اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

«كول جاۋاپتىسى ءتۇزىمىنىڭ» ءونىمى ايتارلىقتاي بولدى

  تاياۋدا ج ك پ ورتالىق كوميتەتىنىڭ كەڭسەسى مەن مەملەكەتتىك كەڭەس كەڭسەسى «كولدەردە كول جاۋاپتىسى ءتۇزىمىن اتقارۋ جونىندەگى جەتەكشى پىكىردى» باسىپ تاراتتى. وسىلايشا بۇكىل ەلدە وزەن جاۋاپتىسى تۇزىمىنەن كەيىن كول جاۋاپتىسى ءتۇزىمى رەسمي شىعارىلدى. بۋرىلتوعاي اۋدانىندا كول جاۋاپتىسى ءتۇزىمى الدىمەن سىناق رەتىندە اتقارىلعان ەدى. بۋرىلتوعاي اۋدانىندا كول جاۋاپتىسى ءتۇزىمى وتكەن جىلدىڭ تامىز ايىنان باستاپ اتقارىلعاننان بەرى ۇلىڭگىر كولىنىڭ تاماشا تابيعاتى بار كۇشپەن قورعالدى.

  قىس تۇسكەننەن كەيىن سۋ ايدىنىنىڭ اۋماعى ءبىر ميلليون 500 مىڭ مۋ كەلەتىن ۇلىڭگىر كولىندە مۇز قاتا باستاعانىمەن بۇل كول ءالى دە تىرشىلىك تىنىسىنا تولى ەكەنىن بايقايسىز. ەلىمىزدىڭ باتىس سولتۇستىگىندەگى ىشكى قۇرىلىقتىق قۋاڭ وڭىردەگى تيپتىك جازىق ويپات كولى سانالاتىن ۇلىڭگىر كولى 170 شارشى كيلومەترلىك جىلىكول مەن 860 شارشى كيلومەترلىك بۋرىلتوعاي كولىنەن قۇرالادى. جاعراپيالىق ورنى مەن ەكولوگيالىق يقۋاتى وزگەشە وسى كول شينجياڭداعى ماڭىزدى بالىق شارۋاشىلىعى بازالارىنىڭ ءبىرى ەسەپتەلەدى.

  جۋىرداعى جىلداردان بەرى ۇلىڭگىر كولىنە قۇيىلاتىن وزەندەردە ماۋسىمدىق ءۇزىلىس ۋاقىتى ۇزارىپ كەتكەندىكتەن ۇلىڭگىر كولىنە قۇيىلاتىن سۋ مولشەرى ازايۋ، كولدىڭ سۋ دەڭگەيى تومەندەۋ، سۋلى القاپ اۋماعى تارايۋ، سۋلى القاپتاعى جابايى جانۋارلار جانە وسىمدىكتەر بايلىعى كورنەكتى ازايۋ تەكتەس سۋلى القاو ەكولوگياسىنىڭ ناشارلاۋ ماسەلەسى تۋىلعان ەدى.

  وتكەن جىلدىڭ تامىز ايىندا بۋرىلتوعاي اۋدانىندا قاراستىلىعى بويىنشا باسقارۋ جاۋاپكەرلىگىن جاپپاي تياناقتاندىرۋ ءۇشىن اۋداندىق پارتكومنىڭ شۋجيى كول جاۋاپتىسى بولعان ارناۋلى باسشىلىق گرۋپپاسى قۇرىلدى. بۋرىلتوعاي اۋدانىندا كول جاۋاپتىسى ءتۇزىمى اتقارىلعان سوڭ ۇلىڭگىر كولىنە ەكولوگيالىق سۋ تولىقتاۋ جانە سۋ ورگانيزمدەرىن كوبەيتۋ ماقساتىنداعى بالىق قويا بەرۋ قىزمەتىنىڭ سەرپىنى ارتتىرىلدى دا، ۇلىڭگىر كولىنىڭ تىرشىلىك تىنىسى قالپىنا كەلە باستادى. ۇلىڭگىر كولىندەگى سۋ ايدىنىنىڭ اۋماعى جانە كول وڭىرىندەگى سۋلى القاپ اۋماعى بىرتىندەپ ارتىپ، مەملەكەتتىك ەكىنشى دارەجەلى قورعالاتىن ون تۇرلىگە تاياۋ جابايى قۇستار ۇلىڭگىر كولىنە ۇشىپ كەلىپ مەكەندەي باستادى.

