اعاجاي-التاي تورابى   ›   زاڭ-تارازى   ›   تارازى

كەپىل بولعان ادام تولەتۋ ۇقىعىن نەكەدەن اجىراسقان ەكى جاقتىڭ، ءسىرا، قايسىسىنان قۋزايدى

جاڭ شيۋ، ۋاڭ ياجوۋ، جين جىچىڭ، جاڭ ۋىنجيڭ

  دەلو بايان

  2007 - جىلى لي لياڭ مەن پەي لين نەكەگە تىزىمدەلەدى. تۇراقتى قىزمەتى بولماعاندىقتان، لي لياڭ ساۋدا ىستەۋدى ويلاپ، شۇي جياۋدان جىلىنا %3تىك وسىممەن 2014 - جىلى 6 - قاڭتار كۇنى قايتاراتىن بولىپ 400 مىڭ يۋان قارىز الادى، بۇعان لي لياڭنىڭ جاقىن دوسى چىن چىن كەپىل بولادى.

  كەيىن لي لياڭنىڭ ساۋداسى وڭىنا باسپاي، قارىزىن قايتارعاندى قويىپ تاقىرعا وتىرىپ قالادى. 2016 - جىلى قىركۇيەكتە لي لياڭ مەن پەي لين كەلىسىم ارقىلى نەكەدەن اجىراسادى. سول جىلى شۇي جياۋ مەن لي لياڭ ەكى جاق سوتتىڭ كەلىستىرۋى ارقىلى لي لياڭ قارىزعا العان 400 مىڭ يۋان مەن 100 مىڭ يۋان ءوسىمىن قوسا تالاپكەرگە قايتاراتىن بولىپ كەلىسەدى؛ چىن چىن وسى قارىز الىم - بەرىمى قاتىناسىندا ىلىكتەس جاۋاپكەرشىلىكتى ۇستىنە الىپ، لي لياڭ 2017 - جىلى 1 - قاڭتاردان بۇرىن تولەپ بولۋعا كەلىسىم بەرەدى. لي لياڭ اقشانى كەلىسكەن ۋاقىتتا قايتارا المايدى دا، شۇي جياۋ حالىق سوتى مەكەمەسىنە زورلىقپەن اتقارتۋدى تالاپ ەتەدى. كەپىل بولۋشى چىن چىن شۇي جياۋعا 20 مىڭ يۋان تولەيدى.

  وسىدان كەيىن چىن چىن كەپىل بولۋ بورىشىمدى وتەدىم، ەندى بۇل اقشانى زاڭ بويىنشا لي لياڭ مەن پەي ليننەن ءوندىرىپ الۋىم كەرەك دەپ قاراپ، لي لياڭ مەن پەي ليننىڭ ۇستىنەن ءۇرىمجى قالاسىنداعى ءمالىم رايوندىق حالىق سوتى مەكەمەسىنە ارىز بەرەدى.

  العاشقى تەرگەۋ

  ءۇرىمجى قالاسىنداعى ءمالىم رايوندىق حالىق سوتى مەكەمەسى «جۇڭحۋا حالىق رەسپۋبليكاسىنىڭ كەپىلدىك زاڭىنىڭ» 31 - تارماعىنداعى بەلگىلەمەگە ساي كەپىل بولۋشى كەپىلدىك بورىشىن وتەگەننەن كەيىن، بەرەشەك ادامنان تولەتىپ الۋعا ۇقىقتى. بۇل دەلودا كەپىل بولۋشى چىن چىن كەپىل بولۋ بورىشىن وتەپ 20 مىڭ يۋان تولەگەن، ول بەرەشەك ادام لي لياڭنان تولەتىپ الۋعا ۇقىقتى دەدى.

