اعاجاي-التاي تورابى   ›   حابارلاندىرۋ

التاي ايماعىنىڭ سۇرقيا كۇشتەردىڭ زاڭعا قايشى قىلمىسىنا زاڭ بويىنشا قاتاڭ سوققى بەرۋ جونىندەگى ۇقتىرۋى

التاي ايماعىنىڭ سۇرقيا كۇشتەردىڭ زاڭعا قايشى قىلمىسىنا زاڭ بويىنشا قاتاڭ سوققى بەرۋ جونىندەگى ۇقتىرۋى

  سۇرقيا كۇشتەر ەكونوميكانىڭ، قوعامنىڭ اقاۋسىز دامۋىنداعى ۋلى وسپە، حالىق بۇقاراسى ەرەكشە كەكتەنىپ وتىرعان ايىقپاس دەرت، ٴسوزسىز، زاڭ بويىنشا باتىل سوققى بەرۋىمىز كەرەك. حالىق بۇقاراسىنىڭ زاڭدى ۇقىق-مۇددەسىن شىنايى قامتاماسىزداندىرىپ، قوعامنىڭ جاراسىمدى ورنىقتىلىعىن قورعاۋ ٴۇشىن، ج ك پ ورتالىق كوميتەتى، مەملەكەتتىك كەڭەستىڭ «سۇرقيا كۇشتەردى الاستاۋ ارناۋلى كۇرەسىن ورىستەتۋ تۋرالى حابارلاندىرۋىنىڭ» رۋحى بويىنشا، «جۇڭحۋا حالىق رەسپوبليكاسىنىڭ قىلمىستىق ىستەر زاڭى»، «جۇڭحۋا حالىق رەسپۋبليكاسىنىڭ قىلمىستىق ىستەر ارىز-شاعىم زاڭى» سونداي-اق قاتىستى بەلگىلەمەلەر نەگىزىندە سۇرقيا كۇشتەردىڭ زاڭعا قايشى قىلمىسىنا زاڭ بويىنشا قاتاڭ سوققى بەرۋگە قاتىستى ىستەردى تومەندەگىدەي ۇقتىرامىز:

  ءبىرىنشى، سۇرقيا كۇشتەر زاڭعا قايشى قىلمىستارمەن شۇعىلدانسا جانە قارا قوعام سيپاتىنداعى ۇيىمداردىڭ ادامدارىن قورعاشتاپ، ىرقىنا قويا بەرسە، ٴسوزسىز، زاڭعا قايشى قىلمىستى ارەكەتىن دەرەۋ توقتاتۋ كەرەك.

  بۇل ۇقتىرۋ جاريالانعان كۇننەن باستاپ 2018 ـ جىلى 1-ناۋرىزعا دەيىن، ٴوزىن مالىمدەپ، ٴوزىنىڭ قىلمىستى ارەكەتىن ناقتى بايانداسا، زاڭ بويىنشا جەڭىل جازالانادى نەمەسە جازاسى جەڭىلدەتىلەدى.

  بەلگىلەنگەن ۋاقىت ىشىندە ٴوز قىلمىسىن مالىمدەمەسە، جالعاستى زۇلىمدىق ىستەسە، زاڭ بويىنشا قاتاڭ جازالانادى. سۇرقيا كۇشتەردىڭ زاڭعا قايشى قىلمىستارىن قورعاشتاعان مەملەكەت ورگاننىڭ قىزمەتكەلەرىن زاڭ، ٴتارتىپ بويىنشا باتىل تەكسەرىپ ءبىر جايلى ەتىپ، مەيلى كىمگە قاتىستى بولسا دا، سوڭىنا دەيىن تەكسەرۋ، استە ىرقىنا جىبەرمەۋ كەرەك.

  ەكىنشى، سۇرقيا كۇشتەردىڭ تۋىس-تۋعان، دوس جاراندارى سۇرقيا كۇشتەرىنىڭ ءوزىن مالىمدەۋىنە بەلسەنە كەڭەس بەرۋ كەرەك، تۋىس-تۋعان، دوس جاراندارىنىڭ كەڭەسىندە، بىرگە بارىپ دەلو مالىمدەسە، نەمەسە تۋىس-تۋعان، دوس جاراندارى ىرىقتىلىقپەن دەلو مالىمدەگەننەن كەيىن قىلمىسكەردى دەلو مالىمدەۋگە جىبەرسە، وندا وزدىگىنەن دەلو مالىمدەگەن رەتىندە قارالادى.

  سۇرقيا كۇشتەردى جاسىرسا، قورعاشتاسا نەمەسە ولاردىڭ اقشا تازارتۋىنا، فاكتتەردى قۇرتۋىنا كومەكتەسسە، جالعاننان جاساۋىنا سونداي-اق قىلمىستان تۇسكەن پايداسىن، قىلمىستان تۇسكەن كىرىسىن جاسىرسا، بۇركەمەلەسە، زاڭ بويىنشا قىلمىستى ىستەر جاۋاپكەرلىگى قۋزالادى.

  سۇرقيا كۇشتەر تەرگەۋ بارىسىندا باسقالاردىڭ قىلىمىسىن كورسەتىپ بەرسە، اشكەرەلەسە ٴارى تەكسەرىپ دالەلدەۋ ارقىلى شىن بولسا، سونداي-اق باسقا دا دەلولاردى بارلاپ اشۋدى ماڭىزدى جىپ ۇشىمەن قامداسا، ٴارى تەكسەرىپ دالەلدەۋ ارقىلى شىن بولسا نەمەسە ءادىليا ورگاندارىنا سايكەسىپ باسقادا قىلمىس كۇماندىلارىن ۇستاپ بەرسە، زاڭ بويىنشا جەڭىل جازالانادى نەمەسە جازاسى جەڭىلدەتىلەدى؛ ٴىرى ەڭبەك كورسەتسە، زاڭ بويىنشا جازاسى جەڭىلدەتىلەدى نەمەسە جازالانبايدى.