  بۋرىلتوعاي اۋداندىق سۋ ونىمدەرى مەكەمەسىنىڭ باستىعى – جاۋ انشياڭ: كول جاۋاپتىسى ءتۇزىمى اتقارىلعان سوڭ ۇلىڭگىر كولىندە ادام مەن تابيعاتتىڭ جاراسىمدى تىرشىلىك ەتۋىنە كەپىلدىك ەتۋ ءۇشىن كولدەگى سۋ ورگانيزمدەرىن كوبەيتۋ ماقساتىنداعى بالىق قويا بەرۋ قىزمەتىنىڭ سەرپىنىن ارتتىردىق ءارى بالىق اۋلاۋعا شەك قويدىق، سونىمەن قاتار، كولدەگى زاڭ اتقارۋ سەرپىنىن ارتتىردىق. كول جاۋاپتىسى ءتۇزىمى اتقارىلعان سوڭ ۇلىڭگىر كولىندەگى سۋ ونىمدەرى بايلىعى كورنەكتى ارتتى.

  وتكەن جىلى بۋرىلتوعاي اۋدانىنداعىلار 100 ميلليون يۋانعا جۋىق قارجى جۇمساۋ ارقىلى ۇلىڭگىر كولىنىڭ توڭىرەگىندەگى كول ءوڭىرىن باسقارۋ ورتالىعىن سالۋ سياقتى نەگىزدىك قۇرىلعى قۇرىلىسىن اياقتاتتى. وسىلايشا ۇلىڭگىر كولىندەگى سۋلى القاپ ويداعىداي قورعالدى ءارى ساياحاتشىلارعا ىڭعايلى شارت- جاعداي ازىرلەندى. ساياحاتشىلار كولدىڭ جاراتىلىستىق ورتاسىنا ىقپال جاساماۋ جانە ورتانى ويرانداماۋ العى شارتى بويىنشا ۇلىڭگىر كولىنىڭ كوركەم كورىنىسىنە كوز مەيىرىن قاندىرا الاتىن بولدى. بۋرىلتوعاي اۋدانىنداعىلار تاماشا تابيعاتتىڭ ءوزىن باعالى بايلىققا بالاۋ ۇستانىمىنىڭ جەتەگىندە ۇلىڭگىر كولىنىڭ ەكولوگيالىق يقۋاتىن جاقسارتىپ، كولدەگى بالىق بايلىعىن قالپىنا كەلتىرۋ اياق الىسىن تەزدەتىپ، كول ءوڭىرىنىڭ تابيعاتىن تۇلەجىتۋگە كۇش سالدى. ۇلىڭگىر كولىنىڭ ەكولوگيالىق ورتاسى وڭالا باستاعان سوڭ شينجياڭنىڭ ءىشى- سىرتىنان بۋرىلتوعاي اۋدانىنا ساياحاتتاي كەلۋشىلەر كوبەيدى دە، جەرگىلىكتى شارۋالاردىڭ ساياحات كاسىبى ارقىلى تاپقان ەكونوميكالىق تابىسى ارتا ءتۇستى.

  بۋرىلتوعاي اۋداندىق پارتكومنىڭ تۇراقتى مۇشەسى، جىلىكولدىڭ ورىنباسار جاۋاپتىسى – شياڭ ياڭ: كول جاۋاپتىسى ءتۇزىمىنىڭ جوعارى دەڭگەيدە اتقارىلۋى ارقاسىندا ۇلىڭگىر كولىنىڭ ەكولوگيالىق ورتاسىن وڭاۋ قىزمەتى ءونىمدى بولدى، مۇنان بىلاي تابىستى تاجىريبەلەردى قورتىندىلاپ، كول جاۋاپتىسى ءتۇزىمى بويىنشا باسقارۋ ءتۇزىلىسىن اناعۇرلىم كەمەلدەندىرىپ، ۇلىڭگىر كولىنىڭ تاماشا تابيعاتىن اناعۇرلىم ويداعىداي قورعاۋعا قۇلشىنامىز.

اۋدارعان: ازاتقان

جاۋاپتى رەداكتور: قابىلقان ايتقابىل ۇلى
  • ايماعىمىزدىڭ اۋا تەمپەراتۋراسى كورنەكتى تومەندەپ، ەڭ تومەنگى تەمپەراتۋرا نولدەن تومەن 30 سەلتسي گرادۋىس بولادى
  • شي جينپيڭ 19 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە ماڭىزدى ءسوز سويلەپ پارتيا 19 - قۇرىلتايىنىڭ رۋحىن جاپپاي دايەكتىلەندىرىپ جانە تياناقتاندىرىپ، پارتيانى قاتاڭ جونگە سالۋدى ماڭگى تابان اۋدارماس قايسارلىقپەن تەرەڭدەتە ءتۇسۋدى باسا دارىپتەدى
  • ورتالىق اسكەري ىستەر كوميتەتىنىڭ قارۋلى ساقشى بولىمىنە تۋ تاپسىرۋ ءراسىمى بەيجيڭدە وتكىزىلدى
  • ج ك پ ورتالىق كوميتەتى، مەملەكەتتىك كەڭەس مەملەكەتتىك عىلىم - تەحنيكا سيلىعى جينالىسىن سالتاناتپەن وتكىزدى