اعاجاي-التاي تورابى   ›   اقپارات ايدىنى   ›   وقۋ-اعارتۋ

ۇرىمجىدەگى ورتا، باستاۋىش مەكتەپتەر 26 -قاڭتاردان باستاپ قىسقى دەمالىسقا تارايدى

  ۇرىمجىدەگى 40 تان استام ورتا، باستاۋىش مەكتەپ 26 - قاڭتاردان باستاپ قىسقى دەمالىسقا تارايدى. قىسقى دەمالىس ۋاقىتى 26 - قاڭتاردان 23 - اقپانعا دەيىن بولادى. كەلەر ماۋسىمعا 25 - اقپان كۇنى تىزىمدەلەدى. 26 - اقپان ساباق باستالادى، 5 - شىلدە جازعى دەمالىسقا تارايدى.

  13 - قاڭتاردا، ءتىلشىنىڭ ءۇرىمجى قالالىق وقۋ - اعارتۋ مەكەمەسىنەن ۇعىسۋىنشا، دەمالىسقا تاراۋدان بۇرىن، ۇرىمجىدەگى ءارقايسى مەكتەپتەر بارلىق وقىتۋشى - وقۋشىلارعا ءبىر رەت ورتتەن ساقتانۋ حاۋىپسىزدىگى، ازىق - تۇلىك حاۋىپسىزدىگى، قاتىناس حاۋىپسىزدىگى، قيمىل حاۋىپسىزدىگى قاتارلى حاۋىپسىزدىك جونىندەگى تاربيە جۇرگىزەدى ەكەن. وقۋشىلاردىڭ ويىن زالىنا، ءبي زالىنا، توراپحاناعا، شاراپحانا سىندى ازامات جاسىنا تولماعاندار كىرۋىنە تيىم سالىنعان ورىندارعا كىرۋىنەن باس تارتۋعا تاربيەلەيدى. دەمالىس كەزىندەگى حاۋىپسىزدىك حاتىنا قول قويىپ، جالپى اتا - انالاردىڭ حاۋىپسىزدىك تانىمىن جوعارىلاتىپ، قىستىق دەمالىس، كوكتەم مەرەكەسى كەزىندەگى حاۋىپسىزدىككە كوڭىل بولۋگە كەپىلدىك ەتەدى.

  سونىمەن بىرگە، ءۇرىمجى قالالىق وقۋ - اعارتۋ مەكەمەسى ءارقايسى رايوندار (اۋداندار) وقۋ - اعارتۋ مەكەمەسىنە، ءارقايسى مەكتەپتەردىڭ وسپىرىمدەردىڭ قيمىل ورتالىعىنىڭ، قوعامدىق اماليات بازاسىنىڭ، وتانشىلدىق تاربيە بازاسى سىندى قوعامدىق يگىلىك ورىندارىنىڭ رولىن تولىق ساۋلەلەندىرىپ، باعىتتامالى الۋان ءتۇرلى قيمىلداردى ۇيىمداستىرۋىن تالاپ ەتتى.

  بۇدان سىرت، مەكتەپ اماليات قيمىلى «ءبىزدىڭ مەرەكەمىز — كوكتەم مەرەكەسى» تاقىرىپتىق قيمىلىمەن ۇشتاستىرىپ، جەرگىلىكتى جاعدايعا قاراي ۇزدىك ءداستۇرلى مادەني وقۋ - اعارتۋدى، «ۇزدىك وتباسى ءداستۇرى، مادەنيەت قيمىلى»، «ءداستۇرلى مادەنيەتتى سەزىنىپ، ۇزدىك مادەنيەتتى ساۋلەلەندىرۋ»، «جۇڭحۋانىڭ تاماشا ءمورالىن جالعاستىرۋ» سىندى تاقىرىپتىق قيمىلداردى ورىستەتۋدى تالاپ ەتتى.

  قىسقى دەمالىس تاپسىرماسى جونىندە، «اۋىرتپالىقتى جەڭىلدەتۋدى» نەگىز ەتەدى، ءۇرىمجى قالالىق وقۋ - اعارتۋ مەكەمەسى ءارقايسى ورتا - باستاۋىش مەكتەپتەرگە مەملەكەتتىڭ، اۆتونوميالى رايوننىڭ، قالانىڭ قاتىستى وقىتۋ بەلگىلەمەسىن قاتاڭ تياناقتاندىرىپ، ءارقايسى مەكتەپتەردىڭ، وقىتۋشىلاردىڭ ءوز بىلگەندەرىنشە ساباق تولىقتاۋىنا، پىسىقتاۋ كلاستارىن اشۋىنا قاتاڭ تيىم سالىنادى. ءارقايسى رايون ( اۋدان) وقۋ - اعارتۋ مەكەمەسى باقىلاۋ تەلەفونىن ورناتىپ، بەلگىلەمەگە قايشىلىق جاساعانداردى قاتىستى بەلگىلەمە بويىنشا قاتاڭ جازالايدى.

جاۋاپتى رەداكتور: جانار قاناپيا قىزى
  • ساياسي كەڭەس مۇشەلەرى گرۋپپالارعا ءبولىنىپ، ۇكىمەت قىزمەتىنەن جاسالعان باياندامانى تالقىلادى
  • سەلبەستىك قوعامىنىڭ ەرەكشە ونىمدەرى ەل نازارىنا ءىلىندى
  • اۆتونوميالى رايوندىق 13 - كەزەكتى حالىق قۇرىلتايىنىڭ 1 -ءماجىلىسى اشىلدى
  • ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى اشىلدى