اعاجاي-التاي تورابى   ›   زاڭ-تارازى   ›   تارازى

قىزمەتكەر جۇمىستان «وزدىگىنەن» قول ۇزگەندىكتەن 30 مىڭ يۋان تولەم الدى

جاڭ شيۋ، ۋاڭ ياجوۋ، ۋاڭ پىڭكۇن، جاڭ ۋىنجيڭ

  قىزمەتكەردىڭ جۇمىستان وزدىگىنەن قول ءۇزۋى

  2012 - جىلى شىلدە ايىندا ياڭ لى ءۇرىمجى قالاسىنداعى ءمالىم ءبىر ءۇي - قوراجاي شەكتى سەرىكتەستىگىنە جۇمىسقا شاقىرىلىپ، سەرىكتەستىكتىڭ عيمارات باسقارۋ قىزمەتكەرى رەتىندە ىستەدى، ەكى جاق 2012 - جىلى 4 - شىلدەدەن 2016 - جىلى 3 - شىلدەگە دەيىنگى ەڭبەك توقتامىنا قول قويىسادى.

  2016 - جىلى ناۋرىزدا تيجارات جۇرگىزىپ تۇرعان عيمارات اشەكەيلەنگەندىكتەن، سەرىكتەستىك ياڭ لىنىڭ كەڭسەسىن اۋىستىرىپ، جۇمىس ورنىن قايتا رەتتەمەستەن، ونىڭ ەڭبەكاقىسىن توقتاتىپ تاستايدى.

  ءبىر ايدان كەيىن سەرىكتەستىك «ياڭ لىنىڭ جۇمىستان وزدىگىنەن قول ءۇزۋىن ءبىر جاقتى ەتۋ قارارىن» شىعارادى، قاراردا بىلاي دەلىنگەن: ياڭ لى 2016 - جىلى 29 - ناۋرىز كۇنى سەرىكتەستىككە قۇلاق قاعىس ەتپەي، جۇمىس ورنىنان وزدىگىنەن كەتىپ قالىپ، كاسىپورىننىڭ ءتارتىپ - تۇزىمىنە اۋىر قايشىلىق جاسادى، سەرىكتەستىگىمىز اقىلداسۋ ارقىلى ونى جۇمىس ورنىنان وزدىگىنەن قول ءۇزدى دەپ قارادى.

  2016 - جىلى مامىردا ياڭ لى ءۇرىمجى قالاسىنداعى ءمالىم ءبىر ەڭبەك داۋ - شارىنا تورەلىك ايتۋ كوميتەتىنە ءوتىنىش بەرىپ، ءۇرىمجى قالاسىنداعى ءمالىم ءبىر ءۇي - قوراجاي شەكتى سەرىكتەستىگىنىڭ ءوزى تۋرالى جۇمىستان وزدىگىنەن قول ءۇزدى دەپ شىعارعان قارارىن كۇشىنەن قالدىرۋدى؛ ەڭبەك قاتىناسىن زاڭسىز كۇشىنەن قالدىرعانىنا 30 مىڭ يۋان تولەم بەرۋدى؛ ۇستەمە جۇمىس ىستەۋ اقىسىن جانە جىلدىق دەمالىس الماعان دەمالىس كۇندەرىندەگى ەڭبەكاقىسىن تولىقتاپ بەرۋدى تالاپ ەتەدى.

  ۇرىمجى قالاسىنداعى ءمالىم ءبىر ەڭبەك داۋ - شارىنا تورەلىك ايتۋ كوميتەتى: سەرىكتەستىكتىڭ ياڭ لى جونىندە جۇمىس ورنىنان وزدىگىنەن قول ءۇزدى دەگەن قارارى كۇشىنەن قالسىن؛ ەڭبەك قاتىناسىن زاڭسىز كۇشىنەن قالدىرعانى ءۇشىن سەرىكتەستىك ياڭ لىعا 30 مىڭ يۋان تولەم تولەسىن؛ ياڭ لىنىڭ باسقا تالاپتارى تويتارىلسىن، - دەپ تورەلىك ايتادى.

