اعاجاي-التاي تورابى   ›   اقپارات ايدىنى   ›   سۋرەتتى حابارلار

چىن چۋانگو كوكتەم مەرەكەسى قارساڭىندا ۇرىمجىدە ءار ۇلت كادرلارى مەن بۇقاراعا امانداسا بارىپ، ولاردان حال سۇرادى
بۇكىل رايونداعى ءار ۇلت حالقىنا جانە بيڭتۋانداعى كادرلار مەن جۇمىسشى - قىزمەتكەرلەرگە مەرەكەلىك ىزگى تىلەك ءبىلدىردى

كوكتەم مەرەكەسى قارساڭىندا، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو ءۇرىمجى قالاسىنا كەلىپ، ءار ۇلت كادرلارى مەن جۇرتشىلىعىنا ىستىق ىقىلاسپەن امانداستى جانە ولاردان حال سۇرادى، اۆتونوميالى رايوندىق پارتكوم، ۇكىمەت اتىنان بۇكىل رايونىمىزداعى ءار ۇلت حالقىنا، بيڭتۋانداعى كادرلار مەن جۇمىسشى - قىزمەتكەرلەرگە مەرەكەلىك ىزگى تىلەك ءبىلدىردى. سۋرەتتە: چىن چۋانگو تيانشان رايونى داۋان وڭتۇستىك جولىندا جۇمىس باسىندا ورتا تازالىقشىلارىنا امانداسا بارىپ، ولاردان حال سۇرادى، ورتا تازالىقشىلارىنىڭ جانە ولاردىڭ وتباسىنداعىلاردىڭ كوكتەم مەرەكەسىنە قۇتتى بولسىن ايتتى. سۋرەتتى ءتىلشىمىز سۇي جىجيان تۇسىرگەن

    ياۋ تۇڭ 13 - اقپاندا ۇرىمجىدەن حابارلايدى. كوكتەم مەرەكەسى قارساڭىندا، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو ءۇرىمجى قالاسىندا ءار ۇلت كادرلار مەن بۇقاراعا ىقىلاستى امانداسىپ، شىنايى حال سۇراپ، اۆتونوميالى رايوندىق پارتكوم، ۇكىمەت اتىنان بۇكىل رايونداعى ءار ۇلت حالقىنا، بيڭتۋانداعى كادرلار مەن جۇمىسشى - قىزمەتكەرلەرگە مەرەكەلىك ىزگى تىلەك ءبىلدىردى.
  ءۇرىمجى قار - مۇز بۇركەنىپ جاتسا دا، مەرەكە قارساڭىندا ۇلكەندى - كىشىلى كوشەلەر مەرەكە مەرەيىنە شومدى. قىپ - قىزىل شام - شىراقتار، نارت قىزىل مەملەكەت تۋى بارلىق جەردى شات - مەرەيگە، جاراستىققا بولەپ تۇر.
  ديقاندار كالەندارى بويىنشا كوكتەمنىڭ باسى بولسا دا، سۋىقتىڭ ىزعارى ءالى قايتا قويعان جوق. ورتا قورعاۋ قىزمەتكەرلەرى قاقاعان سۋىققا قاراماي تاڭ بوزىنان تۇرىپ، جاي جاتىپ، جاپالى ەڭبەك ىستەپ، تۇتاس قالانى ايناداي تازالادى. چىن چۋانگو تيانشان رايونى داۋان وڭتۇستىك جولىنا كەلىپ، جۇمىس ىستەپ جاتقان ورتا قورعاۋ قىزمەتكەرلەرىمەن امانداسىپ، ولاردان حال سۇرادى. «كوپشىلىك جاپا شەكتىڭىزدەر، كوكتەم مەرەكەلەرىڭىز قۇتتى بولسىن!».
  چىن چۋانگو ورتا قورعاۋ قىزمەتكەرلەرىمەن ءبىر - بىرلەپ قول الىسىپ، ەسەندىك سۇراستى. «كىرىستەرىڭىز قانداي؟»، «جۇمىس كيىمدەرىڭىز جىلى ما؟»، «ىستىق اس ءىشىپ تۇراسىزدار ما؟». كوپشىلىكتىڭ ءار كۇنى تاڭەرتەڭ ساعات 6 جارىمنان باستاپ قىزمەتكە كىرىسەتىنىن بىلگەندە، چىن چۋانگو اسەرلەنە بىلاي دەدى: سەندەر بۇل قالاداعى ەڭ جاپاكەش جاندارسىزدار ءارى ەڭ قۇرمەتكە لايىق جاندارسىزدار. سىزدەر وزدەرىڭىزدىڭ قاجىرلى قوس قولدارىڭىز بەن اشتى قان - تەرلەرىڭىز ارقىلى سان مىڭداعان وتباسىلارى ءۇشىن تازا دا جايلى ورتا ازىرلەپ، ءۇرىمجىنىڭ وركەنيەتتى قالا بولىپ قۇرىلۋىنا ماڭىزدى ۇلەس قوستىڭىزدار. تۇتاس قوعام ورتا قورعاۋ قىزمەتكەرلەرىنە قامقورلىق ەتۋى، قۇرمەتتەۋى، ورتا قورعاۋ قىزمەتكەرلەرىنىڭ ەڭبەك جەمىسىن بىرگە قورعاۋى كەرەك. چىن چۋانگو كوپشىلىكتى بىرگە ەستەلىك سۋرەتكە تۇسۋگە شاقىردى ءارى قاتىستى تاراۋلاردىڭ جاۋاپتى جولداستارىنا ورتا قورعاۋ قىزمەتكەرلەرىنىڭ مەرەكە كەزىندەگى تۇرمىسىن، ءسوزسىز، جاقسى ورنالاستىرىپ، ولارعا اناعۇلىم جاقسى قىزمەت ورتاسىن، تۇرمىس شارت - جاعدايىن قۇلشىنا ازىرلەۋدى تاپسىردى.
