اعاجاي-التاي تورابى   ›   زاڭ-تارازى   ›   مەملەكەت زاڭى

50 يۋان تولەم الامىن دەپ، 50 مىڭ يۋاننان ايرىلدى

  بيىلعى «11.11» قيمىلىندا، ينتەرنەت ساۋداگەرلەرى جاپا تارماعاي مەرەكەلىك زات باعاسىن ءتۇسىرۋ قيمىلىن وتكىزىپ، بۇقارانىڭ القاۋىنا بولەنسە، ءىشىنارا زاڭسىز پايدا كوزدەگەن الدامكوستەر بۇقارانىڭ اڭقاۋلىعىنان پايدالانىپ ولاردىڭ قوماقتى اقشاسىن ينتەرنەت جانە ءۇنحات ارقىلى الداپ الىپ، تالاي جانداردى قان قاقساتىپ، زارلاتىپ كەتكەنىن كورىپ تە، ەستىپ تە ءجۇرمىز، سونىڭ دالەلى مىنا ءبىر دەلو مىسالى:

  زاتى جوعالىپ 50 يۋان تولەم العاندى قويىپ، 50 مىڭ يۋانىنان ايرىلعان ۋاڭ حانىم

  ۋاڭ حانىم ينتەرنەتتەن باعاسى 24.9يۋاندىق نانعا تاپسىرىس بەرەدى دە ۋادەلى ۋقىتتا زاتىن تاپسىرىپ الا المايدى، ول جىجياڭداعى ساتۋشىعا حابارلاسقاندا قارسى جاق زات جەتكىزۋ سەرىكتەستىگى زاتىن جوعالتىپ العانىن، ەندى سولار زاتتى وزدەرى قايتا تولىقتاپ جولدايتىنىن ايتادى. كوپ وتپەي ءبىر ەر ادام ۋاڭ حانىمعا تەلەفون جالعاپ، ءوزىنىڭ زات جەتكىزۋ سەرىكتەستىگىنىڭ زات جەتكىزۋشى قىزمەتكەرى ەكەنىن، ۋاڭ حانىمنىڭ زاتىن جوعالتىپ العاندىقتان، وعان جەكەلەي تولەم بەرمەكشى بولعانىن ايتادى. ۋاڭ حانىم قارسى جاقتىڭ ءوزىنىڭ العان زاتىنىڭ قانداي ەكەندىگىن جانە باعاسىن تۋرا ايتقاندىعىنان وعان ەش كۇمانسىز سەنەدى، دەسەدە «الدىمەن زات جەتكىزۋ سەرىكتەستىگىنىڭ جاۋاپتىلارىنا حابارلاسىپ الايىن» دەيدى. الايدا الگى ەر ادام ۋاڭ حانىمعا وتكەندە دە 2 رەت زات جوعالتىپ تولەم تولەپ، سەرىكتەستىك جاعىنان وزىنە ەسكەرتۋ بەرىلگەنىن، ەندى بۇل جولعى اعاتتىعىن سەرىكتەستىك جاۋاپتىلارى بىلەتىن بولسا، ءوزىنىڭ جۇمىستان قۋالاندى بولاتىندىعىن ايتىپ، ۋاڭ حانىمنىڭ ءبىر جول وراي بەرىپ، ءىستى ۋشىقتىرماي، ەكەۋ ارا بىتىسۋگە ماقۇل بولۋىن وتىنەدى ءارى ۋاڭ حانىمعا العان زاتىنىڭ 2 ەسەسىندەي تولەم اقشا بەرمەكشى بولعانىن جانە وعان قوسىپ جىلۋ ساقتايتىن ستاكان بەرەتىنىن ايتادى. مۇنى ەستىگەن ۋاڭ حانىم كوڭىلشەكتىكپەن قارسى جاقتىڭ تالابىنا ماقۇل بولىپ، ونىڭ بەرگەن ءۇنحات ءنومىرىن قوسادى، قارسى جاق تاعى ەكى ولشەمدى كود جولداپ، وعان بۇل ەكى ولشەمدى كودتىڭ زات جەتكىزۋ سەرىكتەستىگىنىڭ قازىنا بولىمىمەن جالعاسىپ جاتقانىن، ونى سكانەرلەپ، ىشىندەگى اتى - ءجونى، ينتەرنەتتەگى زات الۋ ءنومىرىن جانە تەلەفونداعى دالەلدەۋ سيفرى قاتارلى ينفورماتسيالاردى تولتىرسا، جوعارىدا ايتقان تولەم اقشا ۋاڭ حانىمنىڭ توراپ كارتچكاسىنا قايتارىلاتىنىن ايتادى ءارى ينفورماتسيالارىن تولتىرىپ بولعاننان كەيىن ەكى ولشەمدى كودتى ءوشىرىپ تاستاۋىن تالاپ ەتەدى. ۋاڭ حانىم ونىڭ ايتقاندارىن باسقىش بويىنشا ورىنداپ بولىپ، تولەم اقشانىڭ توراپ كارتچكاسىنا ءتۇسۋىن توسىپ وتىرادى، ءبىراق ءىس مۇنىڭ كەرىسىنشە بولادى، تولەم اقشا قۇيىلعاندى قويىپ، ۋاڭ حانىمعا توراپ كارتچكاسىنىڭ ىشىندەگى 130 مىڭ يۋان اقشاسىنىڭ ىستەتىلىپ كەتكەندىگى جونىندە كەلتە حات كەلەدى، ۋاڭ حانىم تىزگىن ۇشىمەن قارسى جاققا تەلەفون بەرىپ، اقشانى قايتارۋدى ايتادى جانە ءبىر جاعىنان ساقشى بولىمشەسىنە مالىمدەيدى، ءبىراق قارسى جاق الگىندە قىزمەتكەرلەردىڭ مەڭگەرۋىنەن اعاتتىق كەتتى دەپ تاعى ءبىر ەكى ولشەمدى كودتى جولدايدى، وسىنى سكانەرلەگەندە 130 مىڭ يۋانعا قوسىپ الدىنداعى ەسەلەپ تولەيتىن اقشانى دا قايتارىپ بەرەتىنىن ايتادى. ءبىراق، بۇل جولى ۋاڭ حانىم الدانبايدى.

