اعاجاي-التاي تورابى   ›   اقپارات ايدىنى   ›   سۋرەتتى حابارلار

كوكتوعايدىڭ شىعانداعان اتاق-داڭقى، تانىلدى دۇنيەگە ساياحاتى

مۇقامادي ءشارىپ ۇلى حابارلايدى.

        30-جەلتوقسان تۇستەن بۇرىن كوكتوعاي اۋدانىنداعى شين تياندي قار شاڭعى الاڭىندا «جۇڭگونىڭ سۋىق ۇيەگىندەگى عاجايىپ گەلوگيالىق كورىنىس-ومىرشەڭ كوكتوعاي» تاقىرىبىنداعى اۋداننىڭ جەتىنشى كەزەكتى قىسقى سالىت-سانا ساياحات مەرەكەسىنىڭ باستالۋ مۇراسىمى ءوتتى. اتالعان قيمىلعا ايماق، اۋدان باسشىلارى مەن قاتىستى ورىنداردىڭ جاۋاپتىلارى قاتىناستى.

اۋداندىق پارتكومنىڭ ورىنباسار شۋجيى، ۋاقىتتىق اۋدان اكىمى جەڭىسبەك توقتارقان ۇلى ءاردارەجەلى باسشىلارمەن قۇرمەتتى قوناقتاردى، سىرتتان كەلگەن ساياحاتشىلاردى قىزۋ قارسى الاتىندىعىن ءبىلدىرىپ، اۋدان ساياحاتىنىڭ دامۋ جاعدايىن قىسقاشا تانىستىرىپ ءوتتى. وسى رەتكى اۋداننىڭ سالىت سانا ساياحات مەرەكەسى 30-جەلتوقساندا باستالىپ، 2018-جىلى 6-قاڭتارعا دەيىن جالعاسادى. 31-جەلتوقساندا قارلى القاپتاعى راللي جارسى مەن قايقاڭعا شىعۋ جارىسى؛ 2018-جىلى ءبىرىنشى قاڭتاردا شين تيان-دي قار شاڭعى الاڭى، بايگە مايدانى، قارا وتكەل كورىنىس رايونى قاتارلى ءۇش مايداندا اۆتوكولىك باسەكەسىنىڭ اينالما جارىسى، جول تالعامايتىن كولىكتەر باسەكەسى مەن جەڭىل اۆتوكولىك جارىسى؛ 2017-جىلى 29-جەلتوقساننان 2018-جىلى التىنشى قاڭتارعا دەيىن شين تيان-دي ساۋدا-ساتتىق ورتالىعى 18-عيماراتىنىڭ ەكىنشى قاباتىندا «ءتىل ۇيىرەر ءدامدى تاعام، كورىكتى كوكتوعاي» تاقىرىبىنداعى مادەنيەت، ساياحات، تاعام مەرەكەسى؛ 2017-جىلى 30-جەلتوقساننان 2018-جىلى التىنشى قاڭتارعا دەيىن كوكتوعاي حالىقارالىق گەولوگيالىق باقشاسىنا ورنالاسقان كوكتوعاي قالاشىعى تاراتى قىستاعىندا «ەرتىس باسىنداعى ءبىرىنشى قىستاقتا ۇلتتىق سالت-ءداستۇرمەن تانىسۋ» قيمىلى وتكىزىلەدى.

  مادەنيەتى مايەكتى، ساياحات كاسىبى دامىعان، اسىل تاس قورىنىڭ مولدىعىمەن الەمگە ايگىلى، كەنىشتى مەكەن سانالاتىن كوكتوعاي اۋدانى «جۇڭگونىڭ عاجايىپ تاس مەكەنى»، جىبەك جولىنىڭ تەرىستىگىندەگى ماڭىزدى ساياحات تۇيىنى ءارى «التايدىڭ مىڭ شاقىرىمدىق ساياحات كارتيناسىنىڭ» ماڭىزدى قۇرامداس بولىگى سانالادى. جۋىقتاعى جىلداردان بەرى بۇل اۋدان قار-مۇز بايلىعىنان ۇتىمدى پايدالانىپ، «جۇڭگونىڭ سۋىق ۇيەگىندەگى كورىكتى قار-مۇز مەكەنى» ماركاسىن جاراتۋعا قۇلشىنىپ، «قار جامىلىپ، مۇز قۇرسانعان كورىكتى كوكتوعاي» تاقىرىبىن ارقاۋ ەتە وتىرىپ، ءداستۇرلى قىسقى سپورت قيمىلى مەن قىسقى سالىت-سانا مادەنيەت قيمىلىن ۇيىمداستىرىپ، ساياحاتشىلارعا سۋىق ۇيەكتىڭ قىسقى كەلبەتىن سەزىندىرىپ، دارا ەرەكشەلىككە يە قىسقى ساياحات مەرەكەسىنىڭ داڭقى مەن ىقپالىن ارتتىرىپ، ەگىنشى-مالشى قاۋىمىنىڭ ءوندىرىستىڭ سايابىر مەزگىلىندەگى مادەني تۇرمىسىن بايىتىپ، قىسقى ساياحاتتىڭ دامۋىنا تىڭ سەرپىن بەرىپ، ساياحات كاسىبى ارقىلى ەكونوميكانى ارتتىرىپ، دامۋدى جەبەپ، تامىرى تەرەڭدە جاتقان، دارا ەرەكشەلىككە يە مادەنيەتتى كۇش سالا اشىپ، ءتورت ماۋسىمدىق ساياحاتتىڭ پارمەندى دامۋىن جەبەپ. ساياحات ارقىلى ەگىنشى-مالشىلاردىڭ كىرىسىن ارتتىردى.

  سۋرەتتە: سول كۇنگى وتكەن قيمىلدان قيىقتار

  ءتىلشىنىڭ قىزمەت ورنى: كوكتوعاي اۋداندىق راديو-تەلەۆيزيا مەكەمەسى

جاۋاپتى رەداكتور: قابىلقان ايتقابىل ۇلى
  • قىسقى دالا جۇگىرىسى وتكىزىلدى
  • «تۋىسشىلاۋ اپتالىعى» مادەني قيمىلىن وزدىرىپ، ۇلتتار ىنتىماعىن نىعايتتى
  • «جۇمىسشىلار ۇيىمى لوڭقاسى» اتىنداعى پارتيانىڭ 19-قۇرىلتاي رۋحىنان زەيىن سىناۋ جارىسىن وزدىرىلدى
  • اسقار ابدىرەيىم جولداس شينجياڭنىڭ ءبىرىنشى كەزەكتى وركەنيەتتى وتباسى بولىپ ماراپاتتالدى