  «كوپشىلىكتىڭ كوكتەم مەرەكەسىنىڭ قۇتتى، وتباسىلارىنىڭ باقىتتى بولۋىن تىلەيمىن!». TS123 حالىققا قولايلى ساقشى پۋنكتىندە، چىن چۋانگو مىندەت اتقارىپ تۇرعان حالىق ساقشىلارى مەن قارۋلى ساقشى كوماندير - جاۋىنگەرلەرىنە مەرەكەلىك تىلەك ايتتى. ول قاراستى اۋماقتاعى اماندىقتى قورعاۋ، كەزەكشىلىك، مىندەت ازىرلىگى سياقتى جاعدايلاردى تاپتەشتەي ۇعىستى. ساقشى ىستەرى پۋنكتىنىڭ باستىعى تانىستىرىپ بىلاي دەدى: ءبىر جىلدان استام ۋاقىت قۇلشىنۋ ارقىلى قاراستى اۋماقتاعى قوعام اماندىعى دەلولارى، قىلمىستىق ىستەر دەلولارى زور مولشەردە ازايدى، ءار ۇلت حالقى ءبىر اۋىزدان «ساقشى ىستەرى پۋنكتى بىزگە الاڭسىزدىق پەن قولايلىلىق الا كەلدى» دەستى. چىن چۋانگو بىلاي دەدى: «سەندەر قىزمەت ورىندارىڭىزدا تاپجىلماي، ءۇن - ءتۇنسىز ۇلەس قوسىپ، وزدەرىڭىزدىڭ جاپا - ماشاقاتتارىڭىز ارقىلى سان مىڭداعان وتباسىن قۋانىشقا بولەدىڭىزدەر، مەن اۆتونوميالى رايوندىق پارتكوم، ۇكىمەت اتىنان سىزدەرگە، بۇكىل رايونداعى ءارقايسى ورنىقتىلىقتى قورعاۋ كۇشتەرىنە جانە سىزدەردىڭ وتباسىلارىڭىزداعىلارعا راقىمەت ايتامىن، كوپشىلىكتىڭ جاڭا جىلىن قۇتتىقتايمىن!». چىن چۋانگو بۇكىل رايونداعى ءارقايسى ورنىقتىلىقتى قورعاۋ كۇشتەرىنىڭ ساقتىق دابىلىن باستان - اياق قاعىپ، ساقتىقتى كۇشەيتىپ، ساقاداي ساي تۇراتىن وسكەلەڭ ساقتىق كۇيىن ساقتاپ، ءار ۇلت حالقىنىڭ باقىتتى دا امان - ەسەن بولۋىنا، بۇكىل رايون قوعامىنىڭ جالپى جاعدايىنىڭ ءۇرتىس ورنىقتى، جاراسىمدى بولۋىنا تىڭ ۇلەس قوسۋىن ءۇمىت ەتتى.
