اعاجاي-التاي تورابى   ›   اقپارات ايدىنى   ›   ءوز حابارلارىمىز

التاي قالاسىنداعى الەۋمەتتىك اۆتوبۋزداردىڭ ورنىن ۇيالى تەلەفون ارقىلى تەكسەرۋگە بولاتىن بولدى

ءتىلشىمىز دۇڭ شىجۇي حابارلايدى.

  20-جەلتوقسان، ءتىلشىنىڭ التاي قالالىق ليجۇڭ الەۋمەتتىك قاتىناس سەرىكتەستىگىنەن ۇعىسۋىنشا، قالانىڭ الەۋمەتتىك قاتىناس قىزمەت وتەۋ ورەسىن جوعارلاتۋدى كوزدە ۇستاعان، «بۇكىل شينجياڭنىڭ الەۋمەتتىك قاتىناس ىستەرىن دامىتۋ بىرلەستىگى» ءۇنحات تەكشەسى «ۇيالى تەلەفونمەن الەۋمەتتىك قاتىناستىڭ ناقتى ۋاقىتىن يگەرۋ» رولىن ورتاعا سالدى. وسى ءۇنحات تەكشەسىنە قوسىلىپ، ۇيالى تەلەفونمەن الەۋمەتتىك اۆتوبۋزدىڭ قايسى بەكەتكە كەلگەنىن كورىپ وتىرۋعا بولادى.

  كەزەكتە وسى ءۇنحات تەكشەسىندەگى ءىرى ساندى مالىمەتتەر التاي قالاسىنداعى بارلىق الەۋمەتتىك اۆتوبۋزدارمەن سايكەستىرىلىپ، اۆتوبۋزدىڭ ورنىن دەركەزىندە تۇراقتاندىرىپ وتىرادى. ماسەلەن، ەڭ باسقى جانە ەڭ سوڭعى بەكەت، كولىك جۇرگىزۋ جانە سوڭعى بەكەتتەن توقتاۋ ۋاقىتى، قايسى بەكەتكە كەلگەنىن ءارى بەكەتتىڭ اتىن نەمەسە تۇرعان جەردىڭ اتىن كىرگىزىپ، قايسى الەۋمەتتىك اۆتوبۋزعا وتىرۋدى تەكسەرۋگە بولادى. ماسەلەن: قايسى اۆتوبۋز قايسى بەكەتكە كەلدى، ءسىز تۇرعان بەكەتكە دەيىن مولشەرمەن قانشا ۋاقىت جۇرەدى دەگەندەردىڭ ءبارىن تەكسەرۋگە بولادى.

  التاي قالالىق ليجۇڭ الەۋمەتتىك قاتىناس سەرىكتەستىگىنىڭ ورىنباسار مەڭگەرۋشىسى ساۋشيا بىلاي دەدى:« بۇدان بىلاي قالا تۇرعىندارى ءۇنحات تەكشەسى ارقىلى قالامىزدا قاتىنايتىن بارلىق الەۋمەتتىك اۆتوبۋزداردىڭ تۇرعان ورنىن، قايسى بەكەتكە قانشا ۋاقىتتا كەلەتىنىن، قاي جاققا باراتىنىن، جول باعىت كەستەسىن ءبارىن تەكسەرۋگە بولادى، بۇل اۆتوبۋزدى كۇتۋ ۋاقىتىن ازايتىپ، قالا تۇرعىندارىنا قولايلى قىزمەت وتەيدى».-دەدى.

اۋدارعان: جانار قاناپيا قىزى

جاۋاپتى رەداكتور: قابىلقان ايتقابىل ۇلى
  • اۆتونوميالى رايوندىق 13 - كەزەكتى حالىق قۇرىلتايىنىڭ 1 -ءماجىلىسى اشىلدى
  • ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى اشىلدى  
  • قىراۋ مەرەكەسىندەگى كوركەم كورىنىستەر
  • قىراۋ مەرەكەسىندە ساياحاتتاي كەلگەن بالاقايلار