  قىزمەتكەر ىستەتۋشى ورىننىڭ 30 مىڭ يۋان تولەم بەرۋگە ۇكىم ەتىلۋى

  ءۇرىمجى قالاسىنداعى ءمالىم ءبىر ءۇي - قوراجاي شەكتى سەرىكتەستىگى بۇل تورەلىك كەسىمگە مويىنسال بولماي، ءۇرىمجى قالاسى سايباق رايوندىق حالىق سوتى مەكەمەسىنە ارىز بەرەدى. سوت ۇستىندە ياڭ لى: «سول كەزدە سەرىكتەستىكتىڭ ءمالىم جاۋاپتىسى ماعان <سەنىڭ جۇمىس ورنىڭ جوق بولدى، ءدال قازىر دارىندى قابىلداپ جاتقان كەز، ۋاقىتىڭدى وتكىزىپ الما> دەگەن بولاتىن، سوندىقتان مەن كەتىپ قالدىم، قازىر نەگە جۇمىس ورنىمنان وزدىگىمنەن كەتىپ قالعان ەسەپتەلەمىن؟» دەپ قارسى داۋ ايتتى.

  سايباق رايوندىق حالىق سوتى مەكەمەسى ءبىرىنشى سوت ۇكىمىن بىلاي دەپ شىعاردى: ءۇرىمجى قالاسىنداعى ءمالىم ءبىر ءۇي - قوراجاي شەكتى سەرىكتەستىگىنىڭ ياڭ لى جونىندە جۇمىستان وزدىگىنەن قول ءۇزدى دەگەن قارارى كۇشىنەن قالسىن؛ ەڭبەك قاتىناسىن زاڭسىز كۇشىنەن قالدىرعانى ءۇشىن، ءۇرىمجى قالاسىنداعى ءمالىم ءۇي - قوراجاي شەكتى سەرىكتەستىگى ياڭ لىعا 30 مىڭ يۋان تولەم تولەسىن. ەگەر سەرىكتەستىك بۇل ۇكىمگە مويىنسال بولماسا، ءۇرىمجى قالالىق ورتا حالىق سوتى مەكەمەسىنە جوعارىلاپ ارىزدانۋىنا بولادى.

  ءۇرىمجى قالالىق ورتا حالىق سوتى مەكەمەسى دەلونى قاراپ شىققاننان كەيىن: ءۇرىمجى قالاسىنداعى ءمالىم ءبىر ءۇي - قوراجاي شەكتى سەرىكتەستىگى مەن ياڭ لى قول قويىسقان ەڭبەك توقتامىن اتقارۋ مەرزىمى ىشىندە بۇل سەرىكتەستىكتىڭ تيجارات جۇرگىزۋ ورنىن اشەكەيلەتىپ، ياڭ لىعا باسقا جۇمىس ورنىن رەتتەپ بەرمەگەندىگىنەن ياڭ لىنىڭ جۇمىس ىستەمەگەنى شىندىق، وسىدان كەيىن سەرىكتەستىكتىڭ ياڭ لى جونىندە جۇمىس ورنىنان وزدىگىنەن قول ءۇزدى دەپ قارار شىعارۋى زاڭنىڭ تارماقتارىنا ۇيلەسپەگەندىكتەن، ءۇرىمجى قالاسىنداعى ءمالىم ءبىر ەڭبەك داۋ - شارىنا تورەلىك ايتۋ كوميتەتى قاراردى كۇشىنەن قالدىرعان. سەرىكتەستىكتىڭ ياڭ لى جونىندە شىعارعان جۇمىس ورنىنان وزدىگىنەن قول ءۇزدى دەگەن قارارى زاڭعا قايشى، سوندىقتان ياڭ لىنىڭ سەرىكتەستىكتەن ەڭبەك قاتىناسىن زاڭسىز كۇشىنەن قالدىرعانى ءۇشىن تولەم تالاپ ەتۋى زاڭ جاعىنان قولداۋعا يە بولادى، - دەپ قارادى. تاياۋدا ءۇرىمجى قالالىق ورتا حالىق سوتى مەكەمەسى ءۇرىمجى قالاسىنداعى ءمالىم ءبىر ءۇي - قوراجاي شەكتى سەرىكتەستىگىنىڭ ارىزىن تويتارىپ، اۋەلگى ۇكىم كۇشكە يە دەگەن سوڭعى ۇكىمدى شىعاردى.

