اعاجاي-التاي تورابى   ›   زاڭ-تارازى   ›   مەملەكەت زاڭى

شينجياڭ بيىلدان باستاپ ەڭبەك قامتاماسىزداندىرۋ زاڭىنا اۋىر قايشىلىق جاساۋ ارەكەتتەرىن قوعامعا اشىق جاريالايدى

  شينحۋا اگەنتتىگىنىڭ حابارى.

  ەڭ جاڭا بەلگىلەمە بويىنشا، 2018 - جىلدان باستاپ شينجياڭداعى ادام ىستەتۋشى ورىنداردىڭ ەگەر ەڭبەكشىلەردىڭ ەڭبەكاقىسىن تارتىپ قالۋ، ەڭبەكاقىنى سەبەپسىز كەشەۋىلدەتۋ جانە ەڭبەكاقى بەرۋدەن باس تارتۋ ارەكەتتەرىنىڭ شارپىعان ادام سانى كوپ، سوماسى قوماقتى بولىپ، ەڭبەك قامتاماسىزداندىرۋ زاڭىنا اۋىر قايشىلىق جاساسا، ولار سەنىمدىلىك «قارا تىزىمدىگىنە» كىرگىزىلىپ قالماستان، قوعامعا اشىق جاريالانادى.

  ءتىلشى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن مىنانى ۇعىستى: جاڭادان ورتاعا قويىلعان «شينجياڭ ۇيعۇر اۆتونوميالى رايونىنىڭ ەڭبەك قامتاماسىزداندىرۋ زاڭىنا اۋىر قايشىلىق جاساۋ ارەكەتتەرىن قوعامعا جاريالاۋدى اتقارۋ ادىسىنە» نەگىزدەلىپ، 2018 - جىلدان باستاپ شينجياڭ ەڭبەك قامتاماسىزداندىرۋ زاڭىنا اۋىر قايشىلىق جاساۋ ارەكەتتەرىن قوعامعا اشىق جاريالايدى. ەڭبەك قامتاماسىزداندىرۋ زاڭىنا اۋىر قايشىلىق جاسايتىن ارەكەتتەر نەگىزىنەن تومەندەگى جاقتاردى قامتيدى: ەڭبەكشىلەردىڭ ەڭبەكاقىسىن تارتىپ قالۋ، سەبەپسىز كەشەۋىلدەتۋ سوماسى ءبىرشاما مول، شارپىعان ادام سانى 100 مىڭ ادامنان اسقان نەمەسە سوماسى 100 مىڭ يۋاننان اسقان زاڭعا قايشى ارەكەتتەر؛ ەڭبەكاقىنى بەرۋدەن باس تارتقان، زاڭ بويىنشا ءادىليا ورگاندارىنا تاپسىرىلىپ بەرىلگەن زاڭعا قايشى ارەكەتتەر؛ قوعامدىق قامسىزداندىرۋ سوماسىن تاپسىرماعان، ەڭبەكاقى سوماسىن جاسىرعان نەمەسە مالىمدەگەن قىزمەتشىلەردىڭ سانى مالىمدەۋگە ءتيىستى ەڭبەكاقى جالپى سوماسىنىڭ نەمەسە قىزمەتشى سانىنىڭ %30ىن ۇستاعان زاڭعا قايشى ارەكەتتەر؛ قوعامدىق قامسزداندىرۋ مامىلەسىن قىمقىرىپ العان نەمەسە قوعامدىق قامسىزداندىرۋ قورى 10 مىڭ يۋاننان جوعارى بولعان زاڭعا قايشى ارەكەتتەر.
 اتقارۋ ادىسىندە تاعى ادام ىستەتۋشى ورىننىڭ ايەل قىزمەتكەرلەردى جانە ازامات جاسىنا تولماعانداردى زاڭنىڭ ەڭبەك جاعىنداعى ەرەكشە قورعاۋ جونىندەگى بەلگىلەمەسىنە قايشىلىق جاساۋ ارەكەتتەرىن؛ بەلگىلەمەگە قايشىلىق جاساپ بالا جۇمىسشى ىستەتۋ ارەكەتتەرىن؛ قىزمەت ۋاقىتى جانە دەمالىس ۋاقىتى جونىندەگى بەلگىلەمەگە قايشىلىق جاساپ، سۇعاناقتىققا ۇشىراعان قىزمەتكەر سانى جالپى ادام سانىنىڭ %30ىنەن اسقان جاعدايلارىن قوعامعا اشىق جاريالاۋ كولەمىنە كىرگىزىپ، ەڭبەكشىلەردىڭ زاڭدى ۇقىق - مۇددەسىنە كەپىلدىك ەتەدى.

جاۋاپتى رەداكتور: جانار قاناپيا قىزى
  • ورتالىق تەلەۆيزيا ستانسياسىنىڭ 2018-جىلعى كوكتەم مەرەكەسى ساۋىق كەشى
  • ساقشىلار حالىق بۇقاراسىمەن بىرگە تۇشپارا ءتۇيىپ، كوكتەم مەرەكەسىن قارسى الدى
  • التايداعى كوماندير-جاۋىنگەرلەر كوكتەم مەرەكەسىن بىلاي قارسى الدى
  • كوكتەم مەرەكەسىن قارسى الۋ دۋماندى ساۋىق كەش قيمىلى وتكىزىلدى