اعاجاي-التاي تورابى   ›   مادەنيەت ارناسى   ›   ونەگە

جاستارعا ايتار وي ءتۇيىن

ءبىراياعىن قاتىناس شىرعالاڭى جالماعان ءبىر كىشكەنتاي قىز باقشانىڭ ورىندىعىندا مۇڭعا باتىپ وتىرادى. ول ماڭىنداعى شالعىن اراسىندا جۇرگەن ءبىر ءتيىننىڭ وزىنە باسپالاپ تاياپ كەلىپ قاراپ تۇرعانىن كورەدى. اش جۇرگەنىنە بىرنەشە كۇن بولعان تيىن كىشكەنتاي قىزعا قىزىعا قاراپ :« ءبىر اياعى جوق بولسادا مەن مىنا قىز بولىپ جارالعان بولسام قانداي جاقسى بولار ەدى » دەپ شىرىن قيالعا باتادى.
ادامزاتتىڭ ەڭ ۇلكەن قاسىرەتى وزىندەگى بار نارسەنى ەلەمەيدى، قاستەرلەي المايدى. باسقانىكىنە كوز تىگەدى. وعان ءومىر بويى قۇمارتىپ وتەدى. اتا-انالار بالاسىن ءسوز تىڭدامايدى دەپ جازعىرسا، بالاسى اكە-شەشەم مەنى تۇسىنبەيدى دەپ جازعىرادى؛ جىگىتى قالىڭدىعىن بيازى ەمەس دەپ جازعىرسا، قالىڭدىعى جىگىتىن ماعان جانى اشىمايدى دەپ جازعىرادى. ولار باسى امان اتا-انانىڭ، ساۋ-سالەمەت بالانىڭ جانە تاتۋ-ءتاتتى جۇبايلاردىڭ بولعانىنىڭ ءوزى قانشاما باقىتتى ءىس ەكەنىن ويلامايدى.
ءبىر سىپىرا ادامدار مول بايلىق پەن شەكسىز ۇقىقتى عانا باقىت دەپ سانايدى. وسى ءۇشىن ولار ارىپتالاسا كۇرەسەدى. تىنىم تاپپايدى، ولاردىڭ وزىندەگى بار نارسەدەن ءلاززاتتانۋعا مۇرساسى تيمەيدى. ونى بايقامايدى. ءىس جۇزىندە، وزىڭدەگى بار نارسەنى ايالاي ءبىلۋدىڭ ءوزى ەڭ زور باقىت.
«اياق كيىمى جوق ءبىر قىز، ەكى اياعى جوق ءبىر ادامدى كورىپ كوز جاسىن دەرەۋ تيىپتى». دەگەن اتالى ءسوز بار. دۇنيەدەگى تولىپ جاتقان ىستەردە ءبىز قولىمىزدا بار نارسەنىڭ قادىرىنە جەتپەيمىز. ونى قولدان شىعارىپ العاندا بارىپ وكىنىپ جاتامىز.
ومىردە ەكى نىسانا بولادى: ءبىرى قولعا كەلتىرمەك بولعان نارسە ءۇشىن كۇشىمىزدى سارقا جۇمساۋ؛ ەكىنشىسى، قولعا كەلتىرگەن سوڭ ودان ءلاززاتتانا ءبىلۋ. جايشىلىقتا ادامدار ءبىرىنشى نىساناعا قاراي ۇمتىلادى. ەكىنشى نىساناعا ات ءۇستى قارايدى ويتكەنى، ولار ءوز تابىسىنان ءلاززاتتانۋدى مۇلدە بىلمەيدى.
ءلاززاتتانۋدى بىلەتىن ادام قولدا بار بايلىعىنڭ از-كوپتىگىن، مارتەبەسىنىڭ جوعارى-تومەندىگىن، تابىسقا جەتۋ نە بولماسا ساتسىزدىككە ۇشىراۋىمەن ەسەپتەسپەيدى. تەك سانىن عانا الىپ وتىرادى. سەن قولدان شىعارىپ العان نارسەڭدى ەسەپتەۋشى بولما، قازىر قولدا بار نارسەڭدى قايتا-قايتا ەسەپتەپ تۇر. وسى ءبىر توتەنشە قاراپايىم ەسەپتەۋ ءادىسى ومىردەن ءلاززاتتانۋدىڭ پاراساتى. وزىڭدەگى بار نارسەنىڭ قانشاما جەتىپ اساتىندىعىن ويلاپ كورشى! ءبىراق، سەنىڭ وعان قاناعاتتانبايتىنىڭدى بىلەمىن، ەگەر قاناعاتتانباۋ العا باسۋىڭداعى قوزعاۋشى كۇشكە اينالسا، ارينە، ول ءبىر يگى ءىس. ءبىراق، باسقا بىرەۋلەرگە كورسوقىرلىقپەن قۇمارتىپ، ۋايىمنىڭ قۇي باتپاعىنا باتىپ جۇرمە، ەگەر شىنىمەن-اق وسىلاي بولسا، وندا وزىڭنەن دە بەينەتتى ادامداردى ەسڭە ال.

جاۋاپتى رەداكتور: ءاننا اكىمقان قىزى
  • قابا اۋدانىندا ءتۇرلى قيمىلدار وتكىزىلدى
  • كادرلار بۇقارامەن تەرەڭ سۇيسپەنشىلىك ورناتتى
  • ستۋدەنتتەردىڭ ىستىق مەيىرى
  • كوكتوعاي اۋدانى اقجار قىستاعىنداعى قىراۋلى كورىنىس