  «ەڭبەك قاتىناسىن كۇشىنەن قالدىرۋدى قايسى جاقتىڭ ورتاعا قويۋى ەكونوميكالىق تولەم بەرۋدى جانە جۇمىسسىزدىقتى قامسىزداندىرۋ قوسىمشا قاراجاتىن الۋدى بەلگىلەيدى. ەگەر ادام ىستەتۋشى ورىن ورتاعا قويسا ءارى ەڭبەك توقتامىن كۇشىنەن قالدىرۋ جونىندە كەڭەسىپ بىرلىككە كەلسە، ادام ىستەتۋشى ورىن ەڭبەكشىگە ەكونوميكالىق تولەم، ەڭبەكاقى، سيلىق سوما، جىلدىق دەمالىس الماعان دەمالىس كۇندەرىندەگى ەڭبەكاقىسى جانە ۇستەمە جۇمىس ىستەۋ اقىسى قاتارلى قاتىستى قاراجاتتاردى تولەيدى، ونىڭ ۇستىنە ەڭبەكشى جۇمىسسىزدىق قامسىزداندىرۋ تولەمىن دە الادى»، - دەدى ءۇرىمجى قالالىق ورتا حالىق سوتى مەكەمەسى ازاماتتىق ىستەر 5 - سوت كوللوگياسىنىڭ سۋدياسى حان جيڭ تانىستىرىپ. ادام ىستەتۋشى كەيبىر ورىندار ەڭبەكشىنى جۇمىستان بوساتقان كەزدە، توقتامدى زاڭسىز كۇشىنەن قالدىرۋدىڭ قاتەرىن ارقالاماۋ ءۇشىن، ادەتتە ەڭبەكشىمەن كەڭەسىپ، جۇمىستان قول ءۇزۋ كەلىسىمىنە قول قويدىرىپ، ەڭبەكشىدەن جۇمىستان قول ءۇزۋ مالىمدەمەسىن جازۋدى تالاپ ەتۋ قاتارلى تاسىلدەر ارقىلى ارقالاۋعا ءتيىستى جاۋاپكەرشىلىكتەن جالتارادى. سول ءۇشىن، ەڭبەكشى ءوزىنىڭ زاڭدى ۇقىق - مۇددەسىن ءتۇسىنۋى ءارى ونى بەلسەندى تۇردە قورعاي ءبىلۋى كەرەك.

  (ماقالاداعى كىسى اتتارى تۇگەلدەي وزگەرتىلىپ الىندى)

  «شينجياڭ زاڭ گازەتىنەن»اۋدارعان: ساعىنبەك رابات ۇلى

جاۋاپتى رەداكتور: جانار قاناپيا قىزى
  • ورتالىق اسكەري ىستەر كوميتەتى 2018 - جىلعى اسكەري جاتتىعۋعا جۇمىلدىرۋ جينالىسىن اشتى
    شي جينپيڭ بۇكىل ارمياعا جاتتىعۋ بۇيرىعىن جاريالادى
  • جاڭا جىل بايلانىسىمەن كوركەمونەر ويىن نومىرلەرىن قويدى
  • «19-قۇرىلتاي رۋحىن دايەكتىلەندىرىپ، ۇلى ىنتىماقتىڭ جىرىن جىرلاپ، جاڭا داۋىرگە قادام تاستايىق» تاقىرىبىندا قيمىل وزدىردى
  • مەملەكەت ٴتىلىن ۇيرەنۋ قيمىلىن مال شارۋاشىلىق رايوندارىنا دەيىن جەتكىزدى