اعاجاي-التاي تورابى   ›   زاڭ-تارازى   ›   تارازى

تۇرعىن ءۇي الەۋمەتتىك قورى ەرلى - زايىپتىلاردىڭ ورتاق مال - مۇلكى ەسەپتەلە مە

  40 جاستاعى ءۇرىمجى تۇرعىنى ۋاڭ xxپەن ايەلى ليۋ xx تۇرمىس كەشىرۋ بارىسىندا ۇنەمى كىشى - گىرىم ىستەرگە بولا كەركىلدەسىپ قالادى، ءتىپتى كەي كەزدەردە قول جۇمساۋعا دەيىن بارادى. بيىل ەكەۋىنىڭ اراسىنداعى قايشىلىق بارعان سايىن اسقىنىپ، حالىق سوتى مەكەمەسىنە اجىراسۋعا بارادى. سوتشى ەكەۋىن جاراستىرسا دا ەشقانداي ءونىمى بولمايدى، ولار نەكەدەن اجىراسۋ نيەتتەرىنەن قايتپادى. تاراپتار بالالارىن اسىراۋ، ءۇي - مۇلىك، كولىك جانە امانات اقشا سياقتىلارداعى بولىسكە ەشقانداي داۋ ايتپايتىندىقتارىن بىلدىرەدى. الايدا ايەلى ليۋ xx كۇيەۋىنىڭ اتىنداعى تۇرعىن ءۇي الەۋمەتتىك قورىن ءبولۋدى تالاپ ەتكەندە، ۋاڭ xxتىڭ تويتارسىنا ۇشىرايدى.

  ليۋ xx ءۇرىمجى قالالىق تۇرعىن ءۇي الەۋمەتتىك قورىن باسقارۋ ورتالىعىنىڭ سايتىنان تەكسەرۋ ارقىلى 2017 - جىلى 15 - قازانعا دەيىن، كۇيەۋىنىڭ اتىنداعى تۇرعىن ءۇي الەۋمەتتىك قورىنىڭ 180 مىڭ يۋان بولعانىن بايقايدى.

  «تۇرعىن ءۇي الەۋمەتتىك قورىن باسقارۋ ەرەجەسىندە» «جۇمىسشى - قىزمەتكەرلەردە مىناداي جايتتەردىڭ ءبىرى بولسا، تۇرعىن ءۇي الەۋمەتتىك قورىنىڭ قالدىق سوماسىن شىعارىپ الۋىنا بولادى» دەپ بەلگىلەنگەن: ءوزى تۇرعان ءۇيدى ساتسا، ءۇي سالسا، قايتا سالسا، جالپى بەتتىك جوندەسە؛ دەمالىسقا، زەينەتكە شىقسا؛ ەڭبەك قابىلەتىنەن بۇكىلدەي ايىرىلسا ءارى مەكەمەمەن ەڭبەك قاتىناسىن ۇزسە؛ شەتەلگە قونىس اۋدارىپ، قونىستانسا؛ ءۇي ساتىپ العانداعى قارىزدىڭ ءوسىمىن قايتارسا؛ ءۇي جالاقىسى وتباسى ايلىق كىرىسىنىڭ بەلگىلەگەن سالىستىرماسىنان اسىپ كەتسە.

  ۋاڭ xx «نەكەدەن اجىراسۋ تۇرعىن ءۇي الەۋمەتتىك قورىن شىعارىپ الۋدىڭ سەبەبى بولا المايدى. تۇرعىن ءۇي الەۋمەتتىك قورى مەنىڭ جەكە باسىما تاۋەلدى، سوندىقتان ونىڭ بۇل قوردى ءبولىسىپ الۋ ۇقىعى جوق» دەپ قارادى.تۇرعىن ءۇي الەۋمەتتىك قورى − ادام ىستەتۋشى ورىنمەن قىزمەتتەگى جۇمىسشى - قىزمەتكەرلەردىڭ بەلگىلەمە بويىنشا ساقتاعان، تۇرعىن ءۇي تۇتىنۋ شىعىسىنا ىستەتەتىن تۇرعىن ءۇي قارجىسى. جۇمىسشى - قىزمەتكەرلەر ءۇي ساتىپ الۋ، ءۇي اشەكەيلەۋ سياقتى قاجەتتەرى بولعاندا، وسى قوردى شىعارىپ الۋىنا بولادى.

