسشىسى رەتىندە نەگىزگى زاڭدى ۇلىقتاپ، نەگىزگى زاڭدى قورعاپ، نەگىزگى زاڭعا بويسۇنعان وسكەلەڭ ساياسي سانالىلىعىن تولىق ايگىلەدى، باس شۋجي شي جينپيڭنىڭ بۇكىل پارتيانىڭ قولداۋىنا، بۇكىل حالىقتىڭ قۇرمەتىنە بولەنگەن كوسەم رەتىندە ءوز باسىمەن ۇلگى بولىپ، باستاماشىلدىقپەن ونەگە كورسەتكەن ساياسي قاسيەتى مەن كوسەمدىك كەلبەتىن تولىق تانىتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مەملەكەتتى نەگىزگى زاڭمەن جونگە سالىپ، نەگىزگى زاڭ بويىنشا بيلىك جۇرگىزىپ، نەگىزگى زاڭنىڭ بەدەلىن قورعاۋعا بەل بۋعان بەكەم ەركى مەن بەرىك بەكىمىن تىڭعىلىقتى ايگىلەدى.

  نەگىزگى زاڭ − مەملەكەتتىڭ ءتۇبىرلى زاڭى، مەملەكەتتى نىعايتۋدىڭ باس ۋستاۆى، ەڭ جوعارى زاڭدىق مارتەبەگە، زاڭدىق بەدەلگە جانە زاڭدىق كۇشكە يە. نەگىزگى زاڭدى ءتۇبىرلى ارەكەت ولشەمى ەتىپ، نەگىزگى زاڭ تانىمىن ورناتىپ، نەگىزگى زاڭ پرينسيبىنە بويسۇنىپ، نەگىزگى زاڭ رۋحىن ساۋلەلەندىرىپ، نەگىزگى زاڭداعى بورىشتاردى وتەۋ − مەملەكەت قىزمەتكەرلەرىنە قويىلاتىن نەگىزگى تالاپ. نەگىزگى زاڭ الدىندا سەرت بەرۋ ايبىندى سالت عانا ەمەس، سونىمەن قاتار، نەگىزگى زاڭنىڭ بەدەلىن ايگىلەۋدىڭ ماڭىزدى ءتاسىلى، ول مەملەكەت قىزمەتكەرلەرىنىڭ نەگىزگى زاڭ كوزقاراسىن نىعايتىپ، مەملەكەت قىزمەتكەرلەرىنىڭ نەگىزگى زاڭعا ادال بولىپ، نەگىزگى زاڭعا بويسۇنىپ، نەگىزگى زاڭدى قورعاۋىن ىلگەرىلەتۋگە پايدالى، بۇكىل قوعامدا نەگىزگى زاڭ تانىمىن كۇشەيتىپ، نەگىزگى زاڭنىڭ مارتەبەسىن قورعاۋعا پايدالى. ءتوراعا شي جينپيڭنىڭ قىزمەتكە كىرىسۋ كەزىندە زاڭ بويىنشا نەگىزگى زاڭ الدىندا سەرت بەرۋى بۇكىل پارتيا، بۇكىل ەلدەگى ءار ۇلت حالقى ءۇشىن ەڭ جاقسى ىنتالاندىرۋ جانە تاربيەلەۋ، ءسوز جوق، قالىڭ مەملەكەت قىزمەتكەرلەرىنىڭ قىزمەت جاۋاپكەرشىلىگىن وتەۋ جونىندەگى بورىشتىلىق سەزىمى مەن جاۋاپكەرشىلىك سەزىمىن مەيلىنشە نىعايتىپ، قوعام مەن الەۋمەتتى نەگىزگى زاڭ رۋحىن ونان سايىن ساۋلەلەندىرىپ، نەگىزگى زاڭ سەنىمىن جەتىلدىرۋگە مەيلىنشە ىنتالاندىرادى.

  تاريح پەن اماليات بىزگە نەگىزگى زاڭنىڭ بەدەلىن قورعاۋ − پارتيا مەن حالىقتىڭ ورتاق ەركىنىڭ بەدەلىن قورعاۋ؛ نەگىزگى زاڭنىڭ مارتەبەسىن قورعاۋ − پارتيا مەن حالىقتىڭ ورتاق ەركىنىڭ مارتەبەسىن قورعاۋ؛ نەگىزگى زاڭنىڭ اتقارىلۋىنا كەپىلدىك ەتۋ − حالىقتىڭ ءتۇبىرلى مۇددەسىنىڭ ىسكە اسۋىنا كەپىلدىك ەتۋ ەكەندىگىن ۇعىندىردى. پارتيا 18 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە نەگىزگى زاڭ الدىندا سەرت بەرۋ ءتۇزىمىن ورناتۋ العا قويىلعاننان مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە قارالىپ، ماقۇلدانعان نەگىزگى زاڭنىڭ وزگەرىس ەنگىزىلگەن نۇسقاسىندا «مەملەكەت قىزمەتكەرلەرى مىندەتكە وتىرار الدىندا زاڭداعى بەلگىلەمەلەر بويىنشا نەگىزگى زاڭ الدىندا سەرت بەرۋى ءتيىس» دەگەن بەلگىلەمەنىڭ قوسىلۋىنا دەيىن، نەگىزگى زاڭ الدىندا سەرت بەرۋ ءتۇزىمىنىڭ ورناۋى مەن ونىڭ زاڭدىق مارتەبەسىنىڭ ۇزدىكسىز كوتەرىلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل باسقارىپ، بيلىك جۇرگىزۋ بارىسىندا، نەگىزگى زاڭنىڭ بەدەلىن باتىل قورعاۋ، نەگىزگى زاڭنىڭ مارتەبەسىن باتىل قورعاۋ، نەگىزگى زاڭنىڭ اتقارىلۋىنا كەپىلدىك ەتۋ بەكىمىن جانە مەملەكەتتى زاڭمەن جونگە سالۋدى مەملەكەتتى جونگە سالۋدىڭ نەگىزگى فورماسى ەتىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتۋ سەنىمىن تولىق كورسەتتى.

  «زاڭ ىركىلىسسىز اتقارىلسا، ءتارتىپ وزدىگىنەن تۇزەلەدى، وندايدا جونگە سالىنبايتىن مەملەكەت، تاربيە قونبايتىن حالىق بولمايدى». شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، «4 تانىمدى» كۇشەيتىپ، «4 سەنىمدى» بەكەمدەپ، نەگىزگى زاڭ نەگىزىن نىعايتىپ، نەگىزگى زاڭنىڭ قۇدىرەتىن كورسەتەر بولساق، ءبىز، ءسوز جوق، ميلليارد حالىقتىڭ جويقىن كۇشىن ءبىر ارناعا توعىستىرىپ، جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتى ۇلى گۇلدەنۋىنىڭ شۇعىلالى ارعى جاعاسىنا جەتە الامىز.
 (شينحۋا اگەنتتىگىنىڭ 3 - ايدىڭ 17 - كۇنى بەيجيڭنەن بەرگەن حابارى)

جاۋاپتى رەداكتور: جانار قاناپيا قىزى
  • ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى جابىلدى
  • ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى جابىلدى
  • ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى جابىلدى
  • ساياسي كەڭەس مەملەكەتتىك 13 - كەزەكتى كوميتەتىنىڭ باسشىلارى سايلاندى