اعاجاي-التاي تورابى   ›   اقپارات ايدىنى   ›   ماڭىزدى حابارلار

جاڭا داۋىردەگى اۋىل - قىستاقتاردى كوركەيتۋدى جوعارى دەڭگەيدە جوبالادى

− ورتالىق كوميتەت اۋىل - قىستاق قىزمەتىنە باسشىلىق ەتۋ گرۋپپاسى كەڭسەسىنىڭ مەڭگەرۋشىسى حان جۇن 2018 - جىلعى ورتالىقتىڭ  1 - ءنومىرلى حۇجاتىنا تۇسىنىك جاسادى
شينحۋا اگەنتتىگىنىڭ ءتىلشىسى دۇڭ جۇن

       شينحۋا اگەنتتىگى 4 - اقپاندا «ج ك پ ورتالىق كوميتەتىنىڭ، مەملەكەتتىك كەڭەستىڭ اۋىل - قىستاقتاردى كوركەيتۋ ستراتەگياسىن اتقارۋ جونىندەگى پىكىرىن» تاراتتى. بۇل جاڭا عاسىر كەلگەننەن بەرگى اۋىل شارۋاشىلىعى، اۋىل - قىستاق، شارۋالار قىزمەتىن نەگىزگى تاقىرىپ ەتكەن ورتالىقتىڭ 15 - رەتكى 1 - ءنومىرلى حۇجاتى. ورتالىق كوميتەت اۋىل - قىستاق قىزمەتىنە باسشىلىق ەتۋ گرۋپپاسى كەڭسەسىنىڭ مەڭگەرۋشىسى، ورتالىق قازىنا قىزمەتىنە باسشىلىق ەتۋ گرۋپپاسى كەڭسەسىنىڭ ورىنباسار مەڭگەرۋشىسى حان جۇن دەر كەزىندە تىلشىلىگىمىزدى قابىلداپ، حۇجاتتىڭ رۋحى جونىندە جان - جاقتى تۇسىنىك جاسادى.
  اۋىل شارۋاشىلىعى، اۋىل - قىستاق، شارۋالار قىزمەتىندە جان - جاقتى، ۇزاق ۋاقىت ءونىم بەرەتىن ماڭىزدى حۇجات
  حان جۇن بىلاي دەدى: «بيىلعى ورتالىقتىڭ 1 - ءنومىرلى حۇجاتى پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، اۋىل - قىستاقتاردى كوركەيتۋ ستراتەگياسىن اتقارۋدى ارقاۋ ەتىپ، ماڭىزىن دارىپتەپ، وي جەلىسىن، مىندەتىن، ساياساتتى بەلگىلەپ، تالاپتاردى ورتاعا قويدى. بۇرىنعىمەن سالىستىرعاندا، بيلىعى حۇجاتتىڭ، اتاپ ايتقاندا، جان - جاقتى، ۇزاق ۋاقىت ءونىم بەرەتىن 2 ماڭىزدى ەرەكشەلىگى بار».
  حان جۇن بىلاي دەدى: «ورتالىقتىڭ بۇرىنعى 1 - ءنومىرلى حۇجاتتارىندا اۋىل شارۋاشىلىعى ماسەلەسى ايتىلعان، اۋىل - قىستاقتاردىڭ ەكونوميكاسىن دامىتۋ كوبىرەك اۋىزعا الىنعان. بيىلعى حۇجات پارتيا 19 - قۇرىلتايىندا ورتاعا قويىلعان شارۋاشىلىعى شالقىعان، ەكولوگيالىق ورتاسى جايلى، اۋىل سالتى وركەنيەتتى، وڭاۋى ۇتىمدى، تۇرمىسى باي بولۋ سىندى جالپى تالاپقا ساي، اۋىل - قىستاقتاردىڭ ەكونوميكالىق قۇرىلىسىن، ساياسي قۇرىلىسىن، مادەنيەت قۇرىلىسىن، قوعامدىق قۇرىلىسىن، ەكولوگيالىق وركەنيەت قۇرىلىسىن جانە پارتيا قۇرىلىسىن ءبىر تۇتاس جوبالاۋ جونىندە جاپپاي ورنالاستىرۋ جاسادى، بۇل − پارتيا 19 - قۇرىلتايىنىڭ رۋحىن دايەكتىلەندىرۋدەگى، تياناقتاندىرۋداعى، باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار يدەياسىن دايەكتىلەندىرۋدەگى، تياناقتاندىرۋداعى ماڭىزدى ارەكەت».
