اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

جاڭا جىل قارساڭىندا مول مازمۇندى قيمىل ورىستەتىلدى

تاياۋدان بەرى ايماعىمىزدىڭ جەر- جەرىندە جاڭا جىل بايلانىسىمەن جۇرتشىلىقتى شاتتىققا بولەيتىن مول مازمۇندى، الۋان ءتۇرلى قۇتتىقتاۋ قيمىلدارى ورىستەتىلدى.

ايماقتىق ورگان ىستەرىن باسقارۋ مەكەمەسى مەن جۇڭگو حالىق مال- مۇلىك قامسىزداندىرۋ شەكتى جارنا سەرىكتەستىگى التاي قالاسى ءابيتان قالاشىعىنىڭ ساسىقباستاۋ قىستاعىندا جانە كوكتال قىستاعىندا جاڭا جىل بايلانىسىمەن «ۇلتتار ىنتىماعىنىڭ بەرەكەلى شاڭىراعى» تاقىرىبىنداعى دوستىق قيمىلىن وتكىزدى. كوپشىلىك تارتىمدى كونسەرت نومەرلەرى ارقىلى پارتيانىڭ شۇعىلالى تابىستارىن جىرلاپ، پارتياعا بورىشتىلىق ءبىلدىرىپ، تاماشا تۇرمىسقا دەگەن ىزگى تىلەگىن بەينەلەدى.

ساسىقباستاۋ قىستاعى پارتيا ياچەيكاسىنىڭ ءبىرىنشى شۋجيى، قىزمەت اترەتىنىڭ باستىعى حان جۇڭ: پارتيا 19- قۇرىلتايىنىڭ رۋحىن ۇگىتتەۋ قيمىلى جانە ۇلتتار ىنتىماعى بويىنشا ورىستەتىلگەن «تۋىسشىلاۋ اپتالىق قيمىلى» ورىستەتىلگەن ورايدا جاڭا جىل بايلانىسىمەن ارناۋلى قيمىل ۇيىمداستىردىق، دانا پارتيانىڭ باسشىلىعىندا كەلەر جىلعى قىزمەتتەر اناعۇرلىم ءونىمدى بولاتىنىنا سەنەمىن.

ايماقتىق ءان- ءبي ۇيىرمەسىنىڭ ونەرپازدارى كەشە ايماقتىق «جينتاي» دەنساۋلىق جانە كۇتىنۋ ورتالىعىنا بارىپ، وسى اراداعى كادر- قىزمەتكەرلەرمەن جانە قارتتارمەن بىرگە ءان شىرقاپ، ءبي بيلەپ، باقىتتى تۇرمىستى جىرلاپ، جاڭا جىل قارساڭىندا كوپشىلىكتى شاتتىققا بولەدى.

ايماقتىق «جينتاي» دەنساۋلىق جانە كۇتىنۋ ورتالىعىنىڭ جاۋاپتىسى دۋ جۋان: وسى رەتكى قيمىل قارتتاردىڭ مادەني تۇرمىسىن ارلەندىرىپ قانا قالماستان، ۇيرەنۋ ىنتاسىن كۇشەيتە ءتۇستى.

جەمەنەي شەكارا قورعانىسى تەكسەرۋ پۋنكىتىندەگى كوماندير- جاۋىنگەرلەر جەمەنەي قالاشىعى سارولەڭ قىستاعىنىڭ مالشىلىق جاتاقتى مەكتەبىنە بارىپ، وقىتۋشى- وقۋشىلارمەن بىرگە جاڭا جىلدى قۇتتىقتاۋ قيمىلىن وتكىزدى. شەكارا قورعانىسى شەبىندەگى كوماندير- جاۋىنگەرلەر وقۋشىلارعا جۇڭگوشا تۇيىنشەكتىڭ استارلى ءمانىن ءتۇسىندىرىپ، جۇرەك فورماسىنداعى قولونەر بۇيىمىن جاساۋدى ۇيرەتىپ، جاڭا جىلعا دەگەن تاماشا تىلەگىن بەينەلەدى. كوپشىلىك جاڭا جىل بايلانىسىمەن بىرگە تىلەك تىلەپ، بيگە باسىپ، جاڭا جىل قارساڭىندا شاتتىققا شومدى.

جەمەنەي شەكارا قورعانىسى تەكسەرۋ پۋنكىتىندەگى پراكتيكانت ساقشى سۇي چىڭحۇي: وقۋشىلاردىڭ جاقسى وقىپ، اقاۋسىز ەسەيىپ، كەلەشەكتە ءبىز سياقتى ەل ىرگەسىن قورعايتىن اتپال ازامات بولۋىن تىلەيمىن. شەكارا قورعانىسى تەكسەرۋ پۋنكىتىندەگى بارلىق كوماندير- جاۋىنگەرلەر اۋەلگى ماقساتتى ۇمىتپاي، ەرشىمدى ەڭبەك ەتىپ، جۇڭگو ارمانى جانە ارميانى قۇدىرەتتەندىرۋ ارمانى جولىندا ايانباي العا تارتادى.

جاڭا جىل قارساڭىندا بۋىرشىن اۋدانىنداعى «شاپاعات» ەرىكتى قىزمەت وتەۋ قوسىنىنداعى ەرىكتىلەر ويماقى قالاشىعىنىڭ جاتاقتى مەكتەبىنە بارىپ، وتباسىندا قينشىلىعى بار وقۋشىلارعا وقۋ قۇرالدارى مەن قولقاپ سياقتى تۇرمىستىق بۇيىمداردى ۇسىنىپ قامقورلىق كورسەتتى.

اۋدارعان: جۇمابەك

جاۋاپتى رەداكتور: قابىلقان ايتقابىل ۇلى
  • مەملەكەت ءتوراعاسى شي جينپيڭ 2018 - جىلعا ارناپ قۇتتىقتاۋ ءسوزىن سويلەدى 
  • كوكتوعايدىڭ شىعانداعان اتاق-داڭقى، تانىلدى دۇنيەگە ساياحاتى
  • «تۋىسشىلاۋ اپتالىعى» مادەني قيمىلىن وزدىرىپ، ۇلتتار ىنتىماعىن نىعايتتى
  • «جۇمىسشىلار ۇيىمى لوڭقاسى» اتىنداعى پارتيانىڭ 19-قۇرىلتاي رۋحىنان زەيىن سىناۋ جارىسىن وزدىرىلدى