اعاجاي-التاي تورابى   ›   زاڭ-تارازى   ›   تارازى

حايۋان مال مەن جاندى ارانداسا، كىم جاۋاپكەرشىلىك ارقالايدى

  بۇل جەردە ايتىلىپ وتىرعان حايۋان 2 تۇردەگى حايۋانعا قاراتىلعان، ءبىرى، باعىمداعى حايۋان، ال ەندى ءبىرى، جابايى حايۋان. باعىمداعى حايۋاننىڭ مال مەن جانعا زيان سالعانداعى جاۋاپكەرشىلىگى ماسەلەسى «ازاماتتىق زاڭىنىڭ جالپى ەرەجەلەرى» مەن «ۇقىققا سۇعاناقتىق جاساۋ جاۋاپكەرشىلىگى زاڭىندا» بەلگىلەنگەن ازاماتتىق ۇقىققا قول سۇعۋ ماسەلەسى، ازاماتتىق ىستەر زاڭ قاتىناسىنا جاتادى. ال جابايى حايۋاننىڭ مال مەن جانعا زيان سالۋى بولسا «جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭى» جانە «شينجياڭ ۇيعۇر اۆتونوميالى رايونىنىڭ جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭىن اتقارۋ ادىسىندە» بەلگىلەنگەن اكىمشىلىك زاڭدار جاعىنان تارتىپكە سالىناتىن اكىمشىلىك ىستەر زاڭ قاتىناسى. سوندىقتان بۇل 2 تۇردەگى حايۋاننىڭ مال مەن جانعا زيان سالۋىنداعى جاۋاپكەرشىلىك ارقالاۋى، جاۋاپكەرشىلىك سيپاتى، جاۋاپكەرشىلىك سالىستىرماسى، شەشۋ ءتاسىلى مۇلدە ۇقسامايدى.

  باعىمداعى حايۋاندار مال مەن جاندى زيانداسا، «ازاماتتىق زاڭىنىڭ جالپى ەرەجەلەرى» مەن «ۇقىققا سۇعاناقتىق جاساۋ جاۋاپكەرشىلىگى زاڭىنىڭ» قاتىستى بەلگىلەمەلەرىنە ساي، سول باعىمداعى حايۋاندى باعىپ وتىرعان ادام نەمەسە ونىڭ باسقارۋشىسى ازاماتتىق ىستەر تولەم جاۋاپكەرشىلىگىن ۇستىنە الادى. ماسەلەن، ءيت قاپسا، سول ءيتتىڭ يەسى نەمەسە يەلەنىپ جۇرگەن ادام، ات تەپسە، اتتى باعىپ جۇرگەن ادام نەمەسە يەلەنىپ جۇرگەن ادام، وگىز ءسۇزىپ زاقىمداسا، سول وگىزدىڭ يەسى نەمەسە باسقارىپ يە بولىپ جۇرگەن ادام، ال بۋرا شايناپ زاقىمداسا، سول بۋرانى باعىپ جۇرگەن نەمەسە يەسى بولىپ جۇرگەن ادام تولەم جاۋاپكەرشىلىگىن ارقالايدى.

  جابايى حايۋاندار مال مەن جاندى زيانداسا، «جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭى» جانە «شينجياڭ ۇيعۇر اۆتونوميالى رايونىنىڭ جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭىن اتقارۋ ءادىسىنىڭ» بەلگىلەمەسىنە ساي، سول جابايى حايۋان زيانداپ كەتكەن مال نەمەسە ادام تۇرعان ورىنداعى اۋدان دارەجەلى حالىق ۇكىمەتى سول اۋدانداعى ورمان شارۋاشىلىعى مەكەمەسى ارقىلى بۇل احۋالدى تەكسەرىپ انىقتاعاننان كەيىن، سول اۋداندىق حالىق ۇكىمەتى زياندالعان مالعا جانە ادامعا لايىقتى تولىقتاما تولەم بەرەدى. ماسەلەن، ايۋ، قاسقىر، جابايى شوشقا سىندى جىرتقىش اڭدار ادامدى ارانداپ نەمەسە باعىپ وتىرعان ءتورت تۇلىك مالدى شىعىنداپ كەتسە، سول اۋداندىق ۇكىمەت تولىقتاما تولەم بەرەدى.

