اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

كوكتوعاي قارا تاۋىعى مەملەكەتتىڭ تىزىمىنە ەنگىزىلۋى مۇمكىن

  جۋىقتا اۆتونوميالى رايوندىق مال شارۋاشىلىعى باس پۋنكتى پامير قوداسىن، كەريا شىبار ۇيرەگىن جانە كوكتوعاي قارا تاۋىعىن مەملەكەت بويىنشا قورعالاتىن مال جانە ءۇي قۇستارىنىڭ گەنەتيكالىق بايلىعى تىزىمىنە ەنگىزۋ جونىندە ءوتىنىش جولدادى. شينجياڭداعى مال جانە ءۇي قۇستارىنىڭ وسى ءۇش تۇقىمى مەملەكەت بويىنشا قورعالاتىن مال جانە ءۇي قۇستارىنىڭ گەنەتيكالىق تىزىمىنە ەنگىزىلمەك.

  كوكتوعاي قارا تاۋىعى ەرتەدە شەتەلدەن ەنگىزىلىپ، شينجياڭنىڭ جەرگىلىكتى تاۋىعىمەن بۋدانداستىرىلعاننان كەيىن پايدا بولعان وزگەشە تاۋىق تۇقىمى ەسەپتەلەدى. كوكتوعاي قارا تاۋىعى سۋىققا ءتوزىمدى كەلەدى، قىستا نولدەن تومەن وتىز- قىرىق سەلتسي گرادۋس سۋىقتا قارلى جەردە ازىق تاۋىپ جەي الادى. وتكەن جىلى مەملەكەتتىك مال جانە ءۇي قۇستارىنىڭ گەنەتيكالىق بايلىعىن قورعاۋ كوميتەتىنىڭ كەڭسەسى ۇيىمداستىرعان قاتىستى ماماندار شينجياڭنان جولدانعان كوكتوعاي قارا تاۋىعىنىڭ گەنەتيكالىق بايلىعىن قورعاۋ جونىندەگى ءوتىنىشتى سول جەردىڭ وزىندە ساراپتادى. مەملەكەتتىك مال جانە ءۇي قۇستارىنىڭ گەنەتيكالىق بايلىعىن قورعاۋ كوميتەتى گەنەتيكالىق بايلىقتى ساراپتاۋ تارتىبىنە ساي، كوكتوعاي قارا تاۋىعىن ساراپتادى ءارى حابارلاندىرۋ شىعاردى.

  مەملەكەت بويىنشا قورعالاتىن مال جانە ءۇي قۇستارىنىڭ گەنەتيكالىق بايلىعى تىزىمىنە ەنگىزىلگەن مال جانە ءۇي قۇستارىنىڭ كوبى باعالى، سيرەك كەزدەسەتىن، تۇقىمى قۇرۋعا اينالعان مال جانە ءۇي قۇستارى ەسەپتەلەدى.

اۋدارعان: توقتاربەك

جاۋاپتى رەداكتور: قابىلقان ايتقابىل ۇلى
  • ايماعىمىزدىڭ اۋا تەمپەراتۋراسى كورنەكتى تومەندەپ، ەڭ تومەنگى تەمپەراتۋرا نولدەن تومەن 30 سەلتسي گرادۋىس بولادى
  • شي جينپيڭ 19 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە ماڭىزدى ءسوز سويلەپ پارتيا 19 - قۇرىلتايىنىڭ رۋحىن جاپپاي دايەكتىلەندىرىپ جانە تياناقتاندىرىپ، پارتيانى قاتاڭ جونگە سالۋدى ماڭگى تابان اۋدارماس قايسارلىقپەن تەرەڭدەتە ءتۇسۋدى باسا دارىپتەدى
  • ورتالىق اسكەري ىستەر كوميتەتىنىڭ قارۋلى ساقشى بولىمىنە تۋ تاپسىرۋ ءراسىمى بەيجيڭدە وتكىزىلدى
  • ج ك پ ورتالىق كوميتەتى، مەملەكەتتىك كەڭەس مەملەكەتتىك عىلىم - تەحنيكا سيلىعى جينالىسىن سالتاناتپەن وتكىزدى