  پەي ليننىڭ جاۋاپكەرشىلىك ارقالاۋ - ارقالاماۋى ماسەلەسىندە دەلونى العاش تەرگەگەن سوت: چىن چىن لي لياڭ مەن پەي لين ەرلى - زايىپتىلىق قاتىناسىن ساقتاپ تۇرعان كەزدە كەپىل بولعان، الايدا وسىدان ىلگەرگى قارىز داۋ - شارىندا چىن چىن كەپىل بولدىم دەپ پەي ليننەن تولەۋدى تالاپ ەتپەگەن. تورەلىك حۇجاتتا چىن چىننىڭ كەپىلدىك بورىشىن وتەگەنى، لي لياڭ مەن پەي ليننىڭ ەرلى - زايىپتىلىق قاتىناسى ساقتالىپ تۇرعان كەزدەگى ورتاق بەرەشەگى ەكەنى تۇراقتاندىرىلماعان، سوندىقتان كەپىلدىك بورىشىن نەگىزگى بەرەشەك ادامنان قۋزاۋى كەرەك. بۇدان سىرت، ىلگەرى وسى دەلونى تەرگەۋ بارىسىندا پەي لين شاعىم ايتىلعاندار ىشىندە جوق بولاتىن، ەگەر لي لياڭنىڭ شۇي جياۋدان العان قارىزى دەلودا ەرلى - زايىپتىلىق قاتىناسى ساقتالىپ تۇرعان كەزدەگى ورتاق قارىز دەپ تۇراقتاندىرىلسا، پەي ليننىڭ قاتىستى ارىز - شاعىم ۇقىعىنا زيان كەلەدى. سوندىقتان العاشقى سوت تەرگەۋى چىن چىننىڭ پەي لين جاۋاپكەرشىلىك ارقالاسىن دەگەن ارىز - شاعىمىن قولدامايدى.

  چىن چىن بۇل كەسىمگە رازى بولماي، قارىزدى ەرلى - زايىپتىلىق قاتىناسى ساقتالىپ تۇرعان كەزدە العان ورتاق قارىز، كەپىلدىك بورىشىمدى وتەگەننەن كەيىن، ەندى بۇل اقشانى لي لياڭ مەن پەي ليننەن ءوندىرىپ الۋىم كەرەك دەپ قاراپ، ءۇرىمجى قالالىق ورتا حالىق سوتى مەكەمەسىنە ارىز بەرەدى.

  ەكىنشى تەرگەۋ

  2017 - جىلى قاراشادا ءۇرىمجى قالالىق ورتا حالىق سوتى مەكەمەسى وسى دەلونى 2 - رەت تەرگەگەننەن كەيىن، «ەڭ جوعارى حالىق سوتى مەكەمەسىنىڭ <جۇڭحۋا حالىق رەسپۋبليكاسىنىڭ نەكە زاڭىنداعى> بىرنەشە ماسەلە جونىندە تۇسىنىكتىڭ (2)» 24 -، 25 - تارماعىنداعى بەلگىلەمەگە ساي، اتقارتۋعا ۇقىقتى كىسى نەكە قاتىناسى ساقتالىپ تۇرعان مەزگىلدەگى ەرلى - زايىپتىنىڭ بىرەۋىنىڭ جەكە اتىمەن العان قارىزىن نەمەسە بەرەشەگىن قۋزاۋعا ۇقىقتى، مۇنى ەرلى - زايىپتىنىڭ ورتاق قارىزى رەتىندە ءبىر جاقتى ەتۋ كەرەك. الايدا ەرلى - زايىپتىنىڭ ءبىر جاعى اتقارتۋعا ۇقىقتى كىسىگە بەرەشەك ادام ەكەۋ ارا جەكە بەرەشەك دەپ ايقىن كەلىسكەنىن دالەلدەپ بەرە السا نەمەسە «نەكە زاڭىنىڭ» 19 - تارماعىنىڭ ءۇشىنشى ابزاتسىنداعى بەلگىلەنگەن جايتتەردىڭ بىرىنە كىرمەيتىنىن دالەلدەي السا؛ ءىستى ادامنىڭ نەكەدەن اجىراسۋ كەلىسىمىندە نەمەسە حالىق سوتى مەكەمەسىنىڭ ۇكىمىندە، شەشىمىندە، جاراستىرۋ حاتىندا ەرلى - زايىپتىنىڭ ورتاق مۇلكىن الدەقاشان بولگەن بولسا، اتقارتۋعا ۇقىقتى كىسى ەرلى - زايىپتىنىڭ ورتاق بەرەشەگىن ەر - ايەل ەكى جاقتان بىردەي قۋزاۋعا ۇقىقتى دەپ قارادى.

