اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

بۋرىلتوعايدا قولونەر بۇيىمدارىن وندىرۋگە قولداۋ كورسەتىلدى

  بۋرىلتوعاي اۋدانىندا ۇلتتىق قولونەر بۇيىمدارىن قورعاۋ نىسانى اتقارىلعاننان كەيىن كەستەشىلىك كاسىبىنە سۇيەنىپ اۋقاتتانۋ جولىنا تۇسكەن جەرگىلىكتى مالشىلاردىڭ قاتارى مولايدى.

  بۋرىلتوعاي اۋدانى شىعانجيدە اۋىلى شىعانجيدە قىستاعىنىڭ مالشىسى شاۋەيقان اۋباكىر قىزى ون ساۋساعىنان ونەر تامعان اۋىل ايەلدەرىنىڭ ءبىرى، تاياۋ جىلداردان بەرى ول ءتۇرلى قولونەر بۇيىمدارىن تىگىپ، كەستەشىلىك ونەرىنە سۇيەنىپ وتباسى كىرىسىن ارتتىردى.

  بۋرىلتوعاي اۋدانىنىڭ شىعانجيدە اۋىلىندا از ۇلتتاردىڭ ءداستۇرلى قولونەر كاسىبىن قورعاۋ جانە دامىتۋ سىناق ءتۇيىنى نىسانى اتقارىلىپ، وسى نىسانعا ءبىر ميلليون يۋان قارجى جۇمسالدى، كاسىپتىك وقىتۋشىلار ساباق ءوتۋ جانە ءداستۇرلى قولونەر بۇيىمدارىنىڭ تەحنيكالىق دەڭگەيىن جۇيەگە تۇسىرۋ ارقىلى قولونەر كاسىبىنىڭ تەحنيكالىق دەڭگەيىن جوعالاتۋمەن بىرگە ءداستۇرلى قولونەر بۇيىمدارى مادەنيەتىن اناعۇرلىم ويداعىداي قورعاۋعا جانە جالعاستىرۋعا مۇمكىندىك جاسالدى. وسى نىسان بويىنشا جاسالعان قولونەر بۇيىمدارىن نىسانعا جاۋاپتى ورىندار بۇيىرتىپ جانە جيناپ الىپ، ءبىرتۇتاس بازارعا شىعاردى، شاۋەيقان اۋباكىر قىزى دا وسى نىساننىڭ يگىلىگىن كورۋشىلەردىڭ ءبىرى.

  بۋرىلتوعاي اۋدانى شىعانجيدە اۋىلدىق حالىق قۇرىلتايى ءتوراعالار القاسىنىڭ ءتوراعاسى جەڭىسبەك: بيىل اۋىلىمىز نىسان قارجىسىنا سۇيەنىپ، ءداستۇرلى قولونەر بۇيىمدارى كاسىبىن دامىتۋعا كۇش سالادى، ءوندىرىستىڭ سايابىر مەزگىلىنەن تولىق پايدالانىپ شارۋالارعا ونەر ۇيرەتۋمەن بىرگە ارتىق ەڭبەككۇشتەردى باسقا سالاعا ويىستىرىپ كاسىپتەندىرىپ، ەرتەرەك كەدەيلىكتەن قۇتىلدىرىپ اۋقاتتاندىرۋ ءۇشىن قۇلشىنىس جاسايمىز.

اۋدارعان: توقتاربەك

جاۋاپتى رەداكتور: قابىلقان ايتقابىل ۇلى
  • شاعان مەرەكەسى قارساڭىندا قادەن ءۋالي تۋىسى ۋاڭ يان وتباسىنا امانداسا باردى
  • نوقاي بورانىنان پايدا بولعان عاجايىپ قار كورىنىستەرى
  • شاعان مەرەكەسىن قارسى الۋ ساۋىق كەشى ارقىلى ەگىنشى- مالشىلاردىڭ مادەني تۇرمىسىن بايىتتى
  • ەرىكتىلەر حالىق ساقشىلارىنا تۇشپارا تۇيىسىپ، مەرەكەلىك مەيىر باعىشتادى