  ول: اۋىل - قىستاقتاردى كوركەيتۋ − اۋىل - قىستاقتاردىڭ ەكونوميكاسىن دامىتۋدى نەگىز ەتكەن، وتە - موتە، اۋىل - قىستاق مادەنيەتىن، اۋىل - قىستاقتى جونگە سالۋدى، حالىق تۇرمىسى، ەكولوگيا سياقتىلاردى قامتىعان اۋىل - قىستاقتاردىڭ دامۋ ورەسىن جالپى تۇلعالىق جوعارىلاتۋ، اۋىل - قىستاقتاردىڭ جاپپاي كوركەيۋىن وركەندەتۋ، - دەپ تۇسىنىك جاسادى.
  ول مىنانى باسا دارىپتەدى: شارۋاشىلىعى شالقىعان، ەكولوگيالىق ورتاسى جايلى، اۋىل سالتى وركەنيەتتى، وڭاۋى ۇتىمدى، تۇرمىسى باي بولۋ سىندى جالپى تالاپ ءبىر ورگانيكالى تۇلعا، ونى بولۋگە كەلمەيدى، سايكەستىلىككە، بايلانىستىلىققا، ءبىر تۇتاستىققا ءمان بەرۋ كەرەك، بىرەۋىنە عانا نازار اۋدارىپ، ەكىنشىسىن ەلەۋسىز قالدىرۋعا، بىرەۋىن عانا يگەرىپ، باسقالارىنا نازار اۋدارماي قويۋعا كەلمەيدى.
  حان جۇن تاعى: اۋىل - قىستاقتاردى كوركەيتۋ − پارتيا مەن مەملەكەتتىڭ ءىرى ستراتەگياسى، ۇزاق ۋاقىتتىق تاريحي مىندەت، ول قامال الۋ شايقاسى، سونداي - اق ۇزاققا سوزىلاتىن شايقاس. حۇجات ۇزاقتى بولجاۋ، كوز الداعىنى ناقتى جوبالاۋ پرينسيبى بويىنشا اۋىل - قىستاقتاردى كوركەيتۋ ستراتەگياسىن اتقارۋدىڭ 3 كەزەڭدىك نىسانا مىندەتتەرى جونىندە ورنالاستىرۋ جاسادى، - دەدى.
  بۇل 3 كەزەڭدىك نىسانا مىندەتتەر مىنالار: 2020 - جىلعا دەيىن اۋىل - قىستاقتاردى كوركەيتۋدە ماڭىزدى ىلگەرىلەۋشىلىككە قول جەتكىزىپ، ءتۇزىم جۇلگەسى مەن ساياسات جۇيەسىن نەگىزىنەن قالىپتاستىرۋ؛ 2035 - جىلعا دەيىن اۋىل - قىستاقتاردى كوركەيتۋدە شەشۋشى ىلگەرىلەۋشىلىككە قول جەتكىزىپ، اۋىل شارۋاشىلىعىن، اۋىل - قىستاقتاردى وسىزامانداندىرۋدى نەگىزىنەن جۇزەگە اسىرۋ؛ 2050 - جىلعا دەيىن اۋىل - قىستاقتاردى جاپپاي كوركەيتۋدى، اۋىل شارۋاشىلىعىن كۇشەيتۋدى، اۋىل - قىستاقتى كورىكتەندىرۋدى، شارۋالاردى بايىتۋدى جاپپاي جۇزەگە اسىرۋ.
  اۋىل - قىستاقتاردى كوركەيتۋدىڭ تۇزىمدىك قامداۋىن كۇشەيتۋ
  حان جۇن بىلاي دەدى: «قالا، اۋىلداردىڭ توعىسپالى دامۋى جونىندەگى ءتۇزىلىس، مەحانيزم مەن ساياساتتىق جۇيەسىن ورناتۋ جانە ونى اقاۋسىزداندىرۋ حۇجاتتىڭ ماڭىزدى ءبىر مازمۇنى. اۋىل - قىستاقتاردى كوركەيتۋ ستراتەگياسىن اتقارۋدا <اقشا، جەر، ادام> سياقتى شەشۋشى بۋىنداردى، ءسوز جوق، مىقتى ۇستاپ، ۇيلەسپەيتىن بارلىق ءتۇزىلىس، مەحانيزم كەدەرگىلەرىن جويىپ، قالا، اۋىل فاكتورلارىنىڭ ەركىن اينالىم جاساۋىن، تەڭ ايىرباسىن ىلگەرىلەتىپ، الەۋمەتتىك بايلىقتىڭ قالا، اۋىلداردا بىركەلكى ورنالاسۋىن جەبەۋ كەرەك».
