اعاجاي-التاي تورابى   ›   زاڭ-تارازى   ›   تارازى

كەرەكتەن شىققان كولىك بىرەۋگە ساتىلىپ، ونى العان ادام شىرعالاڭ تۋدىرسا،كولىكتىڭ اۋەلگى يەسى جاۋاپكەرلىك ارقالاي ماا

  2013 - جىلى ساۋىردە شىحىزى قالاسىنىڭ تۇرعىنى ما چىنگۋاڭ ءوز اتىنداعى كەرەكتەن شىققان موتوتسيكلىن 600 يۋانعا ديڭ حۇيعا ساتىپ بەرەدى. 2014 - جىلى شىلدەدە قالا تۇرعىنى حۋ فىڭ بۇل كولىكتى ەندى بىرەۋدىڭ قولىنان ساتىپ الادى. 2014 - جىلى تامىزدا حۋ فىڭنىڭ ۇلى حۋ لياڭ وسى موتوتسيكلمەن سىرتقا شىعىپ بارا جاتىپ، جولدان وتە بەرگەن تولىق ورتا 1 - جىلدىعىنىڭ وقۋشىسى چىن ليندى سوعىپ كەتەدى. قاتىناس ساقشى تاراۋلارى تەكسەرۋ ارقىلى «حۋ لياڭ حاۋىپسىزدىك باس كيىمىن كيمەگەن، كولىك جۇرگىزۋ كۋالىگى جوق، كەرەكتەن شىققان كولىكتى جۇرگىزىپ، جاياۋلار جولىنان وتكەن جۇرگىنشىگە كەزىككەندە، كولىكتى توقتاتىپ ادامعا جول بەرمەگەن، شىرعالاڭنىڭ بارلىق جاۋاپكەرشىلىگىن ۇستىنە الادى» دەپ كەسەتەدى.

  چىن لين جارالانعاننان كەيىن شيپاحاناعا جاتىپ ەمدەلەدى. تەكسەرىلۋ ارقىلى وڭ جاق جىلىنشىگىنىڭ ۇگىتىلە سىنعانى؛ وڭ جاق قاباعىنىڭ جارىلعانى، وپەراتسيادان كەيىنگى جارا اۋزىنىڭ قابىنعانى جانە سوزىلمالى سيپاتتى سۇيەك قابىنۋ اۋرۋىنا شالدىققانى سياقتى اۋرۋلارى انىقتالادى. وسىدان كەيىن چىن لين حالىق سوتى مەكەمەسىنە ارىزدانىپ، حالىق سوتى مەكەمەسىنەن حۋ ليڭ مەن حۋ فىڭعا جالپى 269 مىڭ 544 يۋان شىعىندى تولەتۋدى، ايىپكەر ما چىنگۋاڭنان قاتىستى تولەم جاۋاپكەرشىلىگىن تولەۋدى تالاپ ەتەدى.

  شىحىزى قالالىق حالىق سوتى مەكەمەسى زاڭ بويىنشا قاراۋ ارقىلى حۋ فىڭنىڭ چىن ليننىڭ ءتۇرلى زيانى ءۇشىن 201 مىڭ 529 يۋان تولەۋى، كولىكتىڭ اۋەلگى يەسى ما چىنگۋاڭ قاتىستى تولەم جاۋاپكەرشىلىگىن اتقارۋى جونىندە ۇكىم شىعارادى.

  شىحىزى قالالىق حالىق سوتى مەكەمەسىنىڭ سۋدياسى دۋ شىچىڭ بىلاي دەپ قارادى: ازاماتتاردىڭ تىرشىلىك ۇقىعى، دەنساۋلىق ۇقىعى جانە باس اماندىق ۇقىعى تۇگەلدەي زاڭنىڭ قورعاۋىندا بولادى. باسقالاردى زاقىمداپ ولارعا زيان جەتكىزسە ەمدەۋ اقىسى، كۇتىمدەۋ اقىسى، قاتىناس اقىسى سياقتى ەمدەلۋ جانە دەنساۋلىعىنىڭ قالپىنا كەلۋىنە كەتكەن قاراجاتتاردى لايىقتى تولەۋى، سونداي - اق جۇمىسىن اقساتۋ بارىسىندا ازايعان كىرىسىن قوسا تولەۋى قاجەت. دەلوداعى كولىكتىڭ تىركەلۋ جاعدايىنا نەگىزدەلسەك، بۇل موتوتسيكلدىڭ كۇشپەن كەرەكتەن شىعارىلاتىن ۋاقىتى 2012 - جىلى 15 - شىلدە. ما چىنگۋاڭ وسى دەلوداعى كولىكتىڭ كەرەكتەن شىعاتىن ۋاقىتىن انىق بىلە تۇرا ونى باسقاعا ساتىپ بەرگەن، سوندىقتان ول بۇل رەتكى قاتىناس شىرعالاڭىندا قاتىستى تولەم جاۋاپكەرشىلىگىن ۇستىنە الۋى قاجەت.دۋ شىچىڭ بىلاي دەدى: نازار اۋدارۋعا تاتيتىنى حۋ لياڭ جاسى 18گە تولماعان، ازاماتتىق جاسىنا تولماعان جاس، قامقورشىسى حۋ فىڭ باسقالاردىڭ كەرەكتەن شىعۋ ولشەمىنە جەتكەن كولىگىن ساتىپ الىپ، حاۋىپسىزدىكتى باسقارۋ مىندتىن تولىق ادا ەتپەي، ۇلى حۋ لياڭنىڭ كولىكپەن كۋالىكسىز كوشەگە شىعىپ، قاتىناس شىرعالاڭىن تۋدىرۋىنا سەبەپكەر بولدى، ول سۋبيەكتيۆتىك قاتەلىك وتكىزدى. «جۇڭحۋا حالىق رەسپۋبليكاسىنىڭ ۇقىققا سۇعاناقتىق جاساۋ جاۋاپكەرشىلىگى زاڭىنىڭ» 32 - تارماعىندا: «ازامات جاسىنا تولماعاندار باسقالاردى زاقىمداسا، ونىڭ قامقورشىسى ۇقىققا سۇعاناقتىق جاساۋ جاۋاپكەرشىلىگىن ارقالايدى» دەپ بەلگىلەنگەن. سوندىقتان حۋ فىڭ ازاماتتىق ارىز - شاعىم تولەم جاۋاپكەرشىلىگىن ارقالاۋى كەرەك.

جاۋاپتى رەداكتور: جانار قاناپيا قىزى
  • ورتالىق اسكەري ىستەر كوميتەتى 2018 - جىلعى اسكەري جاتتىعۋعا جۇمىلدىرۋ جينالىسىن اشتى
    شي جينپيڭ بۇكىل ارمياعا جاتتىعۋ بۇيرىعىن جاريالادى
  • جاڭا جىل بايلانىسىمەن كوركەمونەر ويىن نومىرلەرىن قويدى
  • «19-قۇرىلتاي رۋحىن دايەكتىلەندىرىپ، ۇلى ىنتىماقتىڭ جىرىن جىرلاپ، جاڭا داۋىرگە قادام تاستايىق» تاقىرىبىندا قيمىل وزدىردى
  • مەملەكەت ٴتىلىن ۇيرەنۋ قيمىلىن مال شارۋاشىلىق رايوندارىنا دەيىن جەتكىزدى