اعاجاي-التاي تورابى   ›   مادەنيەت ارناسى   ›   بىلگەنگە مارجان

ءوزىڭدى سەنگىشتىكپەن اۋرە ەتپە

«ءوزىڭدى سەنگىشتىكپەن اۋرە ەتپە، قۇمارپاز بوپ ماقتاندى قۋىپ كەتپە، جۇرتپەن بىرگە ءوزىڭدى قوسا الداسىپ، سالپىلداپ، ساعىم قۋعان بويىڭا ەپ پە؟»،-دەگەن ەكەن، ۇلى اباي.
ادام تابيعاتى سەنگىش بولادى، اسىرەسە ماقتاۋ سوزگە سەنگىش بولادى. ال، ول ۋدان دا زياندى، ماقتاۋدىڭ سالدارىنان قانشاما ۋاقىتىن بوسقا وتكىزەدى، داۋرىعادى، داندانسيدى، شىنىمەن كەرەمەت ەكەنمىن دەپ جۇرگەندە، جاۋلارى الدىنا ءتۇسىپ، شاڭ قاپتىرىپ كەتەدى. ودان گورى وزىڭە سىن كوزبەن قاراپ، جەتىستىگىڭە جەتىسىپ كەتپەي، شىعار بيگىڭنىڭ باسپالداعىندا عانا تۇرعانداي ەڭبەكتەنسەڭ، تەر توكسەڭ، پايداسى مول بولماق.
بالام، اعايىن-تۋىسىڭ قانشا بولسا دا، ادام جەكە ادام رەتىندە جالعىز. سونى ءتۇسىن. قازاق ءدانىشپادارى: «جانى بولەكتىڭ كورى بولەك» دەگەن. سەنىڭ ارمانىڭ، ماقساتىڭ، تىلەگىڭ ءبارى سەنىمەن عانا بىرگە. ول باسقالارمەن بىرگە ءومىر سۇرمەيدى. ال جالعىز ادام قارۋلى بولعانى دۇرىس. قارۋلارىڭ: قايراتىڭ، كۇشىڭ، نامىسىڭ، ۋجدانىڭ، ارىڭ، ماقساتىڭ، ءبىلىمىڭ، باۋىرمالدىق سەزىمىڭ، ادال ماحابباتىڭ.
ەر ازامات ايەل بالاسىنا قاراعاندا، ۇستامدى، مىقتى بولادى. ەلپىلدەگەن، بالاداي اڭقاۋ بولعان ەر جىگىتكە جاراسپايدى. نە نارسەنى دە اقىل بەزبەنىنە سالىپ، ويلانىپ ارەكەت ەتۋ كەرەك. ومىردە نەشە ءتۇرلى جاعدايلار بولۋى مۇمكىن، اعايىن-تۋىستاردىڭ ورتاسىن اشۋ ۇشىن كەيبىرەۋلەر، ايتپاعاندى ايتقىزىپ، جاساماعاندى جاساتىپ قويادى. بالام، سەنگىش بولما دەپ، بۇل جەردە دە ايتامىن. سەنىڭ باۋىرلارىڭ ەشقاشان ساعان جاماندىق جاسامايدى، وعان سەنىمدى بول. مەن اق سۇتىممەن دە، انا تىلەگىممەن دە بويلارىڭا بەرگەن ءبىر قاسيەتىم بولسا، ول-سول، باۋىرعا دەگەن ادالدىق. بالام، ادامعا دوستا، جولداستا، تىپتى، جار دا تابىلادى، ءبىراق باۋىر تابىلمايدى. دۇشپاننىڭ سوزىنە سەنىپ، باۋىرلارىڭدى جوعالتىپ الماڭدار. باياعى جاۋگەرشىلىك زاماندا اكەسى بالاسىن جاۋدان قۇتقارىپ، اتىنا وتىرعىزىپ، قاشىپ بارا جاتسا، جولدان جارالى باۋىرىن كەزدەستىرىپتى، ەكەۋىن اتقا وڭگەرۋ مۇمكىن ەمەس. سوندا اكەسى: «مەن امان بولسام، تاعى دا بالام بولار، ال باۋىرىم تابىلماس. اتاسى بولەك اتتان تۇس، اتاسى بىرگە اتقا مىن» دەگەن ەكەن.مىنە، بالام، تۋعان بالاسىن قانشا قيماسا دا، باۋىرىن جاقىن تۇتقان قازاقپىز.

جاۋاپتى رەداكتور: ءاننا اكىمقان قىزى
  • قابا اۋدانىندا ءتۇرلى قيمىلدار وتكىزىلدى
  • كادرلار بۇقارامەن تەرەڭ سۇيسپەنشىلىك ورناتتى
  • ستۋدەنتتەردىڭ ىستىق مەيىرى
  • كوكتوعاي اۋدانى اقجار قىستاعىنداعى قىراۋلى كورىنىس