اعاجاي-التاي تورابى   ›   مادەنيەت ارناسى   ›   ادەبيەت باعى

ول نەلىكتەن نەسيەگە زات المايتىن بولدى

  مولداش ۇيقاسباي ۇلى
ەرتەرەكتە ءبىر شەبەر ءورىمشى اقساقال بولىپتى. كۇندەردىڭ بىرىندە اقساقالدىڭ ورىمشىلىك ونەرىن ەستىگەن، ۇزاق جىل اۋىلدا ۇكىمەت قىزمەتىن ىستەگەن ورتا جاستاعى ازامات ءورىمشىنىڭ ۇيىنە بارىپ، نوقتا-جۇگەن ءورىپ بەرۋدى تاپسىرىپتى، اقساقال دا ماقۇلدىق بەرىپتى.
كەلىسىمدى ۋاقىتتا نوقتا-جۇگەندى ءورىپ بولعان اقساقال الگى ازاماتقا: «اقشاڭدى الىپ كەلىپ نوقتا-جۇگەنىڭدى الىپ كەت»،-دەپ سالەم ايتىپتى. ەرتەڭىندە نوقتا-جۇگەن الۋشى: «قازىر اقشام جوق، 1 - 2 كۇننىڭ ىشىندە تاۋىپ بەرەمىن»،-دەپ نوقتا-جۇگەندى نەسيەگە الىپ كەتىپتى. سونىمەن ارادا بىرنەشە كۇن ءوتىپتى، اقساقال اقشادان قىسىلىپ الگى ازاماتتىڭ ۇيىنە بارسا، «قولىمدا دايىن اقشا جوق، ءبىر اپتانىڭ ىشىندە تاۋىپ بەرەمىن»،-دەگەن ۋادەمەن اقساقالدى جولعا سالىپتى. ارادا ءبىر اي ءوتىپتى، اقساقال بىرنەشە رەت بارىپ، اقشاسىن الا الماپتى، وسىلايشا ءبىر جىل وتە شىعىپتى.
ءبىر كۇنى، الگى ازامات نوقتا-جۇگەنىن اتىنا سالىپ، ۇكىمەت جۇمىسىمەن اۋىل ورتالىعىنا بارىپ-قايتقان جولىندا، ناسىباي اتپاق بولىپ شاقشاسىن ەرىنىڭ قاسىنا قاعىپ-قاعىپ جىبەرىپ، الاقانىن توسسا ەشتەمە تۇسپەپتى. قۇمارى ۇستاعان ازامات جان-جاعىنا قاراسا، كوز كورىم جەردە سۋ ۇستاپ جۇرگەن بىرەۋ كورىنىپتى. جەلە-جورتىپ الگى ادامنىڭ جانىنا جەتىپ بارسا، ءورىمشى اقساقال ەكەن. ازاماتتىڭ سالەمىن قابىلداپ، قولىن العان اقساقال اتتىڭ تىزگىنىنەن شاپ بەرىپ ۇستاي الىپ، اتتىڭ باسىنداعى نوقتا-جۇگەننىڭ ساعالدىرىعىن اعىتىپ جىبەرىپ، نوقتا-جۇگەندى سىپىرىپ الىپ، اتتى باسقا ءبىر سالىپ قويا بەرىپتى. الگى ازامات ەرتوقىمنىڭ ۇستىندە كەتىپتى.
جازعىتۇرىم بولسا كەرەك، قورادا جەم جەپ ەرىگىپ تۇرعان جۇيرىك ات توعايدى ارالاپ شابا جونەلىپتى. شاۋىپ كەلە جاتقان اتتى كورگەن جول بويىنداعى اۋىلدىڭ يتتەرى قۋعان سايىن ات ورشەلە شاۋىپ، كەزدەسكەن ارىق-توعاننان سەكىرىپ، اعاشتىڭ استىنان ءوتىپ، ۇيرەنگەن جەم-ءشوپ جەيتىن اباسىنا كەلىپ ءبىر-اق توقتاپتى. 
مولشەرمەن جارىم ساعاتتاي ەردىڭ قاسىن قولىمەن ۇستاپ وتىرعان ازامات اتتان دومالاپ ءتۇسىپ، زارە-قۇتى قاشىپ، اجال اۋزىنان امان قالعان ەكەن. وسى ىستەن كەيىن الگى ازامات نەسيەگە زات الماۋعا انت ەتىپ، بىرەۋدەن زات السا، قولما-قول اقشاسىن بەرەتىن بولىپتى.

  التاي قالاسى شىرىكشي اۋىلى كۇزەۋشي قىستاعى وقىتۋ ءتۇيىنى

جاۋاپتى رەداكتور: جانار قاناپيا قىزى
  • ساياسي كەڭەس مۇشەلەرى گرۋپپالارعا ءبولىنىپ، ۇكىمەت قىزمەتىنەن جاسالعان باياندامانى تالقىلادى
  • سەلبەستىك قوعامىنىڭ ەرەكشە ونىمدەرى ەل نازارىنا ءىلىندى
  • اۆتونوميالى رايوندىق 13 - كەزەكتى حالىق قۇرىلتايىنىڭ 1 -ءماجىلىسى اشىلدى
  • ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى اشىلدى