  باعىمداعى حايۋاننىڭ باعۋشىسى تولەم بەرمەسە، تىكە حالىق سوتى مەكەمەسىنە ازاماتتىق ىستەر ارىزىن بەرىپ تولەم الۋعا بولادى. ال جابايى حايۋان نەمەسە جىرتقىش اڭداردىڭ سالعان ويرانىنان زيان تارتقان ادامعا اۋدان دارەجەلى حالىق ۇكىمەتى تولىقتاما تولەم سوما بەرمەسە، تىكەلەي حالىق سوتى مەكەمەسىنە ارىز بەرۋگە بولمايدى. مۇنداي جاعدايدا سول تولىقتاما سوما بەرۋگە ءتيىستى اۋدان دارەجەلى حالىق ۇكىمەتىنە (ۇكىمەتتەگى زاڭ - ءتۇزىم مەكەمەسىنە بەرەسىز، استە ارىز - ارمان مەكەمەسىنە بەرمەيسىز) تولىقتاما تولەم بەرۋ جونىندە ءوتىنىش كىرگىزەسىز، بۇل ۇكىمەت 60 كۇن ىشىندە تولىقتاما سوما بەرۋ نەمەسە بەرمەۋ جونىندە حۇجات ءتۇسىرۋ كەرەك، ەگەردە بۇل اۋدان دارەجەلى ۇكىمەت وسى 60 كۇن ىشىندە تولىقتاما تولەم بەرمەيمىز دەپ جاۋاپ بەرسە نەمەسە ەشقانداي جاۋاپ بەرمەي قويسا، سىز ءبىر دارەجە جوعارى حالىق ۇكىمەتىنە قايتادان ءبىر قاراپ شىعۋ جونىندە ءوتىنىش كىرگىزسەڭىز دە بولادى، يا بولماسا تىكە سول اۋدان دارەجەلى حالىق سوتى مەكەمەسىنە اكىمشىلىك ارىز كىرگىزسەڭىز دە بولادى (مۇندا، ءسىز اۋدان دارەجەلى ۇكىمەتتىڭ حۇجاتىنا مويىنسال بولماي ودان ءبىر دارەجە جوعارى ۇكىمەتكە دە قايتا قاراتقان بولساڭىز، وندا اۋداندىق حالىق سوتى مەكەمەسىنە تىكە اكىمشىلىك ارىز بەرسەڭىز بولمايدى، قايتا ايماق نەمەسە وبلىس ياكي قاراستىلىعىنداعى رايون بار قالالىق ورتا دارەجەلى حالىق سوتى مەكەمەسىنە اكىمشىلىك ىستەر ارىزىن بەرەسىز).

  دايىنداعان: ناعاشىبەك ۇركىنباي ۇلى

جاۋاپتى رەداكتور: جانار قاناپيا قىزى
  • ورتالىق اسكەري ىستەر كوميتەتى 2018 - جىلعى اسكەري جاتتىعۋعا جۇمىلدىرۋ جينالىسىن اشتى
    شي جينپيڭ بۇكىل ارمياعا جاتتىعۋ بۇيرىعىن جاريالادى
  • جاڭا جىل بايلانىسىمەن كوركەمونەر ويىن نومىرلەرىن قويدى
  • «19-قۇرىلتاي رۋحىن دايەكتىلەندىرىپ، ۇلى ىنتىماقتىڭ جىرىن جىرلاپ، جاڭا داۋىرگە قادام تاستايىق» تاقىرىبىندا قيمىل وزدىردى
  • مەملەكەت ٴتىلىن ۇيرەنۋ قيمىلىن مال شارۋاشىلىق رايوندارىنا دەيىن جەتكىزدى