اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قارتتارعا قىزمەت كورسەتۋ شارت- جاعدايى كورنەكتى جاقساردى

  «13- بەسجىلدىق جوبا مەزگىلى» جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى مەزگىلى ءارى قارتتانۋعا توتەپ بەرۋدىڭ ەڭ ۇتىمدى مەزگىلى ەسەپتەلەدى. ايماعىمىز الۋان ءتۇرلى شارانى قاتار قولدانىپ، قارتتاردى كۇتىمدەۋ بويىنشا قىزمەت وتەۋدەگى جۇيە قۇرىلىسىن ىلگەرلەتىپ، قارتتاردى كۇتىمدەۋ قىزمەتىندە تىڭ ىلگەرىلەۋگە قول جەتكىزىپ، ءار ۇلت بۇقاراسىنىڭ دامۋ جەتىستىگىنەن بىرگە يگىلىكتەنۋىنە كەپىلدىك ەتتى.

  شىڭگىل اۋدانىندا الەۋمەتتىك اۋماقتىڭ قيمىل ورنىنداعى سايكەستى قۇرىلعىلار كەمەلدەنگەن سوڭ ءار ۇلت قارتتارىنىڭ رۋحاني وركەنيەت جاعىنداعى سۇرانىسىن قاناعاتتاندىرۋعا شارت- جاعداي ازىرلەندى.

  شىڭگىل قالاشىعى وڭتۇستىك جولى الەۋمەتتىك اۋماعىنا كەلىپ كوڭىل اشۋ قيمىلىنا قاتىناساتىن قارتتار كوبەيدى. 70 جاستاعى لي شىجۇن ءار كۇنى ءۇي جۇمىستارىن ىڭعايلاپ بولعاننان كەيىن الەۋمەتتىك اۋماقتاعى قيمىلعا قاتىناسىپ، كوڭىلدى تۇرمىس كەشىرۋدە.

  شىڭگىل قالاشىعىنىڭ تۇرعىنى لي شىجۇن: جۇبايىم ەكەۋمىز 95 شارشى مەترلىك ۇيدە تۇرامىز، تۇرمىس شارت- جاعدايىمىز كورنەكتى جاقساردى.

  شىڭگىل قالاشىعىنىڭ وڭتۇستىك مادەنيەت الەۋمەتتىك اۋماعىنداعى ءبي زالىندا كوپشىلىك ءبي بيلەپ، ماز- مايرام بولۋدا، الەۋمەتتىك اۋماق تۇرعىنى ۋ زىڭيىڭ ءاركۇنى كوپشىلىككە ءبي ۇيرەتىپ القاۋعا بولەنۋدە.

  شىڭگىل قالاشىعىنىڭ تۇرعىنى ۋ زىڭيىڭ: ءاركۇنى الەۋمەتتىك اۋماققا كەلىپ دەنە شىنىقتىرىپ كۇندەرىمىزدى كوڭىلدى وتكىزىپ جاتىرمىز.

  شىڭگىل اۋدانىنىڭ الەۋمەتتىك اۋماقتارىنداعى قيمىل ورنىندا كىتاپ-، جۋرنال، تەلەۆيزور، مۋزيكا اسپاپتارى، قارتا، دويبى جانە دەنە شىنىقتىرۋ جابدىقتارى تولىقتانعان، مادەنيەت- دەنەتاربيە قيمىلدارى وتكىزىلەتىن ورىن كەمەلدەنگەن. اسىرەسە مەرەكە- مەيرام كۇندەرىندە الەۋمەتتىك اۋماقتاردا كوڭىل اشۋ قيمىلدارى وتكىزىلىپ، قارتتاردىڭ رۋحاني مادەنيەت جاعىنداعى تۇرمىس مازمۇنى مولايا ءتۇستى.

