اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

وتىرىقتانعان مالشىلاردىڭ تۇرمىسىندا ەلەۋلى وزگەرىستەر تۋىلۋدا

  مالشىلاردى وتىرىقتاندىرىپ مال شارۋاشىلىعىن گۇلدەندىرۋ ينجەنەرياسى اتقارىلعاننان كەيىن مالشىلاردىڭ ءوندىرىس تاسىلىندە بۇرىلىس بولىپ قانا قالماستان حالىق تۇرمىسى دا جاقساردى. جۋىرداعى جىلداردان بەرى مالشىلاردى وتىرىقتاندىرىپ، مال شارۋاشىلىعىن گۇلدەندىرۋ ينجەنەرياسى ورنىقتى اتقارىلىپ، مالشىلاردىڭ تۇرمىسىندا ەلەۋلى وزگەرىستەر تۋىلدى. ەندى وتىرىقتانعان مالشى گۇلدەننىڭ باقىتتى تۇرمىسقا كەنەلگەنى جونىندەگى ارناۋلى حابارىمىزعا نازار سالىڭىزدار.

  قازىرگى كەز ءوندىرىستىڭ سايابىر مەزگىلى بولعانىمەن شىڭگىل اۋدانى ارال اۋىلى لاستى قىستاعىنىڭ مالشىسى گۇلدەن كۇندەرىن قاربالاس وتكىزۋدە، ول ءار كۇنى شۇبات، قىمىز، قۇرت- ىرىمشىك، نان سەكىلدى تۇتىنۋ بۇيىمدارىن اۋدانعا اپارىپ ساتىپ كىرىس تاۋىپ وتىر.

  20 جىلدىڭ الدىندا ەندى عانا باس قۇراعان گۇلدەنمەن كۇيەۋىنىڭ قولى قىسقا بولعاندىقتان تالاي قينشىلىقتى باستان وتكەردى، جان باعۋ ءۇشىن قىسى جازى مال سوڭىندا جۇرىپ كوشپەلى تۇرمىس كەشىردى، اسىرەسە قىس مەزگىلدەرىندە قار اپاتى تۋىلىپ مالدىڭ شىعىندالۋىنان ايىرىقشا الاڭدايتىن، كەي جىلدارى مالدى جۇتقا بەرىپ، قويشى تاياعىن ۇستاپ قالعان كەزدەرى دە بولدى.

  العاش وتىرىقتاسقان كەزدە بۇدان كەيىنگى تۇرمىسىنىڭ قالاي بولارىن بىلمەي باسى قاتقان گۇلدەننىڭ كوڭىلى جاي تاپپاعان ەدى. كەيىن ءتۇرلى ءتيىمدى ساياساتتىڭ قولداۋىندا، وتىرىقتانعاننان كەيىن كىرىس تابۋ جولىنىڭ كوپ ەكەنىن بايقاعان گۇلدەن باقتاشىلىقپەن اينالىسىپ كۇن كورىسىن جاقسارتادى، وتكەن جىلدىڭ سوڭىندا قىستاقتاعى قىزمەت اترەتىندەگىلەردىڭ كومەگىندە گۇلدەن اۋدان ورتالىعىنان سۇت ونىمدەرىن ساتۋ دۇكەنىن اشتى.

  گۇلدەننىڭ دۇكەنى شاعىن بولعانىمەن ساتاتىن قۇرت- ىرىمشىك سەكىلدى سۇت ونىمدەرىن ءوزى جاسايتىندىقتان ساپاسى سەنىمدى ونىمدەردى الۋشىلاردىڭ اياعى ۇزىلمەدى. ءوزى جالعىز جەتىسە الماعان ول قازىر زات ساتۋعا ارناۋلى ادام ىستەتىپ وتىر ەكەن.

  ءداستۇرلى مال شارۋاشىلىعىن نەگىز ەتەتىن شەكارا اۋدان بولعان شىڭگىل اۋدانىندا 7372 وتباسىنداعى 26598 ادام باقتاشىلىقپەن اينالىسادى. مالشىلاردى وتىرىقتاندىرىپ، مال شارۋاشىلىعىن گۇلدەندىرۋ ينجەنەرياسىنىڭ ارقاسىندا مالشىلار جاڭا قونىسقا كوشىپ قانا قالماستان وتىرىقتاندىرۋ تۇيىندەرىندە اسفاليت جول سالىندى، كاسىپتەنۋىنە، كاسىپ كوزىن اشۋىنا ءتيىمدى شارت- جاعداي ازىرلەنىپ، باقىتتى تۇرمىسقا تالپىنعانداردىڭ قاتارى مولايدى، بۇقارانىڭ پارتيا مەن ۇكىمەتكە دەگەن سەنىمى اناعۇرلىم نىعايىپ، شىنايى تيىمدىلىكتەن يگىلىكتەنىپ، باردام تۇرمسىقا كەنەلدى.

اۋدارعان: جۇمابەك

جاۋاپتى رەداكتور: قابىلقان ايتقابىل ۇلى
  • شاعان مەرەكەسى قارساڭىندا قادەن ءۋالي تۋىسى ۋاڭ يان وتباسىنا امانداسا باردى
  • نوقاي بورانىنان پايدا بولعان عاجايىپ قار كورىنىستەرى
  • شاعان مەرەكەسىن قارسى الۋ ساۋىق كەشى ارقىلى ەگىنشى- مالشىلاردىڭ مادەني تۇرمىسىن بايىتتى
  • ەرىكتىلەر حالىق ساقشىلارىنا تۇشپارا تۇيىسىپ، مەرەكەلىك مەيىر باعىشتادى