اعاجاي-التاي تورابى   ›   اقپارات ايدىنى   ›   شينجياڭ حابارلارى

باس شۋجيگە العىس ايتىپ، جاڭا داۋىردە ەكپىندەي ىلگەرىلەيىك

ەرىكتى تىلشىلەر گو چىڭ، ساۋ شا

«مىنا ءسوز قالاي وقىلادى؟»
«اناردىڭ ءدانى»
«دۇرىس. شي جينپيڭ اتاي ايتقانداي، اناردىڭ دانىندەي تىعىز ۇيىسۋىمىز كەرەك. ءادىلجان، بۇل قولىڭنان كەلە مە؟»
«كەلمەگەندە!»
«جارايسىڭ، كەلە عوي، بەتىڭنەن ءبىر يىسكەيىن...»
2017 - جىلى 31 - جەلتوقسان كەشتە حىجيڭ اۋدانى ءنامىنمودۇن قالاشىعى بورجۇق قىستاعىنداعى ءبىر شارۋا وتباسىندا حىجيڭ اۋداندىق مەملەكەتتىك سالىق مەكەمەسىنىڭ كادرى حۋ شيۋحۋا ءسىلىمحان اپايدىڭ نەمەرەسى ءادىلجانعا مەملەكەتتىك ءبىر تۇتاس قولدانىلاتىن ءتىل - جازۋدى ۇيرەتىپ جاتتى.
ۇلتتار ىنتىماعى بويىنشا «تۋىستاسۋ اپتالىعى» قيمىلىندا حۋ شيۋحۋا قىزمەتتەستەرىمەن بىرگە تۋىسىنىڭ ۇيىندە شىن نيەت، شىنايى سۇيىسپەنشىلىكپەن ۇگىت - لەكسيا جاساپ، باس شۋجيگە، پارتيا ورتالىق كوميتەتىنە دەگەن العىس سەزىمدى بۇقارانىڭ جۇرەگىنە تەرەڭ ۇيالاتىپ، ونى جاڭا داۋىردە ەكپىندەي ىلگەرىلەۋدىڭ سەرپىندى كۇشىنە اينالدىردى.
«پارتيانىڭ جاقسى تۋىس جىبەرگەنىنە شىن جۇرەكتەن العىس ايتامىن»
ءسىلىمحان مامەت قىسقى ارەدىكتەن پايدالانىپ اۋدان قالاشىعىندا بەلگىلى قوناق سارايدىڭ تازالىقشىسى بولىپ ىستەيدى. ءار كۇنى تاڭەرتەڭ ەلەكترلى كولىكپەن 15 كيلومەتر شالعايداعى اۋدان قالاشىعىنا بارىپ، كەشكى ساعات 8دەن اسقاندا ۇيىنە ارەڭ ورالاتىن. سوڭعى كۇندەرى ونىڭ رەۆماتيزمى قوزعالسا دا تابانداپ جۇمىس ىستەيدى. ۇيىنە جاڭا تۇسكەن حۋ شيۋحۋا بۇل جاعدايدى بىلگەننەن كەيىن وعان جانى اشىپ: اپەكە، ۇيدە بىرنەشە كۇن جاقسى دەمالىڭىز، ءسىزدىڭ ورنىڭىزعا مەن بارىپ ىستەيىن، - دەيدى.
«ويتۋگە استە بولمايدى. ەكەۋىمىز تۋىس بولعان ءبىر جىلدان استام ۋاقىتتان بەرى ماعان كومەگىڭ از بولمادى. سەنى ورنىما تازالىق جۇمىسىن ىستەتسەم قالاي بولادى؟»
«ولاي دەمەڭىز، اپەكە، بارلىعىمىز ءبىر ءۇيدىڭ ادامدارىمىز، مەن باردا ءسىز شارشاپ - شالدىقپاڭىز، جۇمىستى بىرگە ىستەگەنىمىز ءجون؟»
«ايتقانىڭ بولسىن، ەرتەڭ تاڭەرتەڭ جۇمىسقا بىرگە بارايىق»، - دەپ ءسىلىمحان اپاي زورعا ماقۇل بولادى.