  كەدەرگىلەردى قالاي جويۋعا بولادى؟ حان جۇن ورتالىقتىڭ 1 - ءنومىرلى حۇجاتىنىڭ مازمۇنىمەن بىرلەستىرىپ، 3 ءتۇيىندى اتاپ كورسەتتى −
  «اقشا» ماسەلەسىن شەشۋدىڭ شەشۋشى ءتۇيىنى − ۇسىنىلىمدى قامتاماسىز ەتۋ ءتۇزىمىن اقاۋسىزداندىرىپ، قارجى قوسۋ، قۇراۋ مەحانيزمىندە جاڭالىق اشىپ، قازىناعا الدىمەن كەپىلدىك ەتەتىن، فينانستى تۇيىنگە بەيىمدەيتىن، قوعام بەلسەنە ات سالىساتىن كوپ نەگىزدى ۇسىنىلىم جاعدايىن قالىپتاستىرۋ.
  «جەر» ماسەلەسىن شەشۋدىڭ شەشۋشى ءتۇيىنى − اۋىل - قىستاق جەر ءتۇزىمى رەفورماسىن تەرەڭدەتىپ، جەر فاكتورىن قالا، اۋىلداردا تەڭ ايىرباسقا ءتۇسىرۋ مەحانيزمىن ورناتىپ جانە ونى اقاۋسىزداندىرىپ، اۋىل - قىستاق جەر ءتۇزىمى رەفورماسىنىڭ پايداسىن كورۋدى تەزدەتۋ.
  «ادام» ماسەلەسىن شەشۋدىڭ شەشۋشى ءتۇيىنى − اقىل - پاراساتتىڭ، تەحنيكانىڭ، باسقارۋدىڭ اۋىل - قىستاققا جەتكىزىلۋ جولىن ىركىلىسسىزدەندىرىپ، اۋىل - قىستاقتارداعى دارىندىلاردى تاربيەلەۋ، ەنگىزۋ، پايدالانۋ مەحانيزمىندە جاڭالىق اشىپ، جاڭاشا كاسىپتىك شارۋالاردى بار كۇشپەن تاربيەلەپ، اۋىل - قىستاقتاردىڭ كاسىپتىك دارىندىلار قوسىنى قۇرىلىسىن كۇشەيتىپ، اۋىل - قىستاق دارىندىلارىن كوپتەپ جەتىلدىرىپ، عىلىم - تەحنيكا دارىندىلارىنىڭ تىرەكتىك رولىن ساۋلەلەندىرىپ، قوعامداعى ءار سالانى اۋىل - قىستاق قۇرىلىسىنا ات سالىسۋعا ىنتالاندىرۋ.
  حان جۇن بىلاي دەپ اتاپ كورسەتتى: شارۋالار مەن جەردىڭ قاتىناسىن جاقسى ءبىر جاقتى ەتۋ اۋەلگىدەي اۋىل - قىستاق رەفورماسىن تەرەڭدەتۋدىڭ نەگىزگى ارقاۋى، سونداي - اق اۋىل - قىستاقتاردى كوركەيتۋ ستراتەگياسىن اتقارۋداعى كەلەلى ساياساتتىق ماسەلە. حۇجات اۋىل - قىستاق جەر ءتۇزىمى رەفورماسىن تەرەڭدەتۋ جونىندە كوپتەگەن كەلەلى رەفورما مىندەتتەرىن ورنالاستىردى، ماسەلەن، شارۋالاردىڭ بوس تۇرعان تۇرعىن ۇيلىك جەرى مەن بوس تۇرعان ءۇي - جايلارى جونىندەگى ساياساتتاردى كەمەلدەندىرىپ، «تۇرعىن ۇيلىك جەرگە كوللەكتيۆتىك مەنشىك ۇقىعىن تياناقتاندىرىپ، تۇرعىن ۇيلىك جەرگە شارۋالاردىڭ تولىمدىلىق ۇقىعىن جانە شارۋالاردىڭ تۇرعىن ءۇي مال - مۇلىك ۇقىعىن قامتاماسىز ەتىپ، تۇرعىن ۇيلىك جەر مەن شارۋالاردىڭ تۇرعىن ءۇي پايدالانۋ ۇقىعىن لايىقتى كەڭەيتۋ» باعىتى بويىنشا تۇرعىن ۇيلىك جەر مەنشىك ۇقىعىن، تولىمدىلىق ۇقىعىن، پايدالانۋ ۇقىعىن ايىرۋ رەفورماسى جونىندە ىزدەنىس جاسادى.
