اعاجاي-التاي تورابى   ›   زاڭ-تارازى   ›   تارازى

حالىق ساقشىسى بەينەسىنە ەنىپ الىپ الدامكوستىك ىستەپ، ءبىر جىلدا 2 رەت تۇرمەگە كىردى

  جىل باسىندا ۇرلىق قىلمىسىن وتكىزگەندىگى ءۇشىن مەرزىمدى قاماۋ جازاسىنا ۇكىم ەتىلگەن 23 جاستاعى يە xx 2017 - جىلى 21 - مامىردا جازا مەرزىمىن وتەپ تۇرمەدەن شىعادى. تۇراقتى تۇراعى، قىزمەتى جوق، قولىنداعى اقشاسى تۇگەۋگە اينالعان يە xx تۇرمەدەن شىعىپ ۇزاق وتپەي ءوزىنىڭ تۇرمەدە تارتقان ازابىن ەسىنەن شىعارىپ، كانىگى ادەتىنە باسادى.

  دەلو بايان

  2017 - جىلى 14 - ماۋسىمدا يە xx ءوزى ساتىپ العان ساقشى كيىمىن كيىپ، ساقشى بەلبەۋىن تاعىنىپ ءبىر مۋزيكالى تاعامجايعا بارىپ، ساقشىمىن دەپ وتىرىك ايتىپ، ۋاقىتتىق ىستەتە تۇرۋ سىلتاۋىمەن تاعامجايدىڭ ءبىر تىلدەسكىسىن الداپ اكەتەدى. ارتىنان ىلگەرىندى - كەيىندى ءبىر شاراپحاناعا، تاعى ءبىر ازىق - تۇلىك دۇكەنىنە بارىپ ايىرىم - ايىرىم ءبىر دانا X9 VIVO ماركالى قول تەلەفون، 600 يۋان ناق اقشا الداپ الىپ، اۆتوبۋزعا وتىرىپ ۇرىمجىدەن شىحىزى قالاسىنا بارىپ، مەملەكەت قىزمەتكەرلەرىنىڭ اتىن جامىلىپ ۇزدىكسىز الدامكوستىك ىستەيدى. 23 - ماۋسىمدا يە xx ءبىر شاراپحاناعا بارىپ ساقشىمىن دەپ وتىرىك ايتىپ، تەلەفونىن ىستەتە تۇرۋدى سىلتاۋ ەتىپ زياندالۋشى فىڭ بيكەشتىڭ ءبىر دانا الما 7PLUS ماركالى قول تەلەفونىن الداپ الىپ زىتىپ بەرەدى. الدانعانىن بىلگەن فىڭ بيكەش ساقشىعا دەلو مالىمدەيدى.

  27 - ماۋسىم ساعات 12 مولشەرىندە، شىحىزى قالالىق قوعام حاۋىپسىزدىگى ورگانىنىڭ شارلاۋ شاعىن گرۋپپاسى شىحىزى قالاسى سولتۇستىك 2 - جولى كاڭلى بازارىنىڭ الدىندا شارلاپ ءجۇرىپ، ءبىر جاس ايەلدىڭ (زياندالۋشى فىڭ بيكەش) ساقشى فورماسىن كيگەن يە xxپەن سالعىلاسىپ تۇرعانىن كورىپ، جاندارىنا بارىپ احۋال ۇعىسىپ، ول ەكەۋىن ساقشى بولىمشەسىنە اپارىپ ىشكەرىلەي تەكسەرۋ جۇرگىزەدى. سول كۇنى يە xx الدامشىلىق قىلمىس كۇمانىمەن قوعام حاۋىپسىزدىگى ورگانى جاعىنان قىلمىستىق ىستەر بويىنشا قاماي تۇرىلىپ، سول جىلى 11 - شىلدەدە الدامشىلىق قىلمىس كۇمانىمەن زاڭ بويىنشا قولعا الىنادى.

  دەلو تۋىلعاننان كەيىن، قوعام حاۋىپسىزدىگى ورگانى تىلدەسكىنى جيىپ الىپ يەسىنە قايتارادى، يە xx الداپ العان 2 دانا قول تەلەفون تابىلمايدى، 600 يۋان اقشانى شاشىپ تۇگەتەدى. ودان سىرت، يە xx ءوزىنىڭ الدىڭعى جىلى 19 - تامىز ساعات 23 مولشەرىندە شىحىزى قالاسىنداعى ءبىر قوناقجايدان تەلەفون شالىپ الايىن دەگەن سىلتاۋمەن ءبىر دانا «الما» 5 ماركالى قول تەلەفوندى ۇرلاپ العانىن مويىندايدى. ارام زاتتى جيىپ الۋعا كەلمەيدى، باعالاتۋ ارقىلى ول قول تەلەفوننىڭ قۇنىنىڭ 1100 يۋان بولاتىندىعى تۇراقتاندىرىلادى.

  15 - قىركۇيەكتە شىحىزى قالالىق حالىق پروكۋراتۋراسى ايىپكەر يە xxتى مەملەكەت قىزمەتكەرلەرىنىڭ اتىن جامىلىپ الدامكوستىك ىستەۋ قىلمىسىمەن، ۇرلىق قىلمىسىمەن حالىق سوتى مەكەمەسىنە الەۋمەتتىك ايىپتايدى، حالىق سوتى مەكەمەسى زاڭ بويىنشا اشىق سوت اشىپ قارايدى. سوتتا قاراۋ بارىسىندا يە xx مەملەكەت قىزمەتكەرلەرىنىڭ اتىن جامىلىپ الدامكوستىك ىستەۋ مەن ۇرلىق ىستەۋ فاكتىنە ەشقانداي بوتەن پىكىر بىلدىرمەيدى.