  قارتتاردىڭ تۇرمىسىن قامتاماسىز ەتۋ ءۇشىن ايماعىمىز قارتتارعا قوسىمشا قاراجات بەرۋ ءتۇزىمىن ورناتىپ، ەكونوميكا جانە تۇرمىس جاعىندا قارتتاردى كۇتىمدەۋ قامتاماسىز ەتۋ ءتۇزىمىن كەمەلدەندىردى. وتكەن جىلى ايماعىمىزدا 80 جاستان اسقان قارتتارعا ءبىر ميلليون 940 مىڭ يۋان تۇرمىستىق قوسىمشا قاراجات تاراتىلدى، مۇندا قوسىمشا قاراجاتتىڭ ٪50 ى جەرگىلىكتى قازىنادان شىعارىلدى. 5649 قارت قوسىمشا قاراجاتتان يگىلىكتەندى.

  بۋرىلتوعاي قالاشىعىنىڭ 85 جاستاعى تۇرعىنى ۋاڭ شۋەحاي ايىنا 50 يۋان قارتتار قوسىمشا قاراجاتىنان يگىلىكتەنۋدە. 50 يۋان ماردىمسىز اقشا بولسا دا ۋاڭ اتاي قارتتارعا قامقورلىق جاساۋ ساياساتىنا ءدان ريزا ەكەنىن ءبىلدىردى.

  بۋرىلتوعاي قالاشىعىنىڭ تۇرعىنى ۋاڭ شۋەحاي: جۇبايىم 80 جاسقا كەلدى، ەندى جۇبايىم قوسىمشا قاراجاتتان يگىلىكتەنۋدى ءوتىنىش ەتپەكشى، قارتتارعا ارنالعان وسى ساياسات شىنىندا وتە جاقسى بولدى.

  80 جاستاعى زەينەتكەر ما جي وتكەن جىلى قازان ايىندا قارتتارعا بەرىلەتىن قوسىمشا قاراجاتتان يگىلىكتەنۋدى ءوتىنش ەتكەن ەدى. قاتىستى تاراۋلار ول كىسىنى سول ايدان باستاپ ايىنا 50 يۋان قوسىمشا قاراجاتتان يگىلىكتەندىردى.

  بۋرىلتوعاي اۋدانىنداعى زەينەتكەر ما جي: قازىر تۇرمىسىمىز جاقساردى، مۇنان بىلاي ءوز رولىمىزدى ويداعىداي ساۋلەلەندىرىپ، قوعامعا ءتيىستى ۇلەسىمىزدى قوسامىز.

  قارتتارعا قوسىمشا قاراجات بەرۋ ساياساتى بويىنشا، جاس شاماسى 80 جاس پەن 89 جاس ارالىعىنداعى قارتتار ايىنا 50 يۋان قوسىمشا قاراجاتتان يگىلىكتەنەدى، 90 جاس پەن 99 جاس ارالىعىنداعى قارتتار ايىنا 120 يۋان قوسىمشا قاراجاتتان يگىلىكتەنەدى، 99 جاستان اسقان قارتتار ايىنا 200 يۋان قوسىمشا قاراجاتتان يگىلىكتەنەدى.

اۋدارعان: توقتاربەك

جاۋاپتى رەداكتور: قابىلقان ايتقابىل ۇلى
  • ايماعىمىزدىڭ اۋا تەمپەراتۋراسى كورنەكتى تومەندەپ، ەڭ تومەنگى تەمپەراتۋرا نولدەن تومەن 30 سەلتسي گرادۋىس بولادى
  • شي جينپيڭ 19 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە ماڭىزدى ءسوز سويلەپ پارتيا 19 - قۇرىلتايىنىڭ رۋحىن جاپپاي دايەكتىلەندىرىپ جانە تياناقتاندىرىپ، پارتيانى قاتاڭ جونگە سالۋدى ماڭگى تابان اۋدارماس قايسارلىقپەن تەرەڭدەتە ءتۇسۋدى باسا دارىپتەدى
  • ورتالىق اسكەري ىستەر كوميتەتىنىڭ قارۋلى ساقشى بولىمىنە تۋ تاپسىرۋ ءراسىمى بەيجيڭدە وتكىزىلدى
  • ج ك پ ورتالىق كوميتەتى، مەملەكەتتىك كەڭەس مەملەكەتتىك عىلىم - تەحنيكا سيلىعى جينالىسىن سالتاناتپەن وتكىزدى