اعاجاي-التاي تورابى   ›   مادەنيەت ارناسى   ›   دەنساۋلىق

بەلىڭىز نەگە اۋىرادى؟

  بەلىڭىز اۋىرىپ، مازاڭىزدى الا بەرسە، قورىقپاڭىز بەس ادامنىڭ تورتەۋى بەلىنىڭ اۋىرعانىنا شاعىمدانادى. دەمەك، سىزدەگى جاعداي اسا قاۋىپتى ەمەس. الدىمەن بەل اۋرۋى تۋىندايتىن سەبەپتەردى ىزدەپ كورىڭىز.

  مونيتور الدىندا كوپ ۋاقىتىڭىز وتەدى ادام تاۋلىكتەگى ۋاقىتتىڭ ورتا ەسەبىن العاندا 9 ساعاتىن كومپيۋتەر الدىندا بۇكىرەيىپ، ەڭكەيىپ وتكىزەدى ەكەن. زاماناۋي گادجەتتار كوبەيىپ، ادامدارمەن حابار الماسۋ تىم جەڭىلدەگەن سايىن ارقاداعى، يىق پەن مويىنداعى اۋرۋلار دا قاپتاپ بارادى. جۇمىس اراسىندا ءۇزىلىس جاساپ، مويىن بۇلشىقەتتەرىنە جاتتىعۋ جاساپ تۇرۋ وتە ماڭىزدى. ەڭ قاراپايىم جاتتىعۋ - باستى كۇنىنە 5 رەتتەن ارتقا- العا، ەكى جانعا بۇرىپ وتىرۋ. سونىمەن قاتار ۇزاق ۋاقىت وتىرۋ ادامنىڭ ومىرتقاسىنا تۇرعانداعىدان دا، جۇرگەندەگىدەن دە كوپ زيان كەلتىرەدى.

  جۇمىس ورنىڭىزدا مونيتور كوزدىڭ دەڭگەيىندە ورنالاسۋىن، شىنتاق پەن تىزە 90 گرادۋستا بۇگىلىپ تۇرعانىن، تاباننىڭ ەدەندە نىق جاتۋىن قاداعالاڭىز. ەتبەتىڭىزبەن ۇيىقتايسىز ەتبەتىنەن ۇيىقتاۋ بۋىن مەن بۇلشىقەتكە كۇش تۇسىرسە، شالقايىپ نە ءبىر جانىمەن جاتىپ ۇيىقتاۋ ومىرتقاعا كۇش تۇسىرمەيدى. ەگەر باسقاشا قالىپتا كوز ىلە المايتىن بولساڭىز، ومىرتقا مەن بۇلشىقەتكە تۇسەتىن قىسىمدى ازايتۋ ءۇشىن جامباس تۇسىڭىزعا جاستىق قويىپ ۇيىقتاڭىز. ءتىپتى توسەگىڭىزدىڭ قاتتى نە تىم جۇمساق بولۋىنان دا بەلىڭىز اۋىرادى.

  تەمەكى شەگەسىز تەمەكى - جۇرەك پەن وكپەنىڭ عانا جاۋى. باسقالارعا قاراعاندا شىلىمعا قۇمارتقانداردىڭ ومىرتقاسى تەز زاقىمدانادى. نيكوتين ومىرتقاعا قاننىڭ بارۋىن باياۋلاتىپ، ونىڭ جاراقات الىپ قالۋ قاۋپىن وسىرەدى. سونىمەن قاتار تەمەكى ادام اعزاسىنداعى كالتسيدى وزىنە ءسىڭىرىپ الادى دا، سۇيەكتەردىڭ جاعدايى ناشارلاي باستايدى. كوڭىل- كۇيىڭىز قۇبىلمالى ادام اۋىرسا، ونىڭ پسيحولوگيالىق دەنىندە دە وزگەرىستەر بايقالادى. عالىمداردىڭ ايتۋىنشا، ارقاسى، بەلى اۋىراتىن ادامدار جابىرقاۋ جۇرەدى ەكەن. تەرەڭ دەپرەسسياعا تۇسكەن ادامنىڭ بەلى، ءتىپتى مويىنى دا اۋىراتىن كورىنەدى. ادامدا سترەسس بولسا، ارقانىڭ بۇلشىقەتتەرى جيىرىلىپ، تارتىلىپ قالادى.

