اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

التاي جول باسقارۋ مەكەمەسى قاردا قامالىپ قالعان كولىكتەرگە شۇعىل قۇتقارۋ جۇرگىزدى

پراكتيكانت ٴتىلشىمىز قۇرمانگۇل، ەرىكتى ٴتىلشى ماينۇر حابارلايدى.

  27- جەلتوقسان ساعات 19:20 مينۋت وتكەندە، التاي تاس جول باسقارۋ مەكەمەسى جەمەنەي تاس جول باسقارۋ بولىمشە مەكەمەسى قۇتقارۋ تەلەفونىن قابىلدادى. جەمەنەيدەن ۇرىمجىگە قاتىنايتىن كەزەكشى اۆتوبۋز ولكە جولى 229-جول لەنياسى 269-K270K جول بولەگىندە كەلە جاتقاندا، قارلى بوران سوعىپ، جول كورىمدىلىگى 5 مەترگەدە جەتپەي، كولىك جولدان شىعىپ كەتىپ، شەتىندەگى اعارعا ٴتۇسىپ كەتەدى، كولىكتە جيىنى 17 ادام بار ەكەن.

  بۇل جاعدايدان حاباردار بولعان التاي تاس جول باسقارۋ مەكەمەسى جەمەنەي تاس جول باسقارۋ بولىمشە مەكەمەسى دەرەۋ قار اپاتىنا قارسى تۇرىپ، جولدى ىركىلىسسىزدەندىرۋ، شۇعىل جاعدايعا توتەپ بەرۋ جوباسىن ىسكە قوسىپ، قار تازالاۋ ماشيناسىمەن جانە 3 قىزمەتكەر جىبەرىپ، جەمەنەي قاتىناس ساقشى ۇلكەن اترەتى، جەمەنەي تاسمال باسقارۋ ۇلكەن اترەتىمەن سەلبەسىپ، ناق مايدانعا بارىپ قۇتقارۋ قىزمەتىن جۇرگىزدى.

  جول تايعاق بولعاندىقتان كولىكتى سۇيرەپ شىعارا الماي، سوڭىندا، جولاۋشىلاردىڭ باس اماندىعىن ويلاپ، كولىكتىڭ ەسىگىن شاعىپ، ىشىندەگى 17 ادامدى قۇتقارىپ شىعادى.

  اپاتتان قۇتقارۋشىلار قايتىپ كەلە جاتقان جولىندا، ٴبىر دالا اۆتوموبيىلىنىڭ دە اعارعا تۇسىپ كەتكەندىگىن كورەدى، سودان دەرەۋ قۇتقارۋ جۇمىسىنا كىرىسىپ ساعات 23دە قۇتقارۋ مىندەتىن ءساتتى ورىنداپ، حالىقتىڭ باس اماندىعى ءۇشىن تايسالمايتىن اسقاق رۋحتى بەينەلەدى.

  قاتىناس باسقارۋ تاراۋلارى شوفەر جولداستارعا : كولىكتى باياۋ جۇرگىزىپ، شۇعىل ايلانبا، كوشە جولدارىندا قارقىندى باياۋلاتىپ، باسقا كولىكپەن ارالىق ساقتاپ جۇرىڭىزدەر، كولىك دوڭعالاعىن قىسقى دوڭعالاققا ايىرباستاپ ساقتىقتى كۇشەيتۋىن ەسكەرتەدى .

  اۋدارعان: جانار قاناپيا قىزى

جاۋاپتى رەداكتور: قابىلقان ايتقابىل ۇلى
  • اسقار ابدىرەيىم جولداس شينجياڭنىڭ ءبىرىنشى كەزەكتى وركەنيەتتى وتباسى بولىپ ماراپاتتالدى
  • اعاجاي التىن التاي مەكەندەگى، تۋىستاردىڭ دوستىعى بەكەمدەلدى
  • ۇلتتاردىڭ ۇلى دوستىق ىنتىماعى، ماڭگىلىك شەشەك اتىپ قۇلپىرادى
  • تۋىستارىمەن بىرلىكتە جاڭا جىلدى قارسى الدى