  سۇرقيا كۇشتەر بارلاپ تەكسەرۋ، ايپىتاۋ، تەرگەۋ قىزمەتىنە بەلسەنە سايكەسىپ، قارا قول سيپاتتى ۇيىمداردىڭ ۇيىمدىق قۇرىلىمىن جانە ۇيىمداستىرۋشىسىنىڭ، باسشىلىق ەتۋشىنىڭ دارەجەسىن، ۇيىمداستىرىپ جۇرگىزگەن ءىرى قىلىمىستىق ىستەرىن تەكسەرىپ اداقتاۋ، ارام اقشا، ارام ولجانى قايتارتۋ، ٴمۇسادىرالاۋ، «قورعاشى قالقاندارعا» سوققى بەرۋ قاتارلى جاقتاردا ماڭىزدى ٴجىپ ۇشىمەن جانە فاكتپەن قامداسا، تەكسەرىپ دالەلدەۋ ارقىلى شىن بولسا، زاڭ بويىنشا جەڭىل جازالانادى، جازاسى جەڭىلدەتىلەدى نەمەسە جازالانبايدى.

  ءۇشىنشى، ايماعىمىزداعى ساياسي زاڭ شەبى پارتيا 19-قۇرىلتايىنىڭ رۋحىن دايەكتىلەندىرىپ، تياناقتاندىرىپ، ٴار دارەجەلى پارتكومنىڭ ٴبىر تۇتاس باسشىلىعىندا، قوعام اماندىعىن جاپپاي وڭاۋ ابزالدىلىعىن تولىق ساۋلەلەندىرىپ، تاراۋلاردىڭ ءوز مىندەتىن ادا ەتىپ، ورتاق باسقارۋىن جەبەپ، قىزمەت بىرىككەن كۇشىن قالىپتاستىرۋى كەرەك.

  «استە جول بەرمەۋ» پوزيتسيامەن زاڭ بويىنشا قاتاڭ جازالاپ، سۇرقيا كۇشتەردىڭ زاڭعا قايشى قىلمىسىنا قاتاڭ سوققى بەرىپ، بۇقارا ەرەكشە كەكتەنىپ وتىرعان ءبىر توپ سۇرقيا كۇش دەلولارىن تەكسەرىپ ءبىر جايلى ەتىپ، سۇرقيا كۇشتەرگە ساياتىن ءتۇيىندى وڭىرلەردى رەتكە سالىپ وڭاپ، سۇرقيا كۇشتەرمەن بايلانىستى زاڭعا قايشى قىلمىستى ەلەمەنتتەردى جازالاپ، شاعان مەرەكەسىنىڭ الدى ارتىندا كورنەكتى تابىسقا قول جەتكىزىپ، سۇرقيا كۇشتەرگە سوققى بەرۋ ارناۋلى كۇرەسىنە بەرىك نەگىز قالاپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.

  ءتورتىنشى، سۇرقيا كۇشتەرگە سوققى بەرۋ حالىقتىق شايقاس، ءسوزسىز، حالىق بۇقاراسىنىڭ بەلسەنە ات سالىسۋىنا سۇيەنۋ كەرەك.

  بۇقارانىڭ سۇرقيا كۇشتەردىڭ قىلمىستارى مەن «قىستاق زورەكەلەرى» قاتارلى كورنەكتى ماسەلەلەردى بەلسەنە اشكەرەلەۋىن قارسى الامىز، سۇرقيا كۇشتەردىڭ قىلمىستى ارەكەتتەرىنە سوققى بەرۋ، ولاردىڭ ءونىپ ـ وسەتىن توپىراعىن الاستاۋ، ولاردىڭ «قورعاۋشى قالقاندارىن» تەرەڭدەي قازىپ شىعۋدا ماڭىزدى رول اتقارعاندار سيلانادى. ساياسي زاڭ ورگانى اشكەرەلەۋشىلەردىڭ جەكەلىك ينفورماتسياسى مەن حاۋىپسىزدىگىن زاڭ بويىنشا قورعاۋى كەرەك.

  اشكەرەلەۋ تەلەفونى: 12389- 0906

  وسى ۇقتىرۋ جاريالانعان كۇننەن باستاپ اتقارىلادى.

  ج ك پ التاي ايماقتىق ساياسي زاڭ كوميتەتى

   2018 ـ جىلى 2 ـ اقپان

جاۋاپتى رەداكتور: اعاربەك ەگىس ۇلى
  • 【جاڭا جىل: نەگىزگى ساتىعا ساپار】كوكتەم مەرەكەسىن قارسى الىپ، مەرەكەلىك بوساعالىقتى تارتۋ ەتتى
  • شي جينپيڭ پارتيا سىرتىنداعى قايراتكەرلەرمەن اڭگىمەلەسكەندە جانە ولارمەن بىرگە كوكتەم مەرەكەسىن قارسى العاندا مىنالاردى باسا دارىپتەدى
  • كوشە بويىنداعى اسپالى شىراق كوكتەم مەرەكەسىنىڭ مەرەيىن اسىردى
  • التايداعى ايدىڭ تولىق تۇتىلۋ كورىنىسى