  بەل اۋرۋىنان قۇتىلۋ ءۇشىن، الدىمەن دەپرەسسيادان قۇتىلۋ كەرەك. يوگا، فيتنەس، بي ساباقتارىنا بارىپ، ەكەۋىنەن دە ارىلۋىڭىزعا بولادى. ءسىز - ءساننىڭ قۇلىسىز بيىك وكشەلى اياقكيىمدەردىڭ دەنساۋلىققا زيان ەكەنى داۋسىز، تىم جايپاق تاباندى اياق كيىمدەر دە دەنساۋلىققا جاقسىلىق اكەلمەيدى. سۇيرەتپەلەر مەن ساندالدار تاباندى ىڭعايسىز ۇستاپ تۇرادى دا، سوڭىندا تابان، تىزە، بەل اۋىراتىن بولادى. مۇنىڭ ءبىر شەشىمىن تابۋعا بولادى. ول ءۇشىن بىردە كروسسوۆكالار، بىردە ساندالدار، بىردە بيىك وكشەلى اياق كيىمدەر كيىڭىز. اياق كيىمىڭىز وتە جايلى بولۋ كەرەك جانە ءبىر عانا اياق كيىمدى كۇنى بويى كيىپ جۇرمەۋ كەرەكسىز. سونىمەن قاتار بەلدىڭ اۋىرۋىنا يىققا اسىپ الاتىن سومكەلەر دە سەبەپكەر. ونى ۇنەمى ءبىر يىققا سالىپ جۇرەتىن بولساڭىز، ءتىپتى قاۋىپتى. سوندىقتان باۋى جالپاق سومكەنى تاڭداڭىز جانە ونى ەكى يىعىڭىزعا الما- كەزەك اسىنىڭىز. سومكەڭىزدىڭ سالماعى ءوز سالماعىڭىزدىڭ% 10 كوپ بولماۋ كەرەك. اسىرا الپەشتەپ جىبەرەسىز بەل اۋىرسا، ادامنىڭ ءبارى جاتىپ قالۋعا قۇمار.

  ادام جاتقاندا ومىرتقانىڭ بەل تۇسىنا تۇسەتىن كۇش ازايادى. ءبىراق 2 كۇننەن ارتىق جاتقان ادامنىڭ بەلىندەگى اۋرۋى ودان سايىن كۇشەيە تۇسەدى. جاياۋ كوپ ءجۇرىپ، جۇزۋمەن اينالىسساڭىز، بەلدەگى اۋرۋ جەڭىلدەپ، قان اينالىمى جاقسارادى، تەز جازىلۋعا سەپ بولادى. يوگاعا بارىپ، بۋىندار مەن بۇلشىقەتتەردى سوزىپ، جاتتىقتىرسا، بەلدەگى اۋرۋدىڭ كەتۋى جىلدام.

جاۋاپتى رەداكتور: ءاننا اكىمقان قىزى
  • ساياسي كەڭەس مۇشەلەرى گرۋپپالارعا ءبولىنىپ، ۇكىمەت قىزمەتىنەن جاسالعان باياندامانى تالقىلادى
  • سەلبەستىك قوعامىنىڭ ەرەكشە ونىمدەرى ەل نازارىنا ءىلىندى
  • اۆتونوميالى رايوندىق 13 - كەزەكتى حالىق قۇرىلتايىنىڭ 1 -ءماجىلىسى اشىلدى
  • ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى اشىلدى