اعاجاي-التاي تورابى   ›   اقپارات ايدىنى   ›   ماڭىزدى حابارلار

شي جينپيڭ مەن پۋتين جۇڭگو - رەسەي جەرگىلىكتى سەلبەستىك، اۋىس - كۇيىس جىلىنىڭ اشىلۋ راسىمىنە جەكە - جەكە قۇتتىقتاۋ ءسوزىن جولدادى

شينحۋا اگەنتتىگىنىڭ 7 - اقپاندا حاربيننەن بەرگەن حابارى.

      مەملەكەت ءتوراعاسى شي جينپيڭ مەن رەسەيدىڭ زۇڭتۇڭى پۋتين 7 - اقپاندا جۇڭگو - رەسەي جەرگىلىكتى سەلبەستىك، اۋىس - كۇيىس جىلىنىڭ اشىلۋ راسىمىنە جەكە - جەكە قۇتتىقتاۋ ءسوزىن جولدادى.
شي جينپيڭ قۇتتىقتاۋ سوزىندە مىنالاردى اتاپ كورسەتتى: جۇڭگو - رەسەي ىرگەلەس كورشى ەلدەر، ەكى ەل حالقى ەجەلدەن كورشى، دوستىعىنىڭ تامىرى تىم تەرەڭدە. جەرگىلىكتى ورىندار − جۇڭگو مەن رەسەيدىڭ جان - جاقتى، ءبىرىن - ءبىرى جەبەۋ سەلبەستىگىن ورىستەتۋدىڭ ماڭىزدى كۇشى. پۋتين زۇڭتۇڭ ەكەۋىمىز بىرلىكتە 2018 - جىلدان 2019 - جىلعا دەيىن جۇڭگو - رەسەي جەرگىلىكتى سەلبەستىك، اۋىس - كۇيىس جىلىن وتكىزۋ جونىندە ۇيعارىم جاساعان ەدىك، وسى كەلەلى قيمىلدىڭ ەكى ەلدىڭ جەرگىلىكتى سەلبەستىك ىنتاسىن جۇمىلدىرىپ، ەكى جاقتىڭ سەلبەستىك كومەسكى كۇشىن اشىپ، ءتىپتى دە كوپ جەرگىلىكتى ورىنداردىڭ، كاسىپورىنداردىڭ، جۇرتشىلىقتىڭ جۇڭگو - رەسەي دوستىق سەلبەستىگى مەن ورتاق دامۋ ىستەرىنە ات سالىسۋىنا دەم بەرىپ، جۇڭگو - رەسەي قاتىناسىنىڭ ءۇرتىس، اقاۋسىز، باياندى دامۋىنا ءتىپتى دە سەرپىندى قوزعاۋشى كۇش ۇستەيتىندىگىنە سەنەمىن.
شي جينپيڭ مىنالاردى باسا دارىپتەدى: جۇڭگو مەن رەسەي مەملەكەتتى دامىتۋ مەن ۇلتتى گۇلدەندىرۋدىڭ ماڭىزدى ساتىندە تۇر، ەكى ەلدىڭ دامۋ جوباسى وسكەلەڭ قابىسقان، جەرگىلىكتى سەلبەستىكتىڭ بولاشاعى زور. ەكى ەل ۇكىمەتتەرى مەن جەرگىلىكتى ورىندارىنىڭ تىعىز سەلبەسىپ، دەن قويا ۇيىمداستىرىپ، جۇڭگو - رەسەي جەرگىلىكتى سەلبەستىك، اۋىس - كۇيىس جىلىن جۇڭگو - رەسەي قاتىناسىنىڭ جاڭا جارقىن تۇيىنىنە اينالدىرىپ، جۇڭگو - رەسەي قاتىناسىنىڭ كوركەم بولاشاعىن بىرگە جاراتاتىندىعىنا سەنەمىن.
پۋتين قۇتتىقتاۋ سوزىندە بىلاي دەدى: رەسەي مەن جۇڭگونىڭ جاپپاي ستراتەگيالىق سەلبەستىك، سەرىكتەستىك قاتىناسى تەز جىلدامدىقپەن العا قاراي دامۋدا، ەكى جاقتىڭ سەلبەستىك اياسى ءۇرتىس كەڭەيىپ، سەلبەستىك مازمۇنى ۇزدىكسىز مولىعۋدا. جەرگىلىكتى سەلبەستىك − رەسەي - جۇڭگو قاتىناسىنىڭ ماڭىزدى قۇرامداس بولەگى. رەسەي - جۇڭگو جەرگىلىكتى سەلبەستىك، اۋىس - كۇيىس جىلى سىندى وسى زور كولەمدى قيمىل − ەكى جاقتىڭ ءوزارا وتكىزگەن مەملەكەتتىك تاقىرىپتىق جىل ءداستۇرىنىڭ جالعاسى، مۇندا رەسەيدەگى ءارقايسى فەدەراتسيالىق سۋبيەكتىلەر مەن جۇڭگوداعى ءارقايسى جەرلەردىڭ بايلانىس جاساۋ جانە ءبىر - بىرىنە تيىمدىلىك جاساۋ سەلبەستىگىن كۇشەيتۋ ماقسات ەتىلگەن. تاراپتار جەرگىلىكتى سەلبەستىك، اۋىس - كۇيىس جىلى جۇلگەسىندە قارجى قوسۋ، تانىستىرۋ جينالىسى، ساۋدا - ونەركاسىپ جانە اۋىل شارۋاشىلىق كورمەسى، زەرتتەۋ - تالقى ءماجىلىسى، كوركەمونەر مەرەكەسى، ۇيىمداردىڭ ءوزارا ساپاردا بولۋى سياقتى نەشە جۇزدەگەن قيمىل ۇيىمداستىرادى. ەكى ەلدەگى جەرگىلىكتى ورىنداردىڭ ۋاكىلدەرى تاعى ساند - پەتربۋرگ حالىقارالىق ەكونوميكا تالقى مىنبەرى، شىعىس ەكونوميكا تالقى مىنبەرى، رەسەي - جۇڭگو كورمەسى جۇلگەسىندە بەلسەنە اۋىس - كۇيىس جاسايدى. رەسەي - جۇڭگو جەرگىلىكتى سەلبەستىك، اۋىس - كۇيىس جىلىنىڭ تاراپتاردىڭ ءتۇرلى سالالارداعى دامۋ بولاشاعى بار دارىپتەمەلەرىن تياناقتاندىرۋىنا دەم بەرىپ، جەرگىلىكتى سەلبەستىكتىڭ زور كومەسكى كۇشىن تولىق اشاتىندىعىنا سەنەمىن.

جاۋاپتى رەداكتور: قابىلقان ايتقابىل ۇلى
  • 【جاڭا جىل: نەگىزگى ساتىعا ساپار】كوكتەم مەرەكەسىن قارسى الىپ، مەرەكەلىك بوساعالىقتى تارتۋ ەتتى
  • شي جينپيڭ پارتيا سىرتىنداعى قايراتكەرلەرمەن اڭگىمەلەسكەندە جانە ولارمەن بىرگە كوكتەم مەرەكەسىن قارسى العاندا مىنالاردى باسا دارىپتەدى
  • كوشە بويىنداعى اسپالى شىراق كوكتەم مەرەكەسىنىڭ مەرەيىن اسىردى
  • التايداعى ايدىڭ تولىق تۇتىلۋ كورىنىسى