اعاجاي-التاي تورابى   ›   زاڭ-تارازى   ›   مەملەكەت زاڭى

ساۋدا بارىسىندا قايتىس بولسا، سەرىكتەسۋشىنىڭ قاتەلىگى جوق بولسا دا تولەم تولەۋى كەرەك

  باسقالارمەن سەلبەسىپ ساۋدا جاساعاندا، سەرىكتەسۋشى ساۋدا بارىسىندا قاتىناس شىرعالاڭىنان قايتىس بولسا، قاتىستى تولەم تولەۋى كەرەك پە، جوق پا؟ تاياۋدا بيڭتۋان 6 - ديۆيزياسى فاڭساۋحۋ تىڭ يگەرۋ رايوندىق حالىق سوتى مەكەمەسى سەرىكتەسۋشىلەردىڭ داۋ - شار دەلوسىن قاراپ اياقتاتىپ، ايىپكەردىڭ تالاپكەرگە 30 مىڭ يۋان تولەم تولەۋى جونىندە ۇكىم شىعاردى.

  جاڭ xx جاۋ xxپەن سەرىكتەسىپ مال ساۋداسىمەن شۇعىلدانعان، بيىل 7 - قاڭتاردا جاۋ xx اۆتوموبيلمەن بەلگىلى مال فەرماسىنان مال اكەلە جاتقاندا قاتىناس شىرعالاڭىنان قايتىس بولادى. تەكسەرۋ ارقىلى جاۋ xxتىڭ اراق ءىشىپ الىپ قارسى باعىتپەن كولىك جۇرگىزگەندىگى انىقتالادى. قاتىناس ساقشىلارى «جاۋ xxپەن شىرعالاڭعا قاتىستى ەندى ءبىر جاق ياڭ xx قاتىناس شىرعالاڭىندا ۇقساس جاۋاپكەرشىلىك ارقالايدى» دەپ قارايدى. شىرعالاڭ تۋىلعاننان كەيىن، ياڭ xx الدىن الا جاۋ xxتىڭ وتباسىنداعىلارعا 58 مىڭ يۋان تولەم بەرەدى. حالىق سوتى مەكەمەسىنىڭ ۇكىم شىعارۋ ارقىلى جاۋ xxتىڭ قايتىس بولۋ سەبەبىنەن تۋىلعان زياندى 765 مىڭ 804 يۋان دەپ تۇراقتاندىرادى ءارى ساقتاندىرۋ سەرىكتەستىگى 482 مىڭ يۋان تولەم تولەيدى، قالعان 283 مىڭ 804 يۋاندى جاۋ xx ۇستىنە الادى دەپ ۇكىم شىعارادى. جاۋ xxتىڭ وتباسىنداعىلار «جاۋ xx سەلبەستىك بارىسىندا قايتىس بولعان، ساۋدا سەرىگى جاڭ xx قاتىستى جاۋاپكەرشىلىكتى ارقالاۋى كەرەك» دەپ قاراپ، جاڭ xxتەن 141 مىڭ 902 يۋان ءولىم تولەمىن تولەۋىن تالاپ ەتەدى. ەكى جاق كەلىسىمگە كەلە الماي، حالىق سوتى مەكەمەسىنە ارىزدانادى.

  تەكسەرۋ ارقىلى حالىق سوتى مەكەمەسى «جاڭ xxپەن جاۋ xxتىڭ مال ساۋداسىمەن شۇعىلدانۋى جەكەلىك سەرىكتەسۋگە جاتادى. جاۋ xx مال تاسۋ بارىسىندا قايتىس بولدى، بۇل سەرىكتەسۋ جۇمىسىن ىستەۋ بارىسىندا قايتىس بولۋعا جاتادى. جاڭ xxتىڭ جاۋ xxتىڭ ءولىمى جونىندە اعاتتىعى بولماعانىمەن، الايدا، جاۋ xx سەرىكتەسۋشىلەردىڭ ورتاق مۇددەسى جولىندا قايتىس بولعان، سوندىقتان ايىپكەر جاڭ xx بەلگىلى مولشەردە ەكونوميكالىق تولەم تولەۋى كەرەك. الايدا، جاۋ xx اراق ءىشىپ، قارسى باعىتتا ءجۇرۋ سياقتى سەبەپتەرمەن قاتىناس شىرعالاڭىن تۋدىرعان، قاتىناس ساقشى تاراۋى دا جاۋ xx شىرعالاڭدا ۇقساس جاۋاپكەرشىلىك ارقالايدى دەپ تۇراقتاندىردى، سوندىقتان حالىق سوتى مەكەمەسى جاۋ xx 283 مىڭ 804 يۋاندى ءوزى ارقالايدى دەپ ۇكىم شىعاردى. جاۋ xxتىڭ وتباسىنداعىلاردىڭ ءوز الدىنا ارقالايتىن جاۋاپكەرشىلىگى بويىنشا وزدەرىنىڭ شىعىن ولشەمىن بەلگىلەپ، جاڭ xxكە 141 مىڭ 902 يۋان تولەم تولەتۋىنىڭ زاڭدىق نەگىزى جوق، تالاپكەردىڭ تالابىن قولداۋعا بولمايدى» دەپ قاراپ، وسى دەلونىڭ ءىس جۇزىندىك جاعدايىنا جانە داۋگەرلەردىڭ مۇددە قاتىناسىنا نەگىزدەلىپ، جاڭ xxتى تالاپكەرگە 30 مىڭ يۋان تولەم تولەۋگە بۇيىردى.

  (شينجياڭ زاڭ گازەتىنەن)

  اۋدارعان: ءديدار زاتەنقان قىزى (پراكتيكانت)

جاۋاپتى رەداكتور: جانار قاناپيا قىزى
  • ورتالىق اسكەري ىستەر كوميتەتى 2018 - جىلعى اسكەري جاتتىعۋعا جۇمىلدىرۋ جينالىسىن اشتى
    شي جينپيڭ بۇكىل ارمياعا جاتتىعۋ بۇيرىعىن جاريالادى
  • جاڭا جىل بايلانىسىمەن كوركەمونەر ويىن نومىرلەرىن قويدى
  • «19-قۇرىلتاي رۋحىن دايەكتىلەندىرىپ، ۇلى ىنتىماقتىڭ جىرىن جىرلاپ، جاڭا داۋىرگە قادام تاستايىق» تاقىرىبىندا قيمىل وزدىردى
  • مەملەكەت ٴتىلىن ۇيرەنۋ قيمىلىن مال شارۋاشىلىق رايوندارىنا دەيىن جەتكىزدى