مۇقامادي ءشارىپ ۇلى، داۋىلقان نۇرقان ۇلى حابارلايدى.
10-قاڭتار مەملەكەتتىك 32-رەتكى «110 ۇگىت كۇنى». كوكتوعاي اۋداندىق قوعام حاۋىپسىزدىك مەكەمەسى ءتۇرلى فورمالار ارقىلى 110 ۇگىت قيمىلىن ورىستەتتى. ۇگىت قيمىلى زاڭعا قايشى ارەكەتتەرگە قاتاڭ سوققى بەرۋ، قوعام ورنىقتىلىعىن قورعاۋ، اپاتتان قۇتقارۋ، شۇعىل جاعدايعا توتەپ بەرۋ قاتارلى مازمۇنداردى قامتىپ، بۇقارانى زاڭعا سانالى باعىنىپ، 110 قىزمەتىن قولداپ-قۋاتتاۋعا باستادى.
وسى رەتكى ۇگىت قيمىلى «110 جانە جاڭا داۋىردەگى باياشاتتى تۇرمىستى قاستەرلەۋ» تاقىرىبىن ارقاۋ ەتتى. قيمىل مەزگىلىندە اۋداندىق قوعام حاۋىپسىزدىك مەكەمەسى زاڭنان كەڭەس بەرۋ تەكشەسىن قۇرۋ، ۇگىت قاعازىن تاراتۋ، وتباسىلارىن ارالاپ، قاۋىپسىزدىك ءبىلىمىن ۇگىتتەۋ تەكتەس فورمالار ارقىلى تۇرعىندارعا اۋداننىڭ 110 قولباسشىلىق جاساۋ ورتالىعىنىڭ دامۋ بارسى مەن قىلمىستىق ارەكەتتەردىڭ الدىن الۋدى ىشكەرلەي ءتۇسىندىردى.
110 دەلو مالىمدەۋ ورتالىعىنىڭ ساقشىسى ما ليڭجيڭ: قيمىلدا بۇقارا 110 لەنياسىنا دەلو مالىمدەۋ جونىندە اناعۇرلىم ايقىن تۇسىنىككە يە بولدى. 110دەلو مالىمدەۋ ورتالىعىمىزدىڭ حالىق بۇقاراسى ءۇشىن اناعۇرلىم ساپالى قىزمەت وتەپ، اۋدانىمىزدىڭ قوعام ورنىقتىلىعى مەن ۇزاق ۋاقىتتىق تىنىشتىعىنا ءوز ۇلەسىن قوسۋىن ءۇمىت ەتەمىن،-دەدى.
قيمىل مايدانىندا حالىق ساقشىلارى بۇقاراعا ۇرى-قارىدان، الدامشىلىقتان ساقتانۋ بىلىمدەرىن تاپتەشتەي ءتۇسىندىرىپ، بۇقارانىڭ زاڭ تانىمىن جوعارلاتتى. حالىق ساقشىلارى جانە ساۋدا دۇكەندەرىن ارالاپ، شۇعىل جاعدايعا تاپ بولىپ، كومەك قاجەت قىلعاندا 110 مەن بايلانىس جاساۋ ءتاسىلىن ءتۇسىندىردى.
ءتىلشىنىڭ قىزمەت ورنى: كوكتوعاي اۋداندىق راديو-تەلەۆيزيا مەكەمەسى
