اعاجاي-التاي تورابى   ›   مادەنيەت ارناسى   ›   دەنساۋلىق

قوي ەتىنىڭ ەمدىك قاسيەتتەرى

  شوپان اتانىڭ تۇلەگى قويدى ءبارىمىز وتە جاقسى بىلەمىز. ءۇي جانۋارىن كوپشىلىگىمىز اۋىلدا باققان دا بولارمىز. ءبارىمىز بىلەتىندەي قوي ەتى ءسىڭىمدى، قان تولتىرىپ دەنەنى قوڭداندىرادى، دەنەگە جىلۋلىق بەرەدى.

  ال حالىق ەمىندە قويدىڭ ىشكى جانە سىرتقى مۇشەلەرىن ءتۇرلى سىرقاتتاردى ەمدەۋگە كەڭ كولەمدە قولدانادى. ماسەلەن، باعلان توقتى، ىسەك، قۇنان قوي، دونەن قويلاردى جانە كارى ساۋلىقتىڭ سورپاسىن ەمدىك ماقساتتا تۇتىنادى. ەندەشە قوي ەتىنىڭ ەم ءتۇرىن بىلە جۇرىڭىزدەر. - قويدىڭ ەتىن اۋىر ناۋقاستان كەيىنگى دەنە ارىقتاۋىنا، السىزدىككە جانە بوسانعاننان كەيىنگى انالاردىڭ دەنساۋلىعىن قالپىنا كەلتىرۋگە قولدانادى. مۇنى سورپالانۋ دەپ اتايدى.

  - ەگەر ناۋقاس ادامنىڭ اسقازانىنا قارا جەل بايلانعان بولسا، قايناتقان ەتكە جەمجەمىل ءدارىسىن قوسىپ جەسە نەمەسە سورپاسىنا تالقاندالعان قارا بۇرىش قوسىپ ىشسە، بايلانعان جەلدى ايدايدى.

  - جاڭا سويىلعان قويدىڭ ەتىنەن جۇقالاپ ءتىلىپ الىپ، سوعىلىپ، ءىسىنىپ جارالانعان جەرگە تاڭسا، ىسىكتى قايتارادى، ىرىڭدەۋدىڭ الدىن الادى. ىشىنەن ىرىڭدەپ اۋزى شىقپاعان جارالارعا (شيقان، سىزداۋىق) تاڭسا، جارانىڭ اۋى اشىلادى.

  - قوي ەتىن كۇيدىرىپ، كومىرىن سىركە سۋىنا ەزىپ، جىلان، شايان شاققان جەرگە تاڭسا، ۋىتتى قايتارادى، سىزداپ اۋىرعانىن باسادى.

  - سىنىققا، مەشەل بالالارعا ەتتەن سىلىنىپ الىنعان سۇيەكتەردى بولشەكتەپ، ۇزاعىراق قايناتىپ سورپاسىنان كۇنىنە 1-2 رەتتەن ۇزاق ۋاقىت ىشكىزسە، ناتيجەسى كوڭىل قۋانادى.

  - كوزگە تۇسكەن اققا جاڭا سويىلعان قويدىڭ وتىنە تازالانعان سۋ قوسىپ سۇيىلتىپ، كۇنىنە 2 رەت تامىزسا، وڭ ناتيجەسىن بەرەدى.

  - اق، سارى تەمىرەتكىنىڭ بەتىن سپيرتپەن تازالاپ، اينالاسىن ينەمەن شاباقتاپ، ءوتتىڭ سارى سۋىن جالعاستىرا بىرنەشە كۇن جاقساڭىز، دەرتتەن ايىعاسىز.

  - شاشتىڭ اراسىنا ۇساق بورتكەن تۇسسە، شاشتى تىقىرلاپ الىپ، ونان سوڭ سابىنداپ جۋىپ، ارتىنان سۋمەن سۇيىلتىلعان وتپەن جۋسا، بورتكەن كەتىپ قالادى.

  - جەل- قۇزدان بولاتىن اسقازان- ىشەك جولىنىڭ اۋرۋىنا، قۇيان، ايەلدەر اۋرۋىنا قويدىڭ قارنى ەم بولادى. ول ءۇشىن سەمىز تۋ قوي نەمەسە قۇنان، دونەن قويدى سويادى. الايدا ءبىرىنشى ناۋقاس ادامدىڭ استىن جۇمساقتاپ، ەكى اياعىن كوسىلتىپ وتىرعىزادى دا، سويىلعان قويدىڭ قارنىن جىلى كۇيىندە دەرەۋ ناۋقاستىڭ قۇرساعىنا قويىپ، قالىڭداپ وراپ تاستايدى. شامامەن جارتى ساعاتتان سوڭ ناۋقاستان اعىل- تەگىل تەر شىعادى. شولدەسە، ءالسىن- ءالسىن سۋ ىشۋىنە بولادى. ال 2-3 ساعات مولشەرىندە قارىننىڭ جىلۋى قايتادى، وسى كەزدە ادامدى شىعارىپ الىپ تازالاپ جۋىندىرادى. الايدا ناۋقاسقا سۋىق تيۋدەن ساقتانۋ كەرەك. ارتىنشا بويعا ءسىڭىمدى، جىلۋ بەرەتىن ءارى تەز قورىتىلاتىن تاعامدار ىشكىزەدى. وسىدان سوڭ بىرنەشە كۇن سورپالانىپ كۇتىنۋى كەرەك.

جاۋاپتى رەداكتور: ءاننا اكىمقان قىزى
  • ساياسي كەڭەس مۇشەلەرى گرۋپپالارعا ءبولىنىپ، ۇكىمەت قىزمەتىنەن جاسالعان باياندامانى تالقىلادى
  • سەلبەستىك قوعامىنىڭ ەرەكشە ونىمدەرى ەل نازارىنا ءىلىندى
  • اۆتونوميالى رايوندىق 13 - كەزەكتى حالىق قۇرىلتايىنىڭ 1 -ءماجىلىسى اشىلدى
  • ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى اشىلدى