  الايدا وسى دەلودا چىن چىن لي لياڭ مەن پەي ليننىڭ ەرلى - زايىپتىلىق قاتىناسى ساقتالىپ تۇرعان كەزدە كەپىل بولعان، اتقارتۋعا ۇقىقتى كىسى شۇي جياۋ ازاماتتار اراسىنداعى وسى قارىز الىم - بەرىم دەلوسىندا پەي ليندى جاۋاپكەر رەتىندە قارىزىن تولەۋگە قۋزاماعان، كەپىل بولۋشى چىن چىن دا پەي ليندى جاۋاپكەر رەتىندە ءوتىنىش ەتپەگەن، چىن چىننىڭ كەپىل بولعان الاشاعى ۇكىمدە لي لياڭ مەن پەي ليننىڭ ورتاق قارىزى دەپ تۇراقتانباعان. سوندىقتان العاشقى سوتتىڭ چىن چىننىڭ كەپىلدىك قارىزدى پەي لين دە ورتاق كوتەرۋى كەرەك دەگەن تالابىن تويتارۋى ورىندى، چىن چىن ارىزىن قايتارىپ السىن.

  سۋديانىڭ تۇسىندىرمەسى

  ءۇرىمجى قالالىق ورتا حالىق سوتى مەكەمەسى ازاماتتىق ىستەر 1 - سوت كوللوگياسىنىڭ ورىنباسار باستىعى شياۋ ۋي: وسى دەلونى تەرگەۋ بارىسىندا حالىق سوتى مەكەمەسى چىن چىننىڭ ارىز - شاعىم تالابىن قولدامادى، الايدا مۇنداي جاعدايدا چىن چىن حالىق سوتى مەكەمەسىنە اۋەلگى ازاماتتىق ىستەر قارىز الىم - بەرىم داۋ - شارىن قايتا قاراۋدى، پەي ليندى دەلوداعى ءۇشىنشى ادام رەتىندە ودان بەرەشەگىن قۋزاۋى ءارى ونى قارىزدى ورتاق قايتاراتىن جاۋاپكەر ەتۋدى ءوتىنىش ەتۋى كەرەك. پەي ليننىڭ بۇرىنعى كۇيەۋى بولعان لي لياڭ ەگەر قارىزدى دەربەس ءوزىم قايتارامىن دەسە دە، پەي ليننەن بەرەشەكتى تولەتۋگە ۇقىقتى، - دەپ ءتۇسىندىردى.

  − بۇدان سىرت، وسى دەلو ارقىلى كەپىل بولعان ادامدارعا كەپىل بولىنۋشىنىڭ نەكە قاتىناسى بۇزىلعان جاعدايعا كەز بولعاندا، تولەتىپ الۋدى قۋزاۋمەن بىرگە، ءسوزسىز، ەڭ الدىمەن كىمدى قۋزايتىنىڭىزدى تۇراقتاندىرىڭىز، حالىق سوتى مەكەمەسىنەن كەپىل بولىنۋشى ەرلى - زايىپتى ەكەۋىنىڭ ورتاق قارىزى ما، جوق پا، سونىڭ شەت - شەكاراسىن ايىرىپ بەرۋدى تالاپ ەتىڭىز، ويتپەگەندە قارىزدى كىمنەن قۋزاۋدى بىلمەي، باسىڭىز اڭكى - تاڭكى بولادى، - دەدى شياۋ ۋي ىشكەرىلەي ءتۇسىندىرىپ.
(دەلوداعى كىسى اتتارى وزگەرتىلىپ الىندى)
«شينجياڭ زاڭ گازەتىنەن» اۋدارعان: ساعىنبەك رابات ۇلى

جاۋاپتى رەداكتور: جانار قاناپيا قىزى
  • ساياسي كەڭەس مۇشەلەرى گرۋپپالارعا ءبولىنىپ، ۇكىمەت قىزمەتىنەن جاسالعان باياندامانى تالقىلادى
  • سەلبەستىك قوعامىنىڭ ەرەكشە ونىمدەرى ەل نازارىنا ءىلىندى
  • اۆتونوميالى رايوندىق 13 - كەزەكتى حالىق قۇرىلتايىنىڭ 1 -ءماجىلىسى اشىلدى
  • ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى اشىلدى