  ول بىلاي دەپ باسا دارىپتەدى: بۇل رەفورما قالالىقتاردىڭ اۋىل - قىستاقتارعا بارىپ تۇرعىن ۇيلىك جەر ساتىپ الۋىنا باعىتتالماعان، قايتا قارجى، تەحنيكا، دارىندىلار سياقتى فاكتورلاردى اۋىل - قىستاقتارعا قاراي ويىستىرىپ، شارۋالاردىڭ بوس تۇرعان ءۇي - جايلارىن اۋىل - قىستاقتاردىڭ ساياحات، قارتتاردى كۇتىمدەۋ، مادەنيەت، وقۋ - اعارتۋ سياقتى كاسىپ سالالارىن دامىتاتىن ءونىمدى دانەكەرىنە اينالدىرۋدى ماقسات ەتەدى.
  اۋىل - قىستاقتاردى كوركەيتۋ ستراتەگياسىنىڭ «نەگىزگى ارقاۋىن» ورناتۋ
  حان جۇن بىلاي دەدى: «اۋىل - قىستاقتاردى كوركەيتۋ ناقتى ىستەر تىندىرۋدى تالاپ ەتەدى. حۇجات ءبىر قىدىرۋ كەلەلى شارالاردى دايىنداپ، اۋىل - قىستاقتاردى كوركەيتۋ ستراتەگياسىنىىڭ <نەگىزگى ارقاۋىن> ورناتتى».
  − مەملەكەتتىڭ ستراتەگيالىق جوباسىن جەتەكشى ەتتى. حۇجات مەملەكەتتىڭ اۋىل - قىستاقتاردى كوركەيتۋ ستراتەگيالىق جوباسىن (2020 − 2018) جاسادى. جوبادا حۇجاتپەن بىرلەستىرۋ ارقىلى 2020 - جىلعا بارعانعا جاپپاي دوڭگەلەك داۋلەتتى قوعام قۇرۋ مەن 2022 - جىلى اشىلاتىن پارتيانىڭ 20 - قۇرىلتايى كەزىندەگى نىسانا، مىندەتتەر جەكە - جەكە ايقىن بەلگىلەنىپ، قىزمەت تۇيىندەرى مەن ساياساتتىق شارالاردى ناقتىلاندىردى.
  − پارتيانىڭ ىشكى ەرەجە - قاعيدالارىمەن قامتاماسىزداندىردى. حۇجات جۇڭگو كوممۋنيستىك پارتياسىنىڭ اۋىل - قىستاق قىزمەتى ەرەجەسىن زەرتتەپ جاساپ، پارتيانىڭ اۋىل - قىستاق قىزمەتىنە باسشىلىق ەتۋ ءداستۇرى، تالاپتارى، ساياساتتارى سياقتىلاردى پارتيا ىشىندەگى ەرەجە - قاعيدالار فورماسىندا تۇراقتاندىرىپ، باسشىلىق ءتۇزىلىسى مەن قىزمەت مەحانيزمىن كەمەلدەندىرۋدى بەلگىلەدى.
  − ءبىر قىدىرۋ كەلەلى ستراتەگيالار، ماڭىزدى ارەكەتتەر جانە كەلەلى ينجەنەريالار بار. ماسەلەن، مەملەكەتتىڭ ساپا ارقىلى اۋىل شارۋاشىلىعىن كوركەيتۋ ستراتەگيالىق جوباسىن جاساۋ جانە اتقارۋ، سيفرلى اۋىل - قىستاق ستراتەگياسىن اتقارۋ سياقتىلار، اۋىل - قىستاقتاردىڭ قونىس ورتاسىن وڭاۋدىڭ 3 جىلدىق ارەكەت جوباسىن اتقارۋ، كەدەيلىكتەن دالمە - ءدال قۇتىلدىرۋدان قامال الۋ شايقاسىنىڭ شەشۋشى جەڭىسىنە جەتۋدىڭ 3 جىلدىق ارەكەت جەتەكشى پىكىرىن جاساۋ، كاسىپتەر ارقىلى اۋىل - قىستاقتاردى كوركەيتۋدىڭ، اۋدانداردى كۇشەيتۋدىڭ ارەكەتىن اتقارۋ سياقتىلار، سونداي - اق جوعارى ءونىمدى سۋ ۇنەمدەپ سۋارۋدىڭ ءبىر توپ كەلەلى ينجەنەريالارىن قۇرۋ، زەردەلى اۋىل شارۋاشىلىعى، ورمان شارۋاشىلىعى، سۋ يگىلىگى ينجەنەريالارىن اتقارۋ، تاڭداۋلى ەگىنشىلىك مادەنيەتى مۇراسىن شىن مانىندە قورعاۋ سياقتىلار.
