اعاجاي-التاي تورابى   ›   مادەنيەت ارناسى   ›   بىلگەنگە مارجان

قىزدار جايلى جىگىتتەر ءبىلۋى كەرەك ەكى- اق نارسە

  قىز بالاسى، جالپى ايەل زاتى زەرتتەسە ءتۇبى جوق قۇبىلمالى جاندار. تابيعاتتىڭ زاڭدىلىعىنا باعىنعان ەر مەن ايەلدىڭ اراسىندا بولاتىن ماحاببات، سەزىم - ءبارى ەرەكشە قۇبىلىس.

  دەگەنمەن، جىگىتتەر قىزدار قاۋىمىنا كەلگەندە شورقاقتاۋ. سەبەبى ولارعا نە كەرەك ەكەنىن بىلگىسى كەلەدى، قالاعاندارىن الىپ بەرگىسى كەلەدى نەمەسە جاقىن تارتىپ سويلەسكىسى كەلەدى. ءبىراق وسىلاردىڭ بىرەۋى دە ءوز كەزىندە ورىندالمايدى. ودان قالا بەردى، جىگىتتەر وزدەرىنە تىم سەنىمدى بولادى. بۇل سەنىمىڭ سوڭى جارعا اپارىپ سوعادى. ماسەلەن، جىگىتتەر قىز بالاسى «مەنى ءسۇيدى» ەكەن دەپ، «ول مەنەن كەتە المايدى» دەگەن سىندى شالاجانسار ويلار قالىپتاسادى. ال بۇل ويلاردىڭ ءتۇبى سول ارۋدان ايىرىلىپ تىنۋعا اپارادى. سوندىقتان جىگىتتەر قىزدار تۋرالى ەكى- اق نارسەنى ەسكەرۋ كەرەك.

  قىزدارعا كوڭىل ءبولىڭىز

  كوڭىل ءبولۋ - قىزداردىڭ ەڭ ءالسىز جەرى. ولارعا ءبىر ءسات كوڭىل بولمەي، باسىڭىزدى باسقا جاققا بۇرىپ كەتسەڭىز، قيىن بولادى. ءسىزدى ۇلكەن ۇرىس نە ەكى جاققا كەتۋ قورقىنىشى كۇتىپ تۇر. سەبەبى قىز بالاسى ءاردايىم بىرەۋدىڭ قامقورىندا، قورعاۋىندا بولعاندى جاقسى كورەدى. ال ەركەلىگى ءوز الدىنا. قىزبەن 2-3 جىل كوڭىل جاراستىرىپ، ماحاببات باعىن ارالاساڭىز دا، وعان ءتۇبى كوڭىل ءبولۋ كەرەك. سەبەبى ولاردىڭ دەرتى - سول. مىڭ جەردەن كەرەمەت، سۇلۋ ءارى اقىلدى جىگىت بولا تۇرىپ، سۇيىكتىڭىزگە كوڭىل بولمەي كەتسەڭىز، ول «مەندىك» دەپ ويلاماڭىز. ول ەندىگى باسقا بىرەۋدىڭ سۇيىكتىسى بولىپ كەتۋى دە عاجاپ ەمەس. سەبەبى ءسىز باس تارتقان نازاردى سول جۇگىرمەك سالىپ ۇلگەردى.

  قىزدار وزدەرىنە نە كەرەگىن ناقتىلاي المايدى

  بۇل دا ءبىر زاڭدىلىق. ولاردىڭ نە ەركەلەپ تۇرعانىن، نە رەنجىپ، نە قۋانىپ تۇرعانىن ءبىلۋ وتە قيىن. قۇبىلمالى اۋا رايى سەكىلدى. سوندىقتان قىزداردان وزدەرى ءالى بىلمەيتىن نارسەنى تالاپ ەتۋدىڭ قاجەتى جوق. تەك ىسكە كوشۋ كەرەك. سول كەزدە عانا ولار وزدەرىنە نە كەرەكتىگىن انىق ايتا الادى. ماسەلەن قارنى اشىپ تۇرسا دا «جوق» دەپ جاۋاپ بەرەدى. اشۋلانىپ تۇرسا دا، «جوق» دەپ جاۋاپ بەرەدى. وسى جاعدايدان شىعۋ ءۇشىن ولاردىڭ كوزىنەن ءبارىن كورۋگە بولادى ءارى ارەكەتتەرى مەن داۋىس ىرعاقتارىنا نازار اۋدارىڭىز. قىز بالاسى - جۇمباق جاراتىلىس. ولار تۋرالى بىلگەن ەكى- اق نارسە سەكىلدى، ولارعا ەكى- اق نارسە بەرۋ كەرەك: كوڭىل اۋدارۋ مەن قامقورلىق. بۇل ەكەۋى ءسىزدىڭ ماحابباتىڭىزدىڭ بەرىكتىگىنە كەپىل بولا الادى. ەسىڭىزدە بولسىن، بوزبالا!

جاۋاپتى رەداكتور: ءاننا اكىمقان قىزى
  • ساياسي كەڭەس مۇشەلەرى گرۋپپالارعا ءبولىنىپ، ۇكىمەت قىزمەتىنەن جاسالعان باياندامانى تالقىلادى
  • سەلبەستىك قوعامىنىڭ ەرەكشە ونىمدەرى ەل نازارىنا ءىلىندى
  • اۆتونوميالى رايوندىق 13 - كەزەكتى حالىق قۇرىلتايىنىڭ 1 -ءماجىلىسى اشىلدى
  • ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى اشىلدى