  ايتىلىم

  ءۇرىمجى قالاسى سايباق رايوندىق حالىق سوتى مەكەمەسىنىڭ سوتشىسى گۇلنار بىلاي دەدى: «جۇڭحۋا حالىق رەسپۋبليكاسىنىڭ نەكە زاڭىنىڭ» 17 - تارماعىندا: «ەرلى - زايىپتىلاردىڭ نەكەلىك قارىم - قاتىناسى باياندى كەزىندەگى مىناداي مال - مۇلىكتەر ەرلى - زايىپتىلاردىڭ ورتاق مەنشىگىندە بولادى: ەڭبەكاقى، سيلىق اقشا؛ ءوندىرىس، تيجارات تابىسى؛ ءبىلىم مەنشىك ۇقىعى تابىسى؛ مۇراگەرلىك ەتكەن نەمەسە تارتۋ ەتىلگەن مال - مۇلىك؛ باسقا دا ورتاق مال - مۇلىككە جاتاتىن بارلىق مال - مۇلىك» دەپ بەلگىلەنگەن. «ەڭ جوعارى حالىق سوتى مەكەمەسىنىڭ <جۇڭحۋا حالىق رەسپۋبليكاسىنىڭ نەكە زاڭىن> قولدانۋعا قاتىستى ءىشىنارا ماسەلەلەر جونىندەگى تۇسىندىرمەسىنىڭ (2)» 11 - تارماعىندا بىلاي دەپ بەلگىلەنگەن: «ەرلى - زايىپتىلاردىڭ نەكە قاتىناسى باياندى كەزىندەگى مىناداي مال - مۇلىكتەر <نەكە زاڭىنىڭ> 17 - تارماعىندا بەلگىلەنگەن <باسقا دا ورتاق مال - مۇلىككە جاتاتىن بارلىق مال - مۇلىككە> تاۋەلدى بولادى: ءبىر جاقتىڭ جەكە مال - مۇلىككە قارجى قوسۋدان تاپقان تابىسى؛ ەر - ايەل ناقتى يە بولعان نەمەسە يە بولۋعا ءتيىستى تۇرعىن ءۇي كومەك قاراجاتى، تۇرعىن ءۇي الەۋمەتتىك قورى؛ ەر - ايەل ەكى جاق ناقتى يە بولعان نەمەسە يە بولۋعا ءتيىستى زەينەتكەرلىك قامسىزداندىرۋى، كۇيرەۋگە بايلانىستى ورنالاستىرۋ تولەم قاراجاتى».

  جوعارىداعى بەلگىلەمەلەرگە ساي، ەرلى - زايىپتىلاردىڭ نەكەلىك قارىم - قاتىناسى باياندى كەزدەگى تۇرعىن ءۇي الەۋمەتتىك قورى كىرىسىن ەرلى - زايىپتىلاردىڭ ورتاق مال - مۇلكى ەتىپ بولىسكە سالۋعا بولادى. ويتكەنى ءىستى ادامنىڭ نەكەدەن اجىراسۋى تۇرعىن ءۇي الەۋمەتتىك قورىن شىعارىپ الۋدى سەبەپ ەتپەگەن، ناقتى اتقارۋ بارىسىندا، ەڭ الدىمەن نەكەلىك قارىم - قاتىناسى باياندى كەزىندەگى تۇرعىن ءۇي الەۋمەتتىك قورىن ەسەپتەپ، ونان سوڭ ءبولۋ كەرەك.

  (شينجياڭ زاڭ گازەتىنەن)

  اۋدارعان: كاليما ەرمەكباي قىزى (پراكتيكانت)

جاۋاپتى رەداكتور: جانار قاناپيا قىزى
  • ورتالىق اسكەري ىستەر كوميتەتى 2018 - جىلعى اسكەري جاتتىعۋعا جۇمىلدىرۋ جينالىسىن اشتى
    شي جينپيڭ بۇكىل ارمياعا جاتتىعۋ بۇيرىعىن جاريالادى
  • جاڭا جىل بايلانىسىمەن كوركەمونەر ويىن نومىرلەرىن قويدى
  • «19-قۇرىلتاي رۋحىن دايەكتىلەندىرىپ، ۇلى ىنتىماقتىڭ جىرىن جىرلاپ، جاڭا داۋىرگە قادام تاستايىق» تاقىرىبىندا قيمىل وزدىردى
  • مەملەكەت ٴتىلىن ۇيرەنۋ قيمىلىن مال شارۋاشىلىق رايوندارىنا دەيىن جەتكىزدى