اعاجاي-التاي تورابى   ›   اقپارات ايدىنى   ›   ءوز حابارلارىمىز

التاي- شي-ان اراسىنا ۇشاق قاتىنادى

ءتىلشىمىز جۋ ءدان-دان حابارلايدى.

  10-قاڭتار بەيجيڭ ۋاقىتى ساعات 18دەن 2 مينۋت وتكەندە، جۇڭگو شىعىس اۆياتسيا MU9651 كەزەكتى ۇشاعى التاي اۋە جايىنا باياۋ كەلىپ قوندى، مىنە بۇل تۇڭعىش كەزەكتى التاي- شى-ان اراسىنا قاتىنايتىن ۇشاقتىڭ ءساتتى كەلىپ قونعاندىعىنىڭ بەلگىسى بولماق.

  كەزەكتە، ءار اپتادا 3 رەت ياعىني دۇيسەنبى، سارسەنبى، جۇما كۇندەرى قاتىنايدى. وسى رەتكى تۇڭعىش كەزەكتى ۇشاق 319-319 اۋە جول لەنياسى بويىنشا، جيىنى 4ساعات 15 مينۋت ۋاقىت جۇمساپ، جۇرگىنشىلەرگە وتە قولايلى بولدى ءارى زات تاسمالداۋ ۋاقىتى دا قىسقاراتىن بولدى.

  عانيبات شي-ان ەلەكتروندىق عىلىم-تەحنيكا داشۋەسىنىڭ ىستۋدەنتى، ول ۇشاقتان تۇسە سالا تىلشىگە اسا قۋانىشتى بەينەدە بىلاي دەدى:« اۋىلىم التايدا، بۇرىن كانيكولعا تاراعاندا، شي-اننان پويەزگە وتىرىپ ەڭ از دەگەندە 2 كۇندە ۇرىمجىگە كەلىپ، ودان ۇرىمجىدەن التايعا دەيىن اۆتوبۋزبەن 1 كۇن ءجۇرىپ، 3-4 كۇن ۋاقىت جۇمساپ ۇيىمە ازەر جەتەتىنمىن، قازىر شي-اننان ۇشاققا وتىرىپ 4 ساعاتتا التايعا كەلىپ الدىم، وتە قولايلى بولدى، قۋانىشىمدا شەك جوق!».-دەدى.

  التاي قالالىق پارتكومنىڭ شۋجيى مۇقيات بىلاي دەدى:« اۆياتسيا قاتىناسى-قالا ەكونوميكاسى دامۋىنىڭ كۇرە تامىرى بولىپ، حالىق تۇرمىسى مەن قوعامدىق وندىرسپەن تىعىز قاتىستى. ءارى ەكى قالا اراسىندا ماڭىزدى رول اتقارىپ، ساياحات قالاسىن جان- جاقتىلى تانىستىراتىن دانەكەر دەۋگەدە بولادى. ايماقتىق پارتكومنىڭ، اكىمشىلىك مەكەمەسىنىڭ بارىنشا جەبەۋىندە، شىعىس اۋە قاتىناس سەرىكتەستىگىنىڭ زور كۇشپەن قولداۋىندا، التاي قالاسى مەن شي-ان قالاسىنا توتە ۇشاق قاتىنادى، مىنە بۇل التاي قالاسىنان تۇڭعىش رەت ىشكى ولكەگە توتە قاتىناعان ۇشاق بولىپ ، التاي قالاسى مەن شي-ان قالاسىنىڭ ەكونوميكاسى، مادەنيەتى جانە ساياحاتى جاعىنداعى بارىس-كەلىس جونىنەن العاندا توتەنشە زور مانگە يە، جولاۋشىلارعا ءتىپتى دە قولايلى بولىپ، ەكونوميكا ساۋدا بارىس-كەلىسىن جيىلەتىپ، التاي مەن شي-ان اراسىنداعى مادەنيەت اۋىس-كۇيىسىنە جانە ارالىق ساياحاتى ءۇشىن ماڭىزى زور بولماق».-دەدى.

  اۋدارعان: جانار قاناپيا قىزى

جاۋاپتى رەداكتور: قابىلقان ايتقابىل ۇلى
  • ايماعىمىزدىڭ اۋا تەمپەراتۋراسى كورنەكتى تومەندەپ، ەڭ تومەنگى تەمپەراتۋرا نولدەن تومەن 30 سەلتسي گرادۋىس بولادى
  • ورتالىق اسكەري ىستەر كوميتەتىنىڭ قارۋلى ساقشى بولىمىنە تۋ تاپسىرۋ ءراسىمى بەيجيڭدە وتكىزىلدى
  • ج ك پ ورتالىق كوميتەتى، مەملەكەتتىك كەڭەس مەملەكەتتىك عىلىم - تەحنيكا سيلىعى جينالىسىن سالتاناتپەن وتكىزدى
  • 6-كەزەكتى قىسقى ساياحات وبىراز ەلشىسى «قار-مۇز ساياحات ارۋى مەن قار-مۇز ساياحات حانزاداسىن تالداۋ جارىسى» وزدىرىلدى