  − جان - جاقتى تۇزىمدىك قامداۋمەن كەپىلدىك ەتتى. حۇجات اۋىل - قىستاقتىڭ نەگىزگى شارۋاشىلىق ءتۇزىمىن بەكەمدەۋ جانە ونى كەمەلدەندىرۋ، اۋىل شارۋاشىلىعىن قولداۋ، قورعاۋ ءتۇزىمىن كەمەلدەندىرۋ، كاسىپتىك شارۋالار ءتۇزىمىن جاپپاي ورناتۋ، بازارلانعان، كوپ نەگىزدى ەكولوگيالىق تولەم بەرۋ مەحانيزمىن ورناتۋ، ونەركاسىپ - ساۋدا كاپيتالىن اۋىل - قىستاقتاردى كوركەيتۋ قۇرىلىسىنا ات سالىسۋعا شابىتتاندىرۋ سياقتى جاقتاردى ارقاۋ ەتىپ، ءبىر قىدىرۋ كەلەلى رەفورما شارالارى مەن ءتۇزىم قۇرىلىسىن ورنالاستىردى.
  حۇجاتتا شارۋالار كوڭىل ءبولىپ وتىرعان نەگىزگى ۇساق ىستەر جونىندە دە جاپپاي ورنالاستىرۋ جاسالدى. ماسەلەن، اۋىل - قىستاقتاردا «دارەتحانا توڭكەرىسىن» بۇلجىماي جۇرگىزۋ، حيميالىق تىڭايتقىشتىڭ ورنىنا ورگانيكالىق تىڭايتقىش ىستەتۋ، مال مەن قۇستىڭ دايراعىن ءبىر جايلى ەتۋ، ەگىس داقىلدارىنىڭ ساباعىن جاپپاي پايدالانۋ، كەرەكسىز ەگىس جارعاقتارىن جيناپ الۋ، دەرت - دەربەزدىڭ زيانىنىڭ الدىن الۋ جانە ونى تىزگىندەۋ، قىستاقتاردا توراپتا قىزمەت كورسەتۋ پۋنكت - تۇيىندەرىن جاپپاي قۇرۋ، جوعارىنىڭ قىستاق دارەجەلى ۇيىمداردى تەكسەرۋ - باعالاۋى كوپ، وركەنيەتتى ورىن قۇرۋدا ولشەمگە جەتۋدى تالاپ ەتۋى كوپ، تەكسەرۋ - باقىلاۋى كوپ بولۋ سياقتى كورنەكتى ماسەلەلەردى ءتۇيىندى اداقتاپ، قىستاق دارەجەلى شاعىن بيلىكتى اداقتاۋ ءتۇزىمىن ىلگەرىلەتۋ، ت.ب.
  پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە باسشىلىعىنا تاباندى بولۋ جانە ونى كەمەلدەندىرۋ
  حان جۇن بىلاي دەدى: پارتيانىڭ اۋىل - قىستاق قىزمەتىنە باسشىلىق ەتۋ جونىندەگى ءتۇزىلىس، مەحانيزمىن كەمەلدەندىرۋ جاعىندا حۇجاتتا ءبىر قىدىرۋ جاڭا تالاپتار ورتاعا قويىلدى:
  پارتكوم ءبىر تۇتاس باسشىلىق ەتەتىن، ۇكىمەت جاۋاپتى بولاتىن، پارتكومنىڭ اۋىل - قىستاق قىزمەت تاراۋى ءبىر تۇتاس سايكەستىرەتىن اۋىل - قىستاق قىزمەتىنە باسشىلىق ەتۋ ءتۇزىلىسىن اقاۋسىزداندىرۋ.
