اعاجاي-التاي تورابى   ›   مادەنيەت ارناسى   ›   بىلگەنگە مارجان

جالعىزدىق جاپا شەكتىرسە

  «ءومىردىڭ ءبىر قىزىعى بالا دەگەن» . سول «قىزىققا» جەتكىزەتىن قادام - ماحاببات. ال ءسىز ءوز ادامىڭىزدى كەزدەستىرە الماي ءجۇرسىز بە؟ ەش قاپا بولماڭىز.

  جالعىزدىقتان دا جاقسىلىق كورە ءبىلىڭىز. قۇربىلارىڭىز وتىرىسقا شاقىرسا، تانىمايتىن جەر دەپ تارتىنباڭىز. تەك تانىستاردىڭ اراسىندا عانا جۇرسەڭىز، ءوز جارتىڭىزدى كەزدەستىرەتىن مۇمكىندىك ازايا تۇسەدى. جاڭا تانىستىقتان قاشپاڭىز. ارالاساتىن ورتاڭىزدىڭ اۋقىمىن كەڭەيتىڭىز. ءبىراق ەشكىمدى ىزدەمەڭىز.

  ءسىزدىڭ جالعىزدىقتان جاپا شەگىپ جۇرگەنىڭىزدى كورگەن قۇربىلارىڭىز تەزىرەك بىرەۋگە قوسۋعا اسىق بولادى. ءسىز دە سولاردىڭ ىڭعايىنا قاراي، جۇرگەن جەرىڭىزدە «وسى مەنىڭ تاعدىرىم ەمەس پە ەكەن» دەپ ەلەگىزىپ ءجۇرۋىڭىز مۇمكىن. كوپ كۇتكەن از الادى. ىزدەمەڭىز، ول ءسىزدى ىزدەپ تابادى، كۇتپەگەن جەردەن كەزىككەن ماحاببات ءتاتتى بولادى.

  ەكى قۇرلىقتا جۇرسەڭىز دە، تاعدىر قوسادى. جالعىزدىقتان ءلاززات الىڭىز. ونىڭ نە قىزىعى بار دەيسىز بە؟ ءسىز جۇپتىق ومىرگە قادام باسقاندا ءبارى وزگەرەدى، تەك ءوزىڭىزدى ويلاۋدى توقتاتاسىز. قالاعان جەرىڭىزگە ەمىن- ەركىن بارا المايسىز، ەرىكسىز ۇيگە اسىعىپ تۇراسىز.

  باسىڭىز بوس كەزدە قىدىرىپ، ەركىندىكتىڭ ءدامىن سەزىنىپ قالىڭىز. ءبىراق جالعىزدىققا ۇيرەنبەڭىز. ءوزىنىڭ جالعىز ەكەنىن ويلاي- ويلاي ادام كۇيزەلىسكە ءتۇسىپ كەتۋى دە مۇمكىن. ونداي ساتتە وڭاشادا ويلانۋدى قالاپ، جاقىندارىنان دا، دوستارىنان دا الشاقتاپ، جەكە كەڭىستىگىنە ەشكىمدى كىرگىزگىسى كەلمەيتىن ادەت پايدا بولۋى مۇمكىن. جالعىزدىقتىڭ سالماعىن ودان سايىن اۋىرلاتپاڭىز. بولاشاقتا ءبارىبىر قوعامنان ىرگەڭىزدى اۋلاق سالا المايسىز.

  جالعىزدىققا بويىڭىز ۇيرەنىپ كەتسە، كوپشىلىك ورتانى، شۋدى جاقتىرمايتىن بولىپ كەتەسىز دە، قايتا ادامدارمەن ارالاسۋ قيىنداۋ بولادى. ءسىز ءبىر ەمەس، ەكى ادام بولعان كەزدە، بيۋدجەت تە قىسقارا تۇسەدى. سىڭارىڭىزعا ەش اقشا جۇمسامادىم دەگەن كۇننىڭ وزىندە، اۆتوماتتى تۇردە ءوزىڭىزدى كۇتىنۋگە ىقىلاسىڭىز ارتىپ، كوسمەتيكا الۋعا، سىيلىق جاساۋعا كوبىرەك اقشا جۇمسايسىز. قازىر قاراجاتىڭىز جەكە باسىڭىزعا عانا جۇمسالاتىن كەزدە ءوزىڭىزدى جان- جاقتى دامىتىڭىز. جۇزۋگە، بيگە، فيتنەسكە، ءتىل ۇيرەنۋگە، ءتۇرلى شەبەرلىك ساباقتارىنا، جاڭا عىلىمداردى يگەرۋگە كۋرستارعا قاتىسىڭىز.

  ءوزىن جالعىز سانايتىن جاننىڭ تاعى ءبىر بەلگىسى - اگرەسسياعا بەيىم بولادى. كەيدە كورىنگەنمەن ۇرىسىپ، كەز كەلگەن ءسوزدى جۇرەگىنە جاقىن قابىلداپ، قالاي اشۋعا بەرىلگىش بولىپ كەتكەنىن ءوزى اڭعارماي قالادى. ساناسىندا تۇيسىگى بار جاندار بوسقا اشۋلانىپ تۇرعانىڭىزدى كورىپ، مۇنىڭ سەبەبى كۇيزەلىس ەكەنىن بىردەن ۇعىپ قويۋى مۇمكىن. وزگەلەردىڭ كۇلكىسى مەن ايانىشىنا اينالماس ءۇشىن، ءوزىڭىزدى بارىنشا قولدا ۇستاپ، سابىر ساقتاڭىز.

  جالعىزدىعىڭىز جىلدان- جىلعا ۇزاپ بارا جاتىر ما؟ بەس- التى جىل بولعان شىعار؟ مۇمكىن، ەس بىلگەلى ەشكىممەن كەزدەسپەگەن دە بولارسىز. ۋايىمداماڭىز. اينالاڭىزعا قاراڭىز، سىزدەن دە باسقا جالعىز جاندار قانشاما؟ جاستاي جارىنان ايىرىلىپ، ءبىر- ەكى بالاسىنا ءومىرىن ارناپ، ەشكىممەن كوڭىل قوسقىسى كەلمەيتىن ادامدارعا قانداي قيىن ەكەنىن، جاعدايى سىزدەن دە مۇشكىل ادامدار كوپ ەكەنىن ويلاپ، شۇكىرشىلىك ەتىڭىز. ەڭ باستىسى، جالعىزبىن دەگەن ويدان ارىلىڭىز. مۇنى ۇمىتىڭىز، ەشقاشان ويىڭىزعا الماڭىز. ادامنىڭ ويى دا ءوزىن باسقاراتىنىن ۇمىتپاڭىز. ءسىز جالعىزدىقتى ۇنەمى ويلاي بەرسەڭىز، ول دا سىزدەن كەتپەي قويادى. جاي عانا ومىردەن قۋانىش كورە ءبىلىڭىز، باقىتتى بولىڭىز. كوپ كۇتكەن ەڭ جاقسىسىنا، ەڭ لايىقتىسىنا جولىعادى.

جاۋاپتى رەداكتور: ءاننا اكىمقان قىزى
  • ساياسي كەڭەس مۇشەلەرى گرۋپپالارعا ءبولىنىپ، ۇكىمەت قىزمەتىنەن جاسالعان باياندامانى تالقىلادى
  • سەلبەستىك قوعامىنىڭ ەرەكشە ونىمدەرى ەل نازارىنا ءىلىندى
  • اۆتونوميالى رايوندىق 13 - كەزەكتى حالىق قۇرىلتايىنىڭ 1 -ءماجىلىسى اشىلدى
  • ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى اشىلدى