اعاجاي-التاي تورابى   ›   اقپارات ايدىنى   ›   ءوز حابارلارىمىز

ادامزاتتىڭ بايىرعى قارشاڭعى مەكەنى-بولعان التايدا قار-مۇز ارۋى مەن حانزاداسى سارالانىپ شىقتى

ءتىلشىمىز جۋ ءدان-ءدان حابارلايدى.

  14-قاڭتار، 6-كەزەكتى التاي ايماقتىق ساياحات وبىراز ەلشىسى(قار-مۇز ارۋى مەن حانزاداسى) شەشۋشى جارىسى التاي قالاسى گەنارال تاۋى شاڭعى الاڭىندا ءساتتى ورىستەتىلدى.

  سول كۇنى كەشتە ساعات 19دا، شەشۋشى جارىس رەسمي باستالدى. ايماعىمىزدىڭ ءار جەرىنەن كەلگەن 12 ۇمىتكەر قارشاڭعى كيىمىن كيىپ، ويناقى ريتىممەن بىرگە ساحىناعا كوتەرىلدى، سودان ادەمى ۇلتتىق كيىمدەرىن كيىپ، اسەم ءاندى ارقاۋ ەتكەن ارتقى كورىنىسپەن سايكەستىرىپ، اۋىلىنىڭ كوركەم كورىنىستەرىن تانىستىردى. سوڭىندا ويناقى بيلەرمەن، اسەم سازدى اۋەندەر كوپشىلىككە قار-مۇز ارۋى مەن حانزاداسىنىڭ دارا سۇلۋلىعىن كورسەتىپ، كورەرمەندەردىڭ جالىندى شاپالاق ۇنىنە بولەدى.

  3 ساعاتتىق قيان-كەسكى باسەكەدەن كەيىن، بۋىرشىننان كەلگەن مەرۋەرت قامار قىزى مەن التاي قالاسى اتىنان قاتىناسقان ايبول داۋلەتقان ۇلى وسى رەتكى قار-مۇز ارۋى مەن حانزاداسى بولىپ سارالانىپ شىقتى.

  قار-مۇز حانزاداسىنىڭ اعا جۇلدەگەرى ايبول: «وسى رەتكى ساياحات وبىراز ەلشىسى قار-مۇز حانزاداسىنىڭ اعا جۇلدەگەرى بولعانىما وتە قۋانىشتامىن، بۇدان بىلاي ساياحات وبىراز ەلشىسى رولىمدى ويداعىداي ساۋلەلەندىرىپ، كورىكتى التايدىڭ ۇگىتشىسى بولامىن، ءارى التايدىڭ ساياحات ىستەرىنە ءبىر كىسىلىك ۇلەسىمدى قوسىپ، التىن التايدى ءتىپتى دە كوپ ادامعا تانىستىرىپ، التايعا كەلۋگە شاقىرامىن».-دەدى.

  قار-مۇز حانزاداسى—ايبول داۋلەتقان ۇلى

  قار-مۇز ارۋى— مەرۋەرت قامار قىزى

  ايماقتىق پارتكومنىڭ مۇشەسى گۇلنۇر نۇرعالي بىلاي دەدى:« ايماعىمىزدا ساياحات وبىراز ەلشىسى جارىسى جىل سايىن وتكىزىلىپ كەلەدى. بىلايشا ايتقاندا، وسى رەتكى جارىس قيمىلدارى ارقىلى التايدىڭ وزگەشە قىسقى ساياحات بايلىعىن تانىستىرىپ، قىسقى ساياحاتىن دامىتۋداعى جاڭا جەتىستىكتەرىن ۇگىتتەپ، التايدىڭ قىسقى ساياحات ىستەرىن دامىتۋدى تۇتاس قوعام كوڭىل ءبولىپ، قولداۋ كورسەتۋ، التايدىڭ ساياحاتىن ۇگىتتەپ، جالپىلاستىرۋىنداي اۋىر مىندەتتى ارقالايتىن ساياحات وبىراز ەلشىسىن تاربيەلەۋ بولىپ تابىلادى».-دەدى.

   قار-مۇز ارۋى مەن حانزاداسى

  3- دارەجەلى بولعاندار

  2-دارەجەلى بولعاندار

  شابىتتاندىرۋ سيلىعىن ەنشىلەگەندەر

  اۋدارعان: جانار قاناپيا قىزى

جاۋاپتى رەداكتور: قابىلقان ايتقابىل ۇلى
  • وتكەن جىلدىق قىزمەتتى قورتىندىلانىپ، جاڭا ءبىر جىل قىزمەتىنە جوسپار جاسالدى
  • ەرتىستە جومارت تابيعات
  • 10 مىڭ مۋ جەردىڭ قاراقاتى ورگانيكالى سىناق ءونىم كۋالىگىنە يە بولدى
  • شي جينپيڭنىڭ جاڭا ٴداۋىر جۇڭگوشا سوتسياليزم يدەياسى ۇلى تۋىن بيىك كوتەرىپ، باس نىساناعا شوعىرلانىپ، تياناقتاندىرۋدى مىقتى يگەرۋدى كۇشەيتىپ، اناعۇرلىم تىنىش، كورىكتى، باي-باقىتتى جاڭا التاي قۇرۋ ءۇشىن قۇلشىنا كۇرەس جاسايىق
    ج ك پ التاي ايماقتىق پارتكومنىڭ كەڭەيتىلگەن ءماجىلىسى اشىلدى