  اۋىل - قىستاقتاردى كوركەيتۋ ستراتەگياسىن اتقارۋدىڭ باسشىلىق جاۋاپكەرشىلىك ءتۇزىمىن ورناتىپ، ورتالىق كوميتەت ءبىر تۇتاس جوسپارلايتىن، ولكەلەر جاۋاپتى بولاتىن، قالالار مەن اۋداندار تياناقتاندىرۋدى مىقتى يگەرەتىن قىزمەت مەحانيزمىن اتقارۋ. پارتيا، ۇكىمەتتىڭ ءبىرىنشى باسشىسى ءبىرىنشى جاۋاپتى ادام بولۋ، 5 دارەجەلى شۋجيلەر اۋىل - قىستاقتاردى كوركەيتۋدى يگەرۋ.
  ولكەلىك (اۆتونوميالى رايوندىق، توتە قاراستى قالالىق) پارتكومدار مەن ۇكىمەتتەر ءار جىلى پارتيا ورتالىق كوميتەتىنە، مەملەكەتتىك كەڭەسكە اۋىل - قىستاقتاردى كوركەيتۋ ستراتەگياسىن اتقارۋدىڭ ىلگەرىلەۋ اياق الىسىن مالىمدەپ وتىرۋ.
  قالالىق، اۋداندىق پارتيا، ۇكىمەت باسشىلىق القاسى مەن باسشى كادرلاردىڭ اۋىل - قىستاقتاردى كوركەيتۋ ستراتەگياسىن ىلگەرىلەتۋىنىڭ ناقتى ناتيجەسىن تەكسەرۋ ءتۇزىمىن ورناتىپ، تەكسەرۋ ناتيجەسىن باسشى كادرلاردى تاڭداپ ىستەتۋدىڭ ماڭىزدى نەگىزى ەتۋ.
  اۋىل شارۋاشىلىعى، اۋىل - قىستاق، شارۋالار قىزمەتى قوسىنى قۇرىلىسىن كۇشەيتۋ جاعىندا دا حۇجات ناقتى شارالاردى كورسەتتى. ايتالىق، ءبىرىنشى شۋجيدى تاڭداپ جىبەرۋ قىزمەتىنىڭ باياندى مەحانيزمىن ورناتىپ، كەدەي قىستاقتارعا، ءالسىز، بىتىراندى جانە كوللەكتيۆ شارۋاشىلىعى ءالسىز قىستاق پارتيا ۇيىمدارىنا جاپپاي ءبىرىنشى شۋجي تاڭداپ جىبەرۋ. اۋىل - قىستاقتىڭ ءبىرىنشى شەبىنە بارىپ قىزمەت ىستەپ شىنىعۋدى كادر تاربيەلەۋدىڭ ماڭىزدى جولى ەتىپ، ناقتى ناتيجەسى ۇزدىك كادرلاردى ءوسىرىپ ىستەتۋگە دەن قويىپ، دارىندىلاردىڭ اۋىل - قىستاقتىڭ ءبىرىنشى شەبىنە باراتىن ادام ىستەتۋ بەتالىسىن قالىپتاستىرۋ.
  حان جۇن سوڭىندا بىلاي دەدى: اۋىل - قىستاقتاردى كوركەيتۋ ستراتەگياسىن اتقارۋ جاڭا داۋىردە اۋىل شارۋاشىلىعى، اۋىل - قىستاق، شارۋالار قىزمەتىن جاقسى ىستەۋدىڭ نەگىزگى تۇتقاسى، جاڭا تۋى. ءسوز جوق، جاۋاپكەرشىلىكتى ناقتى تياناقتاندىرىپ، تانىمدى، اياق الىستى بىرلىككە كەلتىرىپ، اۋىل شارۋاشىلىعى مەن اۋىل - قىستاقتى الدىمەن دامىتۋدى شىن مانىندە ناقتى تياناقتاندىرۋ كەرەك.
  (شينحۋا اگەنتتىگىنىڭ 4 - اقپاندا بەيجيڭنەن بەرگەن حابارى)

جاۋاپتى رەداكتور: قابىلقان ايتقابىل ۇلى
  • 【جاڭا جىل: نەگىزگى ساتىعا ساپار】كوكتەم مەرەكەسىن قارسى الىپ، مەرەكەلىك بوساعالىقتى تارتۋ ەتتى
  • شي جينپيڭ پارتيا سىرتىنداعى قايراتكەرلەرمەن اڭگىمەلەسكەندە جانە ولارمەن بىرگە كوكتەم مەرەكەسىن قارسى العاندا مىنالاردى باسا دارىپتەدى
  • كوشە بويىنداعى اسپالى شىراق كوكتەم مەرەكەسىنىڭ مەرەيىن اسىردى
  • التايداعى ايدىڭ تولىق تۇتىلۋ كورىنىسى