  دەلونى تاپسىرىپ العاننان كەيىن، جەرگىلىكتى ساقشى بولىمشەسى جەدەل تەكسەرىپ، تەز ارادا انىقتايدى. دەلونى ءبىر جاقتى ەتۋ قىزمەتىنە قاتىسقان ساقشى: ۋاڭ حانىم الدامكوستىڭ ايتقانى بويىنشا تورعا تۇسكەن، باسقىش بويىنشا ءوزىنىڭ جەكەلىك ينفورماتسياسىن سىرتقا اشقان، ءسويتىپ 130 مىڭ يۋاننان ايرىلعان، الدامكوس ونىڭ 50 مىڭ يۋانىنا توراپ ويىنى قارۋ - جاراعىن العان، قالعان 80 مىڭ يۋانىنا قور ساتىپ العان، سايكەستى رەتتەۋلەر ارقىلى ينتەرنەتتە اقشا تولەۋ تۇعىرى ۋاڭ حانىمعا قور العان 80 مىڭ يۋانىن قايتاردى، ءبىراق، الدامكوس توراپ ويىنى قارۋ - جاراعىن العان 50 مىڭ يۋاندى ۋاڭ حانىمعا قايتارا المادى، - دەدى، وكىنىش وزەگىن ورتەگەن ۋاڭ حانىم: بولماشى زاتقا بولا الدامكوستىڭ تۇزاعىنا ءتۇستىم، قوعام حاۋىپسىزدىگى مەكەمەسى الدامكوستى قولعا الىپ، ونى قاتىستى زاڭ تارماقتارى بويىنشا جازالادى، ءبىراق قان - تەرىممەن جيناعان اقشام 50 يۋان تولەمگە بولا جوق بولدى، ەگەر مەن مىنا ءبىرقانشا ماسەلەلەردى دەر كەزىندە بايقاي العان بولسام، قارسى جاقتىڭ تۇزاعىنا تۇسپەگەن بولار ەدىم، - دەدى.

  بىرىنشىدەن، زات جەتكىزۋ سەرىكتەستىگى، تەز جولدامانى جوعالتقاندا قاريداردى توتە ىزدەمەيدى.

  ەكىنشىدەن، زات ساتۋشى جىجياڭدا، ال الدامكوس سوققان تەلەفون گۋاڭجوۋدان كەلىپتى.

  ۇشىنشىدەن، ەگەر قارسى جاق زاتتىڭ اقشاسىن تولەمەك بولسا، جەكەلىك ينفورماتسيانى قايتا جازۋدىڭ قاجەتى جوق.

  تورتىنشىدەن، قارسى جاقتىڭ ءۇنحات نومىرىندە باس سۋرەتى دە جوق، سوندىقتان مۇنىڭ بارلىعى الدامكوستىك تۇزاعى. كوپشىلىكتىڭ مەنەن ساباق الىپ، كۇندەلىكتى تۇرمىستا، اسىرەسە، مەرەكە - مەيرامداردا ينتەرنەت الدامشىلىعىنان ساق بولۋىن ەسكەرتەمىن، - دەدى.ءيا، بارشا وقىرمان قاۋىم، ۋاڭ حانىم ايتقانداي، بۇل دەلو بارلىعىمىزعا ساباق بولسىن، اركەز قىراعىلىقتى ارتتىرىپ، ينتەرنەت الدامشىلارىنىڭ تۇزاعىنا تۇسۋدەن ساق بولايىق!

  «تىنىش تيانشان» سايتىنان

  اۋدارعان: بۇلبۇل احىمەت قىزى

جاۋاپتى رەداكتور: جانار قاناپيا قىزى
  • ورتالىق اسكەري ىستەر كوميتەتى 2018 - جىلعى اسكەري جاتتىعۋعا جۇمىلدىرۋ جينالىسىن اشتى
    شي جينپيڭ بۇكىل ارمياعا جاتتىعۋ بۇيرىعىن جاريالادى
  • جاڭا جىل بايلانىسىمەن كوركەمونەر ويىن نومىرلەرىن قويدى
  • «19-قۇرىلتاي رۋحىن دايەكتىلەندىرىپ، ۇلى ىنتىماقتىڭ جىرىن جىرلاپ، جاڭا داۋىرگە قادام تاستايىق» تاقىرىبىندا قيمىل وزدىردى
  • مەملەكەت ٴتىلىن ۇيرەنۋ قيمىلىن مال شارۋاشىلىق رايوندارىنا دەيىن جەتكىزدى