اعاجاي-التاي تورابى   ›   اقپارات ايدىنى   ›   سۋرەتتى حابارلار

اقدالا قالاشىعىندا 2018-جىلعى شاعان مەرەكەسىن قارسى الۋ ساۋىق كەشى وزدىرىلدى

گۇلنار ءاۋساي قىزى حابارلايدى.

  13-اقپاندا, شىڭگىل اۋدانى اقدالا سۋارىلمالى رايونىنداعى كەدەيلەردى ىڭعايلى جەرگە كوشىرۋ تۇيىنىندە «قۇت سيلاسىن قۇتپان جىلى» اتىنداعى شاعان مەرەكەسىن قارسى الۋ ساۋىق كەشى وزدىرىلدى. ايماقتىق دامۋ رەفورما كوميتەتى، ايماقتىق قوعام حاۋىپسىزدىك مەكەمەسى، ايماقتىق حالىق بانكەسى جانە اقدالا قالاشىعى جوبالاۋ كوميتەتىندەگى كادرلار مەن بۇقارا ءبىر ارادا باس قوسىپ، ەسكى جىلدى اتتاندىرىپ، جاڭا جىلدى قارسى الدى.

  كەشكى ساعات 19:30 دا ساۋىق كەش شىمىلدىعى «بەرەكە ءتۇبى مەرەكە» انىمەن اشىلدى. ساۋىق كەش «تۋىستىق سۇيسپەنشىلىك شەكسىز مەيىر»، «شىڭگىلگە ماحاببات»، «وتانعا سۇيىسپەنشىلىك» اتتى ءۇش بولىمنەن قۇرالىپ، ءان ايتۋ، ءبي بيلەۋ، وركەستىر، كومەديا قاتارلى 15 ءتۇرلى ويىن نومەرى ورىندالدى. «جاڭا قونىسقا جايعاسىپ، باقىتتى تۇرمىسقا كەنەلدىك» اتتى كومەديادا تۇتاس اۋدانىمىزداعى 861 ارحيۆ تۇرعىزىلعان كەدەي وتباسىلارى جاڭا قونىسقا جايعاسقاننان كەيىن، مەملەكەتتىڭ حالىققا ءتيىمدى ساياساتتارىنان يگىلىكتەنۋى، جاڭا قونىستاعى جاڭا تۇرمىسى جانە كەدەيلىكتەن قۇتىلىپ، دوڭگەلەك داۋلەتتى تۇرمىس ورەسىنە جەتۋگە بولعان تالپىنىسىن جان جاقتىلى ايگىلەدى. «ىنتىماق كۇش» اتتى توپتىق قوردا جاڭا داۋىردەگى ءار ۇلت بۇقاراسىنىڭ قول ۇستاسا بىرلىكتە العا ۇمتىلىپ، ۇيتقىلىق كۇشتى نىعايتىپ، ورتاق داميتىن رۋحتارىن ساۋلەلەندىردى. ساۋىق كەش شىمىلدىعى «وتاندى جىرلاۋ» توپتىق قورىمەن جابىلىپ، كوپشىلىكتىڭ وتانعا، پارتياعا دەگەن سۇيىسپەنشىلىگىن ونان ارى تەرەڭدەتتى.

  اقدالا قالاشىعىنىڭ تۇرعىنى باقىتقان تىلشىگە:«التاي حالىق بانكەسىندەگى تۋىسىم بىزبەن بىرگە شاعان كونسەرتىنە قاتىناستى. قيمىل ارقىلى تۋىستىق قارىم-قاتىناسىمىز ءتىپتى دە قويۋلاستى. مەن وتە قۋانىشتامىن، كەلەر جىلعى شاعان مەرەكەسىن تۋىسىممەن بىرگە وتكىزسەم دەيمىن»-دەدى.

  التاي ايماقتىق دامۋ رەفورما كوميتەتىنىڭ ورىنباسار مەڭگەرۋشىسى ايدىنبەك تىلشىگە:« بۇقارامەن بىرگە ءان ايتىپ، بيگە باسىپ، وسىنداي قيمىلدارعا قاتىناسۋ ارقىلى ولارمەن ىشكەرلەي ءتۇسىنىسىپ، سۇيىسپەنشىلىگىمىز تەرەڭدەپ، ءبىر سەميانىڭ ادامدارىنداي بولىپ كەتتىك».-دەدى.

  اقدالا قالاشىعى قۇرۋدى جوبالاۋ كوميتەتىنىڭ ورىنباسار مەڭگەرۋشىسى سۇي جيىڭ تىلشىگە: «ءبىز بوساعالىق شاپتاۋ، اسپالى شىراق ورناتۋ جانە وسىنداي ساۋىق كەش وزدىرۋ ارقىلى جۇڭحۋا ۇلتىنىڭ ءداستۇرلى شاعان مەرەكەسىن تويلاپ، اقدالا قالاشىعىن قويۋ مەرەكەلىك تۇسكە بولەدىك. سونىمەن بىرگە ايماققا قاراستى ءۇش مەكەمەدەن وسىندا تۋىسشىلاۋ اپتالىعىنا كەلگەن كادرلار مەن بۇقارا شاعان ساۋىق كەشى ارقىلى ىنتىماقتارى نىعايىپ، سۇيىسپەنشىلىكتەرى تەرەڭدەدى».-دەدى.

  ءتىلشىنىڭ قىزمەت ورنى: شىڭگىل اۋداندىق راديو-تەلەۆيزيا مەكەمەسى

جاۋاپتى رەداكتور: قابىلقان ايتقابىل ۇلى
  • شي جينپيڭ كوكتەم مەرەكەسى قارساڭىندا سىچۋاندا تۇراتىن اسكەري بولىمدەردىڭ بەلگىلى بازاسىندا قىزمەت تەكسەرىپ، كوماندير - جاۋىنگەرلەرگە امانداستى
  • جاڭ يان التاي قالاسى قىزىلتاس قالاشىعىنىڭ دولاتى قىستاعىندا پارتيا ياچەيكاسىنىڭ ۇيىمدىق تۇرمىس جيىنىنا قاتىناستى
  • قۇم وتارى بولساداعى جىراقتا، ۇگىت قاعىس قالماق ەمەس ءبىراقتا
  • تۋىستاسۋ قيمىلى بۇقارانىڭ كوڭىل تۇكپىرىنەن ورىن العان ەرەكشە قيمىل سانالدى