  چىن چۋانگو قيىنشىلىعى بار بۇقارانىڭ تۇرمىسىن قاشاندا ەسىنەن شىعارعان ەمەس. ول حەيجياشان ارتقى كوشەسى الەۋمەتتىك اۋماعىنا ارنايى كەلىپ، تۇرمىسىندا قيىنشىلىعى بار بۇقارامەن امانداستى. ەڭ تومەنگى تۇرمىسى قامتاماسىز ەتىلەتىن وتباسىنداعى گۇلنيسا يسمايىل ازامات جاسىنا ەندى تولعان ۇلى ءازىمات مامەتپەن بىرگە تۇرادى. چىن چۋانگو شەشەلى - بالالى ەكەۋىمەن بىرگە وتىرىپ، ولاردىڭ تۇرمىس جاعدايىن ۇعىستى. گۇلنيسا چىن چۋانگوعا ءوزىنىڭ ەڭ تومەنگى تۇرمىسى قامتاماسىز ەتىلەتىنىن، ەمدەۋ قامسىزداندىرۋى بار ەكەنىن، ۇلىنىڭ دا الەۋمەتتىك اۋماقتىڭ كومەگىندە قىزمەت تاۋىپ العانىن، ەكەۋىنىڭ تۇرمىسى قامتاماسىز ەكەنىن، ءوزىنىڭ شىن جۇرەكتەن باس شۋجي شي جينپيڭگە، پارتياعا، وتانعا العىس ايتاتىنىن، مەملەكەت تۋىن قوناق بولمەسىنىڭ كورنەكتى جەرىنە ءىلىپ قويعانىن ايتتى. چىن چۋانگو گۇلنيساعا حال سۇراۋ اقشاسىن بەرىپ، ونى شابىتتاندىرىپ: پارتيا مەن ۇكىمەت ءسىز سياقتى وتباسىلارىنا، ءسوزسىز، ۇزدىكسىز قارايلاسىپ، كوپشىلىكتىڭ تۇرمىسىن بارعان سايىن جاقسارتادى، - دەدى. چىن چۋانگو بىلاي دەدى: مەملەكەتىمىز جاقسى بولسا، ۇلتىمىز جاقسى بولادى، كوپشىلىك تە جاقسى بولادى. ءبىز شينجياڭداعى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىن ءارقاشان ەستە بەرىك ساقتاپ، ماڭگى پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، وتاننىڭ شينجياڭىن اناعۇرلىم كورىكتى ەتىپ قۇرۋىمىز كەرەك.
  ەڭ تومەنگى تۇرمىسى قامتاماسىز ەتىلەتىن وتباسى جۋ حۋايلياڭنىڭ ۇيىندە، چىن چۋانگو ەكى كاريامەن ىقىلاستى اڭگىمەلەستى. 78 جاستاعى جۋ حۋايلياڭ ءوزىنىڭ شينجياڭعا كەلگەن 50 جىلدان استام ۋاقىتتان بەرى مۇنداعى دامۋدى، وزگەرىستى ءوز كوزىمەن كورگەنىن، اسىرەسە، قازىر قالالاردىڭ بارعان سايىن كوركەيىپ، ءار ۇلت بۇقاراسىنىڭ بارعان سايىن ىنتىماقتاسىپ، اماندىق ورتاسىنىڭ بارعان سايىن جاقسارعانىن، ەرلى - زايىپتى ەكەۋىنىڭ تۇرمىسى بارعان سايىن باقىتتى بولا تۇسكەنىن ايتتى. چىن چۋانگو ەكى كارياعا ۇزاق عۇمىر تىلەپ، كوكتەم مەرەكەسىنە قۇتتى بولسىن ايتتى. چىن چۋانگو الەۋمەتتىك اۋماق قىزمەتكەرلەرىنە قيىنشىلىعى بار بۇقارانى تۋىسىنداي، ءوز ءۇيىنىڭ ادامىنداي كورىپ، كوبىرەك ارالاپ، جاعدايلارىن ۇعىسىپ، كومەكتەسىپ، شىنايى سۇيىسپەنشىلىكپەن ولاردىڭ ناقتى قيىنشىلىقتارىن شەشىپ، ولاردىڭ تابىس سەزىمىن، باقىت سەزىمىن ۇزدىكسىز كۇشەيتۋدى تاپسىردى.
  چىن چۋانگو بىلاي دەدى: پارتيا 19 - قۇرىلتايى جاڭا ءداۋىردىڭ ايبىندى جوباسىن جاسادى، ءبىز شينجياڭداعى ءار ۇلت حالقى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اناردىڭ دانىندەي تىعىز ۇيىسىپ، باسقان جەردە ءىز قالاتىنداي ورنىقتىلىقپەن قىزمەتتەردى تاباندىلىقپەن ىستەپ، تاماشا كەلەشەكتى، تاماشا تۇرمىستى بىرگە جاراتۋىمىز كەرەك.
  اۆتونوميالى رايون باسشىلارىنان شۇي حايرۇڭ، سارقىت اقان ۇلى حال سۇراۋ قيمىلىندا بىرگە بولدى.

جاۋاپتى رەداكتور: قابىلقان ايتقابىل ۇلى
  • اقدالا قالاشىعىندا 2018-جىلعى شاعان مەرەكەسىن قارسى الۋ ساۋىق كەشى وزدىرىلدى
  • شي جينپيڭ كوكتەم مەرەكەسى قارساڭىندا سىچۋاندا تۇراتىن اسكەري بولىمدەردىڭ بەلگىلى بازاسىندا قىزمەت تەكسەرىپ، كوماندير - جاۋىنگەرلەرگە امانداستى
  • جاڭ يان التاي قالاسى قىزىلتاس قالاشىعىنىڭ دولاتى قىستاعىندا پارتيا ياچەيكاسىنىڭ ۇيىمدىق تۇرمىس جيىنىنا قاتىناستى
  • قۇم وتارى بولساداعى جىراقتا، ۇگىت قاعىس قالماق ەمەس ءبىراقتا