كەشكى استان كەيىن حۋ شيۋحۋا ءسىلىمحان اپايدىڭ ارقاسىن ۇيقالاپ جاتقاندا ءسىلىمحان: ءسىڭلىم، سوڭعى كۇندەرى سەنىڭ كومەگىڭدە قولىم بوساپ قالدى. پارتيانىڭ بىزگە وزىڭدەي جاقسى كادر جىبەرگەنىنە ءارى جاقىن تۋىسىم بولعانىڭا شىن جۇرەكتەن العىس ايتامىن! - دەگەندە، «تارتىنباڭىز، اپەكە، ءبىز ءبىر - بىرىمىزگە قارايلاسۋعا ءتيىستىمىز...»، - دەيدى حۋ شيۋحۋا.
«باس شۋجي بۇقاراعا شىنايى كوڭىل بولەدى»
سۇلۋلىقتى ءسۇيۋ ايەل زاتىنىڭ قاسيەتى. حۋ شيۋحۋا قولى بوساي قالسا بولعانى، ءسىلىمحانعا جانە ونىڭ كەلىنى بۇحالچامعا بەتكە بەزەنۋ بۇيىمدارىن پايدالانۋدى ۇيرەتەدى.
«بۇحالچام، ۇيالما، قاراشى، بەزەنگەننەن كەيىن قانداي سۇلۋ بولىپ كەتتىڭ. ءبىزدىڭ سىرتىمىز سۇلۋ بولىپ قالماستان، ىشكى دۇنيەمىزدە باي بولۋى، يدەيادا جاڭا داۋىرگە ىلەسۋىمىز كەرەك. قىزمەت اترەتى قىستاقتا اپتا سايىن ەگىنشى - مالشىلار كەشكى مەكتەبىندە ساباق وتەدى، سەن بۇدان كەيىن ۇنەمى سول جەرگە بارىپ، ۇيرەنىپ تۇر». كەشكى استان كەيىن حۋ شيۋحۋا بۇحالچامنىڭ شاشىن تاراپ جاتىپ وعان وسىلاي دەدى.
«ايتقانىڭىز ءجون، مەن كەشكى مەكتەپتەن باس شۋجي شي جينپيڭنىڭ پارتيا 19 - قۇرىلتايىنىڭ بايانداماسىندا جەردى كوتەرمەگە بەرۋدى 30 جىل ۇزارتۋدى ورتاعا قويعانىن ءبىلدىم. بۇل حاباردى ەستىپ كوڭىلىم ورنىعىپ قالدى»، - دەدى بۇحالچام.
«باس شۋجي شي جينپيڭ ءبىز سياقتى بۇقاراعا شىنايى كوڭىل بولەدى، بۇقارانى قۇرمەتتەيدى، بۇقاراعا كومەكتەسەدى. ءبىز ول كىسىگە العىس ايتۋىمىز، ول كىسىنىڭ قامقورلىعى مەن ءۇمىتىن اقتاۋىمىز كەرەك»، - دەدى حۋ شيۋحۋا.
بۇنى ەستىگەن بۇحالچام باتىل تۇردە: دۇرىس ايتاسىز، باس شۋجيگە، پارتيا ورتالىق كوميتەتىنە، ءسوز جوق، العىس ايتۋىمىز، پارتيانىڭ سوزىنە قۇلاق اسىپ، پارتياعا ىلەسۋىمىز كەرەك، - دەدى.
تۋىستاسقان كادرلار اڭگىمەلەسىپ، سىرلاسىپ، جاڭا يدەيالاردى، جاڭا ساياساتتاردى تۋىستارىنىڭ قۇلاعىنا قۇيىپ قالماستان، ولاردى مادەنيەتتى بولۋعا، تەحنيكا ۇيرەنۋگە، كىرىستەرىن ارتتىرۋعا، ءىس جۇزىندىك ارەكەتتەرى ارقىلى باس شۋجي شي جينپيڭنىڭ جانە پارتيا ورتالىق كوميتەتىنىڭ قامقورلىعىنا العىس ايتۋعا جەتەلەدى.
