اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

تۋىسىمنىڭ شارۋاسى مەنىڭ شارۋام

گۇلنار ءاۋساي قىزى حابارلايدى.

  كوز الدا رايونىمىزدا ۇلتتار ىنتىماعىنىڭ «تۋىسشىلاۋ اپتالىعى» جالپى بەتتىك ورىستەتىلۋدە. شىڭگىل اۋدانىنداعى كادر جۇمىسشى قىزمەتكەرلەر ءۇش توپقا ءبولىنىپ، تۋىستارىنىڭ ۇيىنە بارىپ، ولارمەن تۇرمىستا بىرگە بولىپ، ءوندىرىس جۇمىستارىنا كومەكتەستى ءارى پارتيانىڭ ءۇنىن جەتكىزىپ، تۋىستارىمەن بولعان سۇيىسپەنشىلىكتى تەرەڭدەتتى.

  حۋ ليانجي شىڭگىل اۋداندىق قازىنا باقىلاۋ مەكەمەسىنىڭ كادىرى، بيىل جىل باسىندا ول ارال اۋىلى بۇعوبا قىستاعىنىڭ تۇرعىنى قايسا وتباسىنداعىلارمەن تۋىستاسقاننان بەرى ولارمەن ۇنەمى حابارلاسىپ، احۋالدارىن ۇعىسىپ، جاردەمدەسىپ تۇردى.

  قايسا وتباسى بىلتىر ارحيۆ تۇرعىزىلعان كەدەي وتباسى. مال كوتەرىپ باعۋ جانە ۇساق تۇيەك شارۋالار ىستەپ كىرىس كىرگىزەتىن. كەدەيلىكتەن قۇتىلدىرۋدان قامال الۋ ساياساتىنان يگىلىكتەنگەن ولار 65 شارشى مەتىرلىك الاڭسىز وتىرىقتاندىرۋ ءۇيى جانە 20 باس قوي، 50 قانشا تاۋىق قاتارلى جاقتاردان كومەككە يە بولادى. قايسا وتباسىنداعىلار بۇعوبا قىستاعىنىڭ شەتىنە ورنالاسقاندىقتان ۇيىنە ەلەكتىر جەتكىزىلمەگەن ەدى. بۇدان حاباردار بولعان حۋ ليانجي كوپ جاقتىلى بايلانىس جاساپ، قاتىستى راسىمياتتاردى بىتىرگەننەن كەيىن ءوز جانىنان 4000 يۋان اقشا شىعارىپ، قايسا وتباسىنداعىلارعا توك جەتكىزىپ بەرەدى. قازىر بۇل وتباسىنداعىلار ۋاقىتتارى بولسا تەلەۆيزور كورىپ جانە مۇزداتقىش، كىر جۋۋ ماشيناسى قاتارلى سەميا ەلەكتىر جابدىقتارىن پايدالانا الاتىن بولدى.

  شىڭگىل اۋداندىق قازىنا باقىلاۋ مەكەمەسىنىڭ كادىرى حۋ ليانجي تىلشىگە بىلاي دەدى:« مەن بۇرىندارى تۋىسىمنىڭ ۇيىنە كۇندىزدەرى كەلىپ تۇراتىنمىن. تۋىسشىلاۋ اپتالىعى قيمىلىمەن ءبىر اپتا وسىندا تۇرعانىمدا قايسانىڭ ۇيىنە توك تارتىلماعانىن ءبىراق ءبىلدىم، ولاردا ماعان ايتپاپتى. مەن تۋىسىمنىڭ قيىنشىلىعىن شەشىم ەتۋ ءۇشىن شامامنىڭ كەلىسىنشە كومەكتەسەمىن».

  ارال اۋىلى بۇعوبا قىستاعىنىڭ تۇرعىنى بۇلبۇل تىلشىگە بىلاي دەدى«حۋ ليانجى بىزگە كوپ كومەكتەستى. ءبىز توك جەتكىزىپ بەرگەنىنە وتە رازىمىز. ەندى ءبىز سەميا ەلەكتىر جابدىقتارىن پايدالانىپ، زاماناۋي تۇرمىس كەشىرە الاتىن بولدىق. تۋىسشىلاۋ اپتالىعى قيمىلى ءبىزدىڭ قارىم-قاتىناسمىزدى تىپتىدە نىعايتتى».

  حۋ جيليان تۋىسىنىڭ كىرىسىنىڭ ماردىمسىز ەكەندىگىن بىلگەننەن كەيىن ونىڭ كەلەر جىلعى كىرىسىن ارتتىرۋ جوسپارىن قۇردى.

  شىڭگىل اۋداندىق قازىنا باقىلاۋ مەكەمەسىنىڭ كادىرى حۋ ليانجي تىلشىگە بىلاي دەدى:« قايسا وتە ىسكەر. قولىنان ءارقانداي شارۋا كەلەدى. كەلەر جىلى ول تۇراقتى قىزمەت وتەۋ ورنىن قۇرىپ، شوعىرلى تۇردە قىزمەت وتەسە قاريدارلارى كوپ بولادى».

  ءتىلشىنىڭ قىزمەت ورنى: شىڭگىل اۋداندىق راديو-تەلەۆيزيا مەكەمەسى

جاۋاپتى رەداكتور: قابىلقان ايتقابىل ۇلى
  • مەملەكەت ءتوراعاسى شي جينپيڭ 2018 - جىلعا ارناپ قۇتتىقتاۋ ءسوزىن سويلەدى 
  • كوكتوعايدىڭ شىعانداعان اتاق-داڭقى، تانىلدى دۇنيەگە ساياحاتى
  • «تۋىسشىلاۋ اپتالىعى» مادەني قيمىلىن وزدىرىپ، ۇلتتار ىنتىماعىن نىعايتتى
  • «جۇمىسشىلار ۇيىمى لوڭقاسى» اتىنداعى پارتيانىڭ 19-قۇرىلتاي رۋحىنان زەيىن سىناۋ جارىسىن وزدىرىلدى