اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

التاي قالاسىنىڭ قار- مۇز باقشاسى وسى ايدىڭ 16- كۇنى اشىلادى

  التاي قالاسىنداعى قار- مۇز باقشاسى وسى ايدىڭ 16- كۇنى رەسمي اشىلماق.

  التاي قالاسىنىڭ گەنارال تاۋى شاڭعى الاڭىندا سالىنىپ جاتقان قار- مۇز باقشاسى قارلى مەكەن التايدىڭ قىسقى كوركەم كورىنىسى مەن قىسقى كەرەمەتىن ايگىلەيدى. التاي قالاسىنداعىلار قار- مۇز باقشاسىن سالۋ جۇمىسىنا وسى ايدىڭ باسىنان باستاپ كىرىسكەن بولاتىن. يەلەگەن جەر اۋماعى 20 مىڭ شارشى مەتر كەلەتىن وسى قار- مۇز باقشاسىندا ساياحاتشىلار ءۇش گرۋپپاداعى 30 نەشە قار- مۇز ويماسىن تاماشالايدى، مىڭ شارشى مەترلىك كريستال سارايدا 5 گرۋپپاداعى ءتۇستى مۇز ويمالار بار. التاي قالاسىنىڭ بيىلعى قار- مۇز باقشاسىن سالۋدا باقشا سالىناتىن جەر جانە تاۋلى جەردىڭ ءتۇزىلىسى سياقتى ەرەكشەلىكتەرگە قاراي ەرتەگىلەر الەمىن بەينەلەنگەن قار- مۇز ويمالارى، جاندى قار- مۇز ويمالارى، باسەكەلىك قار- مۇز ويمالارى سىندى ءۇش كورىنىستىك بولەك بويىنشا التاي قالاسىنداعى قىسقى قار- مۇز ساياحاتىنىڭ دەڭگەيىن جوعارىلاتۋ كوزدەلگەن. بيىلعى قار- مۇز ويمالارىن جاساۋدا بۇرىنعى جىلدارداعى سياقتى شەبەرلىككە، ادەمىلىككە ءمان بەرىلۋدەن تىس، جۇڭگونىڭ ءداستۇرلى مادەنيەت فاكتورلارى دا ايگىلەندى. قار- مۇز باقشاسىندا ساياحاتشىلارعا قىزمەت كورسەتۋ ورنى بار، ساياحاتشىلار وسى ارادا جىلىنۋىنا، ىستىق سۋسىن ىشۋىنە جانە ۇساق- تۇيەك ازىق- تۇلىك الىپ جەۋىنە بولادى. التاي قالاسىنىڭ قار- مۇز باقشاسىندا ساياحاتشىلارعا كوركەم كورىنىستەردەن ءلاززاتتانۋ، كوڭىل اشۋ، قار- مۇز قيمىلدارىنا قاتىناسۋ جانە دەنە ارەكەتىمەن شۇعىلدانۋ شارت- جاعدايى ازىرلەنگەن.

اۋدارعان: ازاتقان

جاۋاپتى رەداكتور: قابىلقان ايتقابىل ۇلى
  • ورتالىق اسكەري ىستەر كوميتەتىنىڭ قارۋلى ساقشى بولىمىنە تۋ تاپسىرۋ ءراسىمى بەيجيڭدە وتكىزىلدى
  • ج ك پ ورتالىق كوميتەتى، مەملەكەتتىك كەڭەس مەملەكەتتىك عىلىم - تەحنيكا سيلىعى جينالىسىن سالتاناتپەن وتكىزدى
  • 6-كەزەكتى قىسقى ساياحات وبىراز ەلشىسى «قار-مۇز ساياحات ارۋى مەن قار-مۇز ساياحات حانزاداسىن تالداۋ جارىسى» وزدىرىلدى
  • جاڭا جاۋىنگەرلەردى قارسى الدى