«ەڭبەكشىل قوس قولىمىزعا سۇيەنىپ، اناعۇلىم جاقسى تۇرمىس كەشىرەمىز»
قىستىڭ قاقاعان ايازى. بورجۇق قىستاعىنداعى جولدىڭ ەكى شەتىندەگى تەرەكتەردى قىراۋ باستى، قىس جەلىمەن قار ۇشقىندارى قالىقتاي جالت - جۇلت ەتەدى.
حۋ شيۋحۋا ءسىلىمحاننىڭ ۇيىندەگى كومىردىڭ از قالعانىن كورىپ، حىجيڭ اۋداندىق مەملەكەتتىك سالىق مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا بورجۇق قىستاعىندا تۇراتىن قىزمەت اترەتىنە جاعدايدى اڭىس ەتتى. سول كۇنى تۇستەن كەيىن قىزمەت اترەتى ءسىلىمحان وتباسىنا 5 دوربا ىسسىز كومىر جەتكىزىپ بەردى.
«تۋىستاسۋ اپتالىعىنىڭ» 7 - كۇنى، حۋ شيۋحۋا سىلىمحانمەن بىرگە قوناقسارايدا جارتى كۇندەي جۇمىس ىستەدى، تۇستەن كەيىن ول بازارعا بارىپ قوي ەتىن جانە كوكونىس ساتىپ الىپ، ءسىلىمحان وتباسىنداعىلارعا كەشكى تاماق جاساۋعا دايىندالدى.
بۋى بۇرقىراعان ءبىر تاباق ەتتى كوتەرىپ كەلگەندە، ءسىلىمحان ازداپ ىڭعايسىزدانىپ تا قالدى.
«اپەكە، ءوز ءۇيىمىز عوي، نەگە قىسىلاسىز»، - دەدى حۋ شيۋحۋا ءسىلىمحاننىڭ شىنىسىنا تاماق سالىپ جاتىپ.
«بىزدە <توپتان بولىنسەڭ اداساسىڭ، كوپپەن بولساڭ جاراساسىڭ> دەگەن اتالى ءسوز بار. ۇلتتار ىنتىماعى بولماسا، تىنىش ءومىر وتكىزۋ قيىن؛ باۋىرلاستار بەرەكەلى وتسە، كۇندەرى دە باي - باقىتتى بولادى، قوس قولىمىزعا سۇيەنىپ، ءتىپتى جاقسى تۇرمىس كەشەمىز، سولاي ما»؟ - دەدى ءسىلىمحان.
«ءيا، سولاي، ءبىز جاڭا داۋىرگە وتتىك، جاڭا بەينە تانىتۋىمىز كەرەك. ىنتىماقتاسا ەرتەرەك كەدەيلىكتەن قۇتىلىپ، اۋقاتتانۋىمىز كەرەك»، - دەدى حۋ شيۋحۋا.
ءسىلىمحان جىميىپ باسىن يزەدى دە، پەشكە كومىر سالدى، پەشتىڭ الاۋلاعان جالىنى ءۇيدى مەيىرگە بولەدى...

جاۋاپتى رەداكتور: قابىلقان ايتقابىل ۇلى
  • ج ك پ ورتالىق كوميتەتى، مەملەكەتتىك كەڭەس مەملەكەتتىك عىلىم - تەحنيكا سيلىعى جينالىسىن سالتاناتپەن وتكىزدى
  • 6-كەزەكتى قىسقى ساياحات وبىراز ەلشىسى «قار-مۇز ساياحات ارۋى مەن قار-مۇز ساياحات حانزاداسىن تالداۋ جارىسى» وزدىرىلدى
  • جاڭا جاۋىنگەرلەردى قارسى الدى
  • الاقاي، ۇلىڭگىر سىرلى كەرىش قار شاڭعى الاڭى قۇرىلدى