اعاجاي-التاي تورابى   ›   مادەنيەت ارناسى   ›   دەنساۋلىق

ۇسىك شالعاندا نە ىستەۋ كەرەك؟

  ءۇسۋ - سۋىقتىڭ اسەرىنەن دەنەدەگى تىندەردىڭ زاقىمدانۋى. ءۇسۋ اۋا رايىنىڭ ايازدى كۇنى عانا ەمەس، سونىمەن قاتار تەمپەراتۋرا نولگە جۋىق كەزدە دە (ىلعالدىلىق جوعارى بولىپ، كۇن ۇزاق ۋاقىت سۋىتقاندا) بولۋى مۇمكىن.

  ۇسۋگە سۋىق جەل، اۋانىڭ ىلعالدىلىعى، سۋلانعان ءارى تار كيىم، اياقكيىم، قولعاپ نەمەسە ماستىق، اعزانىڭ جالپى السىزدىگى اسەر ەتەدى. كوبىنەسە ساۋساق، باشپايلار، مۇرىن، قۇلاق ۇسىككە شالدىعادى. ءۇسۋدىڭ 4 دارەجەسى بار ءبىرىنشى دارەجەلى ءۇسۋ كەزىندە تەرىنىڭ سەزىمتالدىعى ناشارلاپ، بوزارادى، ۇسىگەن جەر ىسىنەدى، اۋىرىپ، قىشيدى. ەكىنشى دارەجەلى ءۇسۋ ءبىرشاما اۋىر بولادى، تەرىنىڭ استى سۋلانىپ كۇلدىرەيدى. ءۇشىنشى دارەجەلى ءۇسۋ تۇرىندە تەرىنىڭ استىنا قاندى سۋ جينالىپ، كۇلدىرەيدى، بىرنەشە كۇننەن سوڭ ولاردىڭ ورنى جانسىزدانىپ، جارىلادى دا، تىرتىق پايدا بولادى. ءتورتىنشى دارەجەلى ءۇسۋ كەزىندە بارلىق جۇمساق تىندەر، كەيدە ءتىپتى سۇيەك تىندەرى دە جانسىزدانادى. بۇل - ءۇسۋدىڭ ەڭ اۋىر ءتۇرى. جانسىزدانعان جەر تىرىسىپ كەۋىپ قالادى، قارا قوڭىر تۇسكە بويالادى.

  العاشقى كومەك كورسەتكەندە ۇسىگەن ادامدى بىردەن جىلى جەرگە كىرگىزىپ، جىلىتىپ، ىستىق شاي بەرۋ كەرەك. جانسىزدانعان جەرىن جىلى سۋعا (تەمپەراتۋرا 37 - 40°C) مالىپ، دەنەسى قىزارىپ، جىلىنىپ، سىرتتان تيگەن قولدى سەزەتىن بولعانشا جايلاپ ىسقىلايدى، سودان سوڭ تاڭىپ تاستايدى. III- IV دارەجەلى ۇسىككە شالدىققان ادامدى العاشقى كومەك كورسەتىلىپ بولعاننان كەيىن جىلى وراپ، اۋرۋحاناعا اپارۋ قاجەت.

  ۇسىك كەزىندە مىنالاردى ىستەۋگە بولمايدى: - ناۋقاس ادامدى جىلىتۋ ماقساتىندا كوفە جانە ءسپيرتتى ىشىمدىكتەردى بەرۋگە بولمايدى؛ - ۇسىگەن ادامدى جىلى تەمپەراتۋرادا الدىمەن جىلىتىپ الماي، ىستىق سۋ تولتىرىلعان ۆانناعا تۇسىرۋگە بولمايدى؛ - ۇسۋگە ۇشىراعان تەرى اۋماقتارىن ينتەنسيۆتى تۇردە قارمەن، مايمەن جانە ءسپيرتتى ەرىتىندىلەرمەن ۋقالاۋعا بولمايدى؛ - تەرى اۋماعىندا پايدا بولعان كوپىرشىكتى تۇزىلىستەردى قولدان جارۋعا بولمايدى؛ - ناۋقاستى جىلىتۋ ءۇشىن اشىق لاۋلاپ تۇرعان وتتى پايدالانۋعا بولمايدى. وسى اتالعان جىلىتۋ ادىستەرى ۇسىگەن اۋماقتا تەمپەراتۋرانىڭ بىردەن جوعارىلاۋىنا اكەلىپ، ول ءوز كەزەگىندە كىشى كاپيلليارلاردىڭ جارىلۋىنا، ىشكى قان اعۋعا ءتىپتى اۋىر جاعدايعا دەيىن جەتكىزەدى. ۇسىكتىڭ پروفيلاكتيكاسى: اعزانى سۋىق سۋمەن شىنىقتىرۋ. بۇل قان اينالىمىن جاقسارتىپ، سۋىققا توزىمدىلىكتى ارتتىرادى. جىلى كيىمدەر كيۋ.

جاۋاپتى رەداكتور: ءاننا اكىمقان قىزى
  • ساياسي كەڭەس مۇشەلەرى گرۋپپالارعا ءبولىنىپ، ۇكىمەت قىزمەتىنەن جاسالعان باياندامانى تالقىلادى
  • سەلبەستىك قوعامىنىڭ ەرەكشە ونىمدەرى ەل نازارىنا ءىلىندى
  • اۆتونوميالى رايوندىق 13 - كەزەكتى حالىق قۇرىلتايىنىڭ 1 -ءماجىلىسى اشىلدى
  • ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى اشىلدى