اعاجاي-التاي تورابى   ›   زاڭ-تارازى   ›   مەملەكەت زاڭى

ۇسىنىس ەتىلگەن ماماننىڭ اعاتتىعىنان ناۋقاس زياندالسا قالاي ىستەيمىز

  «ەڭ جوعارى حالىق سوتى مەكەمەسىنىڭ ەمدەۋ شىرعالاڭى جاۋاپكەرشىلىگىندەگى تالاس - تارتىس دەلولارىن سوتتاۋدا زاڭدى قولدانۋعا قاتىستى ءىشىنارا ماسەلەلەر جونىندەگى تۇسىندىرمەسىنىڭ» 20 - تارماعىندا: «ەمدەۋ ورگاندارى سىرت ورىنداردان شيپاگەر ۇسىنىس ەتىپ ناۋقاس ادامدى ەمدەگەندە، سىرت ورىننان ۇسىنىس ەتىلگەن شيپاگەردىڭ اعاتتىعىنان ناۋقاس ادام ەمدەۋ شىرعالاڭىنا ۇشىراسا، سىرت ورىننان مامان ۇسىنىس ەتىپ ەمدەگەن ەمدەۋ ورگانى تولەم جاۋاپكەرشىلىگىن ارقالايدى» دەپ بەلگىلەنگەن. وسى بەلگىلەمەگە نەگىزدەلگەندە، ناۋقاس ادام قاي شيپاحانادا جاتىپ ەمدەلگەن بولسا، سول شيپاحانا سول ناۋقاستىڭ دەنساۋلىق احۋالىنا جاۋاپتى بولادى، سول ناۋقاس ەمدەلۋ بارىسىندا زيانعا ۇشىراسا، سول زيانعا دا سول شيپاحانا جاۋاپتى بولادى، ول شيپاحانا «ساعان سىرت ورىننىڭ مامانى وتا جاسادى، سونىڭ قاتەلىگىنەن ەمدەۋ شىرعالاڭى تۋىلدى، جاۋاپكەرشىلىكتى سول شيپاگەردەن قۋزاپ الىڭدار نەمەسە سول شيپاگەردىڭ قاراستى شيپاحاناسىنان داۋلاپ ءوندىرىپ الىڭدار» دەپ جاۋاپكەرشىلىكتەن قاشىپ قۇتىلا المايدى. ەرەكشە ەسكەرتەتىنىمىز، ءبىز مۇندا وسى شيپاحانانىڭ جانە شيپاگەردىڭ زاڭ بويىنشا جاۋاپكەرشىلىك ارقالايتىن اعاتتىعى بار، سۇعاناقتىق جاساعان ارەكەتى بار جانە ارەكەتى مەن زارداپ ورتاسىندا سەبەپ - سالدارلىق قاتىناس بار بولعان جاعدايداعى احۋالدى ايتىپ وتىرمىز.
دايىنداعان: ناعاشىبەك ۇركىنباي ۇلى

جاۋاپتى رەداكتور: جانار قاناپيا قىزى
  • ساياسي كەڭەس مۇشەلەرى گرۋپپالارعا ءبولىنىپ، ۇكىمەت قىزمەتىنەن جاسالعان باياندامانى تالقىلادى
  • سەلبەستىك قوعامىنىڭ ەرەكشە ونىمدەرى ەل نازارىنا ءىلىندى
  • اۆتونوميالى رايوندىق 13 - كەزەكتى حالىق قۇرىلتايىنىڭ 1 -ءماجىلىسى اشىلدى
  • ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى اشىلدى