اعاجاي-التاي تورابى   ›   مادەنيەت ارناسى   ›   بىلگەنگە مارجان

بۇلدىرگەن ءتىستى اعارتادى

ءاپپاق ءتىس ادامنىڭ كوركىن اسىرىپ قويماي، اۋىز قۋىسى اۋرۋىنان ساقتايدى. تاياۋدا كەيبىر توراپ بەكەتتەرىندە بۇلدىرگەننىڭ ءتىستى اعارتاتىندىعى ايتىلدى. وسى جونىنەن ءتىلشى 4 - اسكەري شيپاگەرلىك ۋنيۆەرستيتەتى ءتىس ۇلپاسى اۋرۋلار ءبولىمى مەڭگەرۋشىسىنىڭ ورىنباسارى تيان يۇيمەن سۇحباتتا بولدى.
تيان يۇي بىلاي دەدى: ءتىستىڭ سارعايۋى ەكى ءتۇرلى سەبەپتەن بولادى. ءبىرى، سىرتقى اسەردەن بولادى. بۇل اۋىز قۋىسى تازالىعىنا كوڭىل بولمەۋدەن شايداعى، تەمەكىدەگى، كوفەدەگى، قىزىل اراقتاعى، كولاداعى بوياعىش زات سياقتىلار ءتىس بەتىنە ءسىڭىپ، ۋاقىت ۇزارا كەلە داق بولىپ بايلانىپ، وسىدان بارىپ ءتىس سارعايادى. ەندى ءبىرى، ىشكى اسەردەن بولادى. بۇل ءتىستىڭ جەتىلۋى بارىسىندا قورەكتىك جەتىسپەۋدەن تۇتىنعان سۋدا فتور كوپ بولۋ نەمەسە ءدارى تۇتىنۋ سياقتى سەبەپتەردەن ءتىستىڭ ءتۇسى وزگەرەدى، ەگەر ءتىس ۇلپاسىندا اۋرۋ وزگەرىسى بولسا نەمەسە شىرىسە ءتىس قارايادى.
ال بۇلدىرگەندە ءالسىز قىشقىل دەپ اتالاتىن ءجۇزىم قىشقىلى بار، ول تىستەگى داقتى ىدىراتىپ، ءتىستى تازالاۋ رولىن اتقارادى دەپ ۇسىنىس قويدى: بۇدان تىس، الما، ماندارين، ليموننىڭ قۇرامىندا دا ءالسىز قىشقىل بار بولىپ، تابيعي ءتىس اعارتقىش ەسەپتەلەدى. ەستە بولاتىن تاعى ءبىر ءىس، بالدىركوك، شومىر سياقتى تالشىقتى ازىقتار دا تىستەگى داقتاردى كەتىرەدى.
تيان يۇي بىلاي دەپ ەسكەرتتى: جەمىس پەن كوكونىستىڭ ءتىستى اعارتۋى شەكتى بولادى، ءتىستىڭ تازالىعىن ساقتاۋدا اۋىز قۋىسىنىڭ تازالىعىنا كوڭىل ءبولۋ كەرەك. سونىمەن بىرگە كوپشىلىك مەرزىمدى ۋاقىتتا تەكسەرتىپ، تىستە كومەسكى قاتەردىڭ بار - جوقتىعىنا كوز جەتكىزىپ تۇرۋ كەرەك. قاجەت بولعاندا شيپارگەردىڭ كەڭەسىن تىڭداپ، ۆلترا دىبىس تولقىنى جانە سۋىق جارىق ارقىلى تازالاتۋ كەرەك.

جاۋاپتى رەداكتور: ءاننا اكىمقان قىزى
  • قابا اۋدانىندا ءتۇرلى قيمىلدار وتكىزىلدى
  • كادرلار بۇقارامەن تەرەڭ سۇيسپەنشىلىك ورناتتى
  • ستۋدەنتتەردىڭ ىستىق مەيىرى
  • كوكتوعاي اۋدانى اقجار قىستاعىنداعى قىراۋلى كورىنىس