اعاجاي-التاي تورابى   ›   زاڭ-تارازى   ›   تارازى

شىندىقتى ويدان قۇراستىرىپ، مەملەكەتتىڭ قوسىمشا قاراجاتىن قىمقىرىپ الىپ، جازاعا تارتىلدى

  ءۇي ەلەكتر جابدىقتارىن اۋىل - قىستاققا جەتكىزۋ، كونەسىن جاڭاسىنا اۋىستىرۋ − حالىققا ءتيىمدى جاقسى ساياسات، الايدا، كەيبىر ساۋداگەرلەر پايداعا قۇنىعىپ، مۇددە قۋىپ، سۋدى لايلاپ بالىق ۇستاپ، مەملەكەتتىڭ قازىنا قوسىمشا قاراجاتىن قىمقىرىپ الادى. جۋىردا، فۋجيان ولكەسى شاڭحاڭ اۋداندىق حالىق سوتى مەكەمەسىءۇي ەلەكتر جابدىقتارىن اۋىل - قىستاققا جەتكىزۋ قوسىمشا قاراجاتىن قىمقىرىپ الۋ دەلوسىن قارادى، ايىپكەر يۋان xxكە الدامشىلىق قىلمىسىن وتكىزدى دەگەن ايىپ تاعىلىپ، 4 جىل 9 ايلىق مەرزىمدى قاماۋ جازاسىنا كەسىلىپ، 70 مىڭ يۋان ايىپ سالىندى.

  تەكسەرۋ ارقىلى 2009 - جىلدان 2013 - جىلعا دەيىنگى ارالىقتا، يۋان xx «ءۇي ەلەكتر جابدىقتارى دۇكەنىن» اشقان كەزىندە، مەملەكەتتىڭ ءۇي ەلەكتر جابدىقتارىن اۋىل - قىستاققا جەتكىزۋ قوسىمشا قاراجات ساياساتىنان پايدالانىپ، شارۋالاردىڭ ازاماتتىق كۋالىگى مەن نوپوس داپتەرىنىڭ كوبەيتىلگەن نۇسقاسىن جيناپ، ساتۋ تالونىن كوپيالاپ، تالون كوپياسىنداعى ساتىپ العان ادامنىڭ جانە ءۇي ەلەكتر جابدىقتارىنىڭ اتىن وزگەرتىپ، وعان باسقا جەردەن ساتىپ العان اۋىل - قىستاققا جەتكىزىلگەن ءۇي ەلەكتر جابدىقتارىنىڭ تاۋار ماركاسىن قوسىپ، 144 شارۋا اۋىل - قىستاققا جەتكىزىلگەن ءۇي ەلەكتر جابدىعىن ساتىپ الدى دەپ قۇراستىرىپ، مەملەكەتتىڭ ءۇي ەلەكتر جابدىقتارىن اۋىل - قىستاققا جەتكىزۋ قوسىمشا قاراجاتىنان 379 مىڭ 51 يۋاندى قىمقىرىپ العانى انىقتالادى.

  حالىق سوتى مەكەمەسى تەكسەرۋ ارقىلى بىلاي دەپ قارادى: ايىپكەر يۋان xx زاڭسىز يەمدەنۋدى ماقسات ەتىپ، شىندىقتى ويدان قۇراستىرۋ، شىن سىردى جاسىرۋ ءتاسىلىن قولدانىپ، مەملەكەتتىڭ ءۇي ەلەكتر جابدىقتارىن اۋىل - قىستاققا جەتكىزۋ قوسىمشا قاراجاتىنان 379 مىڭ 51 يۋاندى قىمقىرىپ العان، مولشەرى كوپ، شىندىق ايقىن، فاكت تولىق، ونىڭ ارەكەتى الدامشىلىق قىلمىسىن قالىپتاستىردى، يۋان xx مەملەكەتتىڭ ءۇي ەلەكتر جابدىقتارىن اۋىل - قىستاققا جەتكىزۋ قوسىمشا قاراجاتىن كوپ رەت قىمقىرىپ العان، قاتاڭ جازالانۋعا ءتيىس، دەسەدە، ول ءوزىنىڭ قىلمىستىق ارەكەتتەرىن قاز - قالپىندا تاپسىردى، ونىڭ ۇستىنە ارام اقشانى تۇگەلدەي قايتارىپ بەردى، ايىبىن شىنداپ تانىدى، زاڭ بويىنشا جەڭىل جازالانۋى كەرەك دەپ قاراپ، جوعارىداعىداي ۇكىم شىعاردى.