  ۇكىم

  «جۇڭحۋا حالىق رەسپۋبليكاسىنىڭ قىلمىستى ىستەر زاڭى» مەن ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ «ۇرلىق قىلمىسى دەلولارىن ءبىر جاقتى ەتۋدە زاڭ قولدانۋ جونىندەگى ءبىرقانشا ماسەلەلەر جونىندەگى تۇسىندىرمەسىنىڭ» بەلگىلەمەسىنە نەگىزدەلىپ، شىحىزى قالالىق حالىق سوتى مەكەمەسى ايىپكەر يە xxكە مەملەكەت قىزمەتكەرلەرىنىڭ اتىن جامىلىپ الدامكوستىك ىستەۋ قىلمىسىن وتكىزگەندىگى ءۇشىن 2 جىل 6 اي مەرزىمدى قاماۋ جازاسىن؛ ۇرلىق قىلمىسىن وتكىزگەندىگى ءۇشىن 8 اي مەرزىمدى قاماۋ جازاسىن بەرىپ، قوسىمشا 2000 يۋان ايىپ سالادى؛ بىرلەستىرىپ اتقارىلاتىن جازا مەرزىمىن 2 جىل 8 اي، قوسىمشا 2000 يۋان اقشالاي ايىپ سالىنادى دەپ تۇراقتاندىرادى. ايىپكەر يە xxتىڭ دەلو تۋدىرعاندا ىستەتكەن ساقشىنىڭ ماشىق كيىمىن زاڭ بويىنشا ءمۇسادىرالايدى.

  زاڭدىق تۇسىندىرمە

  شىحىزى قالالىق حالىق سوتى مەكەمەسىندەگى ياڭ تيڭ سۋديا بىلاي دەيدى: ايىپكەر يە xxتىڭ حالىق ساقشىسى بەينەسىنە ەنىپ الىپ الدامكوستىك ىستەۋ ارەكەتى «جۇڭحۋا حالىق رەسپۋبليكاسىنىڭ قىلمىستى ىستەر زاڭىنىڭ» 279 - تارماعىنىڭ بەلگىلەمەسىنە قايشىلىق جاساعان بولىپ، مەملەكەت قىزمەتكەرلەرىنىڭ اتىن جامىلىپ الدامكوستىك ىستەۋ قىلمىسىن قالىپتاستىرادى؛ ايىپكەر يە xxتىڭ زاڭسىز يەمدەنىپ الۋ ماقساتىندا باسقالاردىڭ قۇنى 1100 يۋاندىق مۇلكىن ۇرلاعان ارەكەتى «جۇڭحۋا حالىق رەسپۋبليكاسىنىڭ قىلمىستى ىستەر زاڭىنىڭ» 264 - تارماعىنىڭ بەلگىلەمەسىنە قايشىلىق جاساعان بولىپ، ۇرلىق قىلمىسىن قالىپتاستىرادى؛ «جۇڭحۋا حالىق رەسپۋبليكاسىنىڭ قىلمىستى ىستەر زاڭىنىڭ» 69 - تارماعىنىڭ بەلگىلەمەسىنە ساي، وعان مەملەكەت قىزمەتكەرلەرىنىڭ اتىن جامىلىپ الدامكوستىك ىستەۋ قىلمىسى مەن ۇرلىق قىلمىسىن قوسىپ جازا بەرۋ كەرەك.

  ايىپكەر يە xxكە حالىق ساقشىسى بەينەسىنە ەنىپ الىپ الدامكوستىك ىستەگەندىگى ءۇشىن اۋىرلاتىپ جازا بەرىلۋى كەرەك؛ ايىپكەر يە xx بۇرىن قىلمىس وتكىزگەندىكتەن، وعان مەرزىمدى قاماۋ جازاسىنان جوعارى جازا بەرىلگەن، جازا مەرزىمىن وتەپ بولىپ 5 جىل ىشىندە مەرزىمدى قاماۋ جازاسىنان جوعارى جازا بەرىلۋگە ءتيىستى قىلمىس وتكىزگەندىكتەن، قايتالاي قىلمىس وتكىزۋگە جاتادى، زاڭ بويىنشا اۋىرلاتىپ جازا بەرىلۋى ءتيىس؛ ايىپكەر يە xx ىرىقتىلىقپەن قىلمىسىن تانىعاندىقتان، احۋالىنا قاراي جەڭىلدەتىپ جازالاۋعا بولادى.

  «شينجياڭ زاڭ گازەتىنەن»
 اۋدارعان: گۇلبانيا باعدات قىزى

جاۋاپتى رەداكتور: جانار قاناپيا قىزى
  • ساياسي كەڭەس مۇشەلەرى گرۋپپالارعا ءبولىنىپ، ۇكىمەت قىزمەتىنەن جاسالعان باياندامانى تالقىلادى
  • سەلبەستىك قوعامىنىڭ ەرەكشە ونىمدەرى ەل نازارىنا ءىلىندى
  • اۆتونوميالى رايوندىق 13 - كەزەكتى حالىق قۇرىلتايىنىڭ 1 -ءماجىلىسى اشىلدى
  • ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى اشىلدى