اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

شاعان قارساڭىندا اۋىلىنا قايتاتىن جولاۋشىلاردىڭ قاتارى مولايدى

  شاعان تاياپ قالعاندىقتان اۋىلدارىنا قايتىپ، مەرەكەنى وتباسىنداعىلارمەن بىرگە وتكىزۋدىڭ قامىنا كىرىسكەندەردىڭ قاتارى مولايدى. مەرەكەدە وتباسىنداعىلارعا تارتۋ ۇسىنۋ ەجەلدەن كەلەجاتقان سالتىمىز، سوندا قانداي تارتۋ ۇسىنۋ كەرەك، ەندى تىلشىمىزدىڭ وسى جونىندەگى حابارىنا نازار سالىڭىزدار.

  ساياحاتشى لي شۋمەي: وسى ارانىڭ جەرگىلىكتى ونىمدەرىن ساتىپ الدىم، ەندى ۇيگە قايتپاقشىمىن، شاعاندى وتباسىمداعىلارمەن بىرگە وتكىزەمىن.

  رۇڭ مىرزانىڭ وتباسىنداعىلار شاعاندى جۇبايىنىڭ قۇلجاداعى توركىنىنە بارىپ وتكىزبەكشى ەكەن. بۇل ونىڭ جۇبايى جاڭ شۋەنىڭ باس قۇراعاننان كەيىن توركىنىنە بارىپ تۇڭعىش شاعان وتكىزۋى ەكەن، ولار اكە- شەشەمىزگە اپاراتىن ەڭ باعالى تارتۋىمىز ءۇش جاستاعى ۇلىمىز دەيدى.

  التاي قالاسىنىڭ تۇرعىنى رۇڭ شياۋ: قۇلجاداعى تۋىستارعا التايدىڭ ەرەكشە ونىمدەرىن الا بارماقشىمىن.

  التاي قالاسىنىڭ تۇرعىنى جاڭ شۋە: ءتاتتى سەكىلدى جەرگىلىكتى ونىمدەردى ۇيىمدەگىلەرگە الا بارماقشىمىن.

  التاي قالاسىنىڭ تۇرعىنى چىن شيا ساۋان اۋدانىنداعى ۇلىنىڭ ۇيىنە بارماقشى ەكەن، ۇلى مەن كەلىنى قوعام حاۋىپسىزدىگى سالاسىندا ىستەيتىندىكتەن شاعاندا ۇيىنە قايتا المايدى، چىن حانىم شاعاندا ساۋانعا بارىپ مەرەكەنى بالالارىمەن بىرگە وتكىزۋگە دايىندالدى.

  التاي قالاسىنىڭ تۇرعىنى چىن شيا: مەرەكە تاياپ قالدى، مەرەكەنى بالالارىممەن، نەمەرەممەن بىرگە وتكىزەتىن بولعانىما قۋانىپ تۇرمىن، قازىر تۇرمىسىمىز جاقسى، بالالارمەن بىرگە بولعاننان ارتىق قۋانىش جوق.

  شاعاندا التايدان اتتانىپ اۋىلدارىنا قايتقان جولاۋشىلاردىڭ قاتارى مول بولۋمەن بىرگە، سىرت جەردە جۇمىس ىستەيتىن، شاعان بايلانىسىمەن التايعا كەلىپ وتباسىنداعىلارمەن قاۋىشۋشىلاردا كوپ بولدى.

  التاي قالاسىنىڭ تۇرعىنى لي ليجۇن: باسىمىز امان دەنىمىز ساۋ بولسا بولدى، قايدا جۇرسەكتە امان جۇرسەك، وتباسىمىزداعىلارمەن امان- ەسەن قاۋىشساق دەيمىن.

  وقۋشى حوۋ دۇڭمەي: جوعارى مەكتەپ وقىعاننان بەرى وتباسىمداعىلارمەن بىرگە بولاتىن ۋاقىتىم ازايدى، قىستىق دەمالىستى اكە- شەشەممەن بىرگە وتكىزەمىن.

  ءتىلشى: ءار جىلعى مەرەكە قارساڭىندا بارشا جۇرت وتباسىنداعىلارمەن تەزىرەك قاۋىشىپ مەرەكەنى بىرگە وتكىزۋگە اسىعادى، مەرەكەنى تۋىس- تۋعان، دوس- جاراندارمەن بىرگە وتكىزۋدەن ارتىق قۋانىش بولسىن با، باسىمىز امان دەنىمىز ساۋ بولىپ جاناشىر- جاقىندارىمىزبەن بىرگە مەرەكەنىڭ دۋمانىن اسىرا بەرەيىك.

اۋدارعان: جۇمابەك

جاۋاپتى رەداكتور: قابىلقان ايتقابىل ۇلى
  • شاعان مەرەكەسى قارساڭىندا قادەن ءۋالي تۋىسى ۋاڭ يان وتباسىنا امانداسا باردى
  • نوقاي بورانىنان پايدا بولعان عاجايىپ قار كورىنىستەرى
  • شاعان مەرەكەسىن قارسى الۋ ساۋىق كەشى ارقىلى ەگىنشى- مالشىلاردىڭ مادەني تۇرمىسىن بايىتتى
  • ەرىكتىلەر حالىق ساقشىلارىنا تۇشپارا تۇيىسىپ، مەرەكەلىك مەيىر باعىشتادى