  ساياساتتان پايدالانىپ مەملەكەتتىڭ قوسىمشا قاراجاتىن قىمقىرىپ الۋ قىلمىس

  الدامشىلىق قىلمىسى − زاڭسىز يەمدەنۋدى ماقسات ەتىپ، شىندىقتى ويدان قۇراستىرۋ نەمەسە شىن سىردى جاسىرۋ ءتاسىلىن قولدانىپ، مەملەكەتتىڭ نەمەسە جەكەنىڭ زور مولشەردەگى قازىنا - مۇلكىن قىمقىرىپ الۋدى مەڭزەيدى. بۇل دەلوداعى يۋان xx زاڭسىز تاسىلدەر ارقىلى مەملەكەتتىڭ زور مولشەردەگى قوسىمشا قاراجاتىن قىمقىرىپ الادى، سوندىقتان الدامشىلىق قىلمىسىن قالىپتاستىرادى.

  وسى دەلوعا جاۋاپتى سۋديانىڭ تانىستىرۋىنشا، سوڭعى جىلدارى مەملەكەت ءۇي ەلەكتر جابدىقتارىن اۋىل - قىستاققا جەتكىزۋ سياقتى ساياساتتاردى اتقارۋ بارىسىندا، اۋىل - قىستاققا جەتكىزىلەتىن ءۇي ەلەكتر جابدىقتارىن ساتاتىن كەيبىر ورىندار سۋدى لايلاپ بالىق ۇستاپ، مەملەكەتتىڭ ءۇي ەلەكتر جابدىقتارىن اۋىل - قىستاققا جەتكىزۋ قوسىمشا قاراجاتىن قىمقىرىپ الۋ سياقتى زاڭسىز قيمىلدار بەلەڭ بەردى. بۇل ماسەلەلەردىڭ تۋىلۋىنا باقىلاۋ - باسقارۋ جاقتارىندا جەتەرسىزدىك، باقىلاۋ - باسقارۋدىڭ قاۋقارسىز، زاڭ اتقارۋدىڭ قاتاڭ بولماۋى، زاڭعا قايشىلىق جاساعانداردىڭ قۋزاستىرىلماۋى سياقتى ماسەلەلەر مۇرىندىق بولىپ وتىر، وسى جاقتارعا باسا ءمان بەرۋ قاجەتتى. قاتىستى قۇزىرلى ورىندار «قوسىمشا قاراجاتتى قىمقىرىپ الۋ» قيمىلدارى بەلەڭ بەرە باستاعاندا دەر كەزىندە پارمەندى سوققى بەرمەيتىن بولسا، وسىنداي «تالەيلىلەردىڭ» «كۇرت بايۋ» قۇبىلىسى باسقالاردى دا وسىلاي ىستەۋگە ەلىتەدى. ەڭ سوڭىندا «قوسىمشا قاراجاتتى قىمقىرىپ الۋ» ارەكەتىن اسقىندىرىپ، اپاتقا اينالىپ، ارتىن جيىستىرۋعا كەلمەي قالادى.
 «شينجياڭ زاڭ گازەتىنەن»

جاۋاپتى رەداكتور: جانار قاناپيا قىزى
  • ساياسي كەڭەس مۇشەلەرى گرۋپپالارعا ءبولىنىپ، ۇكىمەت قىزمەتىنەن جاسالعان باياندامانى تالقىلادى
  • سەلبەستىك قوعامىنىڭ ەرەكشە ونىمدەرى ەل نازارىنا ءىلىندى
  • اۆتونوميالى رايوندىق 13 - كەزەكتى حالىق قۇرىلتايىنىڭ 1 -ءماجىلىسى